Imika 2:3 - IWE ỌNỊNỊ

³ Ẹnẹyịmavara kà oni o reè ro ịrẹyị ọnị ọnị va sị pa ịvaa yị wa. Ọ kà ẹnịnị ẹ yị va zụụ tụ̀ ịrẹsụ hụụnị ịrẹyị ọnọọ. Ọ kà ịrẹyị vee tù wa, dị ahịka vi e kụkụ aa tẹẹ zị nị.

Imika 2:3 ပူးပေါင်းရင်းမြစ်များ

Ayịsaya 29:20

Anayịchama ana aā kụ́ Ohomorihi isiya vaa taa hụrẹ ẹtẹ. Dị a za avaba aza ana aa mẹ̀ ebira odivi dị a wụ̀ wa và ha.

Ayịsaya 3:16

Ẹnẹyịmavara kà ọnị ka eyi ana anyẹnẹẹ Anịzayọnị aa mẹ ọ sị vị ẹnẹmẹhị. Ẹ̀ẹ yaa zị ụsẹ dị ệ tana ọrọkọ ẹnịnị. Avọọ ẹ mẹ̀ dọ ọda ịrẹkọyịsẹ nị. Ẹ̀ẹ yaa na, dị ẹ tangwa ee hu ahụ dị ịsa ẹ si tụ́ ahụ ọnị aa sụ́ ịrẹyị;

Ayịsaya 5:19

Ẹngụ ẹwụ nịnị ẹnẹẹ aa kà a ka ịsa Ohomorihi ọ̀ọ ka ọnị aa mẹ ò jintu mẹ di we re e nịnị. Ụ ka Ohomorihi Anisirẹrị ọ̀ mẹ̀ ịsa ọ̀ọ nyị tụ́ ịnị ayị dị a re di we re e nịnị.

Ijeremaya 18:11

Ẹnẹyịmavara kà, agụvị avọọ, booro aanị, Ijeremaya ọ kà a yị Anijuda ọnịrị Anijerusarẹmị nịnị ka, ọnị ọ́ sị nyima aa mẹ eto ịrẹyị ẹnịnị, ọnị vaa sị ụyaa rị wa. Ọ kà, ọ̀ kà a yị wa ka ẹnịnị ẹ̀ hụụnị ebira odivi-odivi ọ̀ yị mẹ. Ẹ̀ vara oze ẹnịnị ọnịrị ịsị ẹnẹ ẹyaa mẹ.

Ijeremaya 27:12

Ijeremaya ka ọnị ộ rẹ vavọọ kà a yị Ịzẹdẹkaya ohinọyị Ijuda ka, ọ̀ọ ka ọnịrị aza anị ẹ yàra, ọ̀ wụ́ chire ohinọyị Anibabironi, dị ẹẹ kụkụụ hẹkẹ ẹ.

Ijeremaya 34:17

Avọọ, ọnị Ẹnẹyịmavara kà, wẹ́ yị saasa ịrẹyị anị nịnị. Ụ ka wẹ́ yị hụrẹ anda awụ nịnị ụvọ; agụvị avọọ, ọnị vaa hụrẹ ẹwụ nịnị ka we ne sú ha eyirẹkụ nịnị, dị ụkụ ọnịrị ụngwẹ ẹ̀ wụ̀ wụ nịnị va ha. Ọ kà ịsị ọnị ọnị vaa mẹ ẹwụ nịnị vee chire avaba anẹhẹ angwa.

Ijeremaya 36:23

Ijehudi ộ maanị ka ohu ẹẹta à vị ẹẹna avọọ kẹnẹ, dị ohinọyị rẹ sị ụhwọ na wa và hí ịra. Avọọ ọ mẹ mẹ pooro dị ọ rị avaba iwe ọnọnị ịra nị.

Ijeremaya 43:2

Dị ọnọrụ ọnya ana aā hị́ Azarịya ozi Ihosaya, ọnị Ijohananị ozi Ikareya ọnịrị ẹnị enee wù zị, nee tụ́ ohi ka, ireche oni ee che nị. Ẹ ka, Ẹnẹyịmavara, Ohomorihi ẹnịnị, ẹ́ yị tụ ọnị ka, ọnị ọ̀ kà a ka asị ẹnị na ra Ijipiti.

Ijeremaya 8:3

Ẹnẹyịmavara Ochẹtẹẹngụ ka, ẹnị anaa vọ ịpa evere aza edivi ẹnẹnị aha tụra aha ịzị ọnị ọọ dụ wa ne hi, vanaa va ụva isu ka aayẹ ẹnị è vene su.

Arụwẹ 1:14

O re avaba ịvị ọnị ẹnị mẹ̀, dị ọ sụ́ ọ vabẹ nị; Dị ọ sị ọọ gẹ ẹnị ọrọkọ, dị ẹnya sị ngụ ẹnị nị. Ẹnẹyịmavara ộ sị ẹnị chire ọnịvị ẹnịnị ụvọ. Ẹ yị hyakụ nyị ịsị ẹnị zụ pe wa mẹ vụrụ-vụrụ.

Arụwẹ 2:17

Ẹnẹyịmavara ọ raà mẹ̀ ịsa ọnị o wo ka ọnị vaa mẹ̀, Ẹ yị vayị ẹnịnị, ọ sị ẹnị vú ẹtẹ saka-saka anka ọ mẹ vịdị raà kà ẹnị ọ̀nọ̀. Ọ sị eni hu ẹtẹ yị ọnịvị ẹnịnị ka ẹ̀ kụkụụ jẹ.

Arụwẹ 5:5

Aza anaa dụ yị vi ana ku chire yị dị ẹ yịị và, ọ sị ngụ yị ẹngụ, yẹ yị nyị eyi tụ́ ụhwọ́.

Ịdanịyẹrị 4:37

Dị ọnị kụkụ aa sị ụga ọnịrị ụbanyịị yị ohinọyị ana nyị ẹbẹẹba nị. Agụvị ka ịzẹyịza ọnịrị ịsa ana vọrọ ọọ̄ mẹ̀ nị. Ọza ẹ̀ yịị yaraa sị ẹngụ anịị tụ ẹba Ohomorihi ọ zụ và a nẹtẹ.

Emọsị 2:14

Ịzị ẹnịnị ẹẹ rẹ na za, ẹnịnị ẹ yị vaa ha. Ẹ yị nyị ẹ mẹmẹ nyị ụkata na za, ẹ vaa tụ ọkụmị. Ẹnịnị ẹ yị vaa zụ dọ ẹngụ ẹnịnịị ha.

Emọsị 3:1

Ẹnẹyịmavara ọ hị́ Anisirẹrị ka e batọ ịrẹyị ọnị ọnị vaa ka yị wa. Ịrẹyị ọnọọ ọ za avaba ẹnịnị ọnị ọ kụ̀ hụrị ẹtẹ Ijipiti vẹ.

Emọsị 3:2

Ẹnẹyịmavara kà Anisirẹrị nịnị kẹnẹ ọnị nyị ịnị avaba Anẹkụra ene hi ịrẹsụ ẹtẹ nị. Agụvị avọọ ọnị vaa sị ụya ebira odivi ẹnịnị rị wa nị.

Emọsị 5:13

Aza ana yẹ ịrẹyị vị ana sị irenu ẹnịnị za agụvị ka ụmẹ odivi yọ nị.

Imika 2:1

Ọ vaa da divi yị aza ana jị areyi ịrahụ agụvị dị ẹ mẹ eto ịsa odivi ẹnị ẹ vaa mẹ oze ọ̀ọ tụ́ yị wa eyi ọ̀ọ sị nị. Ẹ vavọọ aa mẹ agụvị ka ệ mẹhị nyị ụkata mẹ ịsị ẹ ka ẹnị aa mẹ.

Aniroomi 16:4

Ẹnịnị ệ sị ịrẹsụ tụ́ isu agụvị amị. Mâ kụ́ wa avọ ẹtẹẹtẹrẹ. Ẹ yị vị ẹmị ịnya kẹnẹ, avaba anịragụ Ohomorihi ẹnẹ ẹ̀ yị vị Aniju ẹnị ẹ rẹ kụ́ wa avọ bẹẹ.

Anẹhwẹsọsị 5:16

Ụmẹ ọnị ụ wàa nyị, ụ sị mẹ̀ ịsa ana vọrọ nịnị, agụvị ka ụmẹ ọnọnị óo divi.

Iwe Ọhụhị Imosiisi ana aa hị́ Ọyịvatụrọda 28:48

Agụvị avọọ, ụ vanaa hẹkẹ ọnịvị awụ nịnị ọnị Ẹnẹyịmavara vaa và eyirazịị ka wụ nịnị. Avaba ịsa vị ana vaa zwọ wụ nịnị; ụngwẹ ọnịrị onyi vaa kụ wụ nịnị, di u waa zị ahwaahụ nịnị. Ẹnẹyịmavara vaa sị ụyaa rị wụ divi-divi pooro di ọ̀ vu wu nịnị ẹtẹ.

Ijemiisi 2:13

Ọza ẹnẹ ẹ̀ yị mā vayị ọza, Ohomorihi ọnị ọ yị rẹ vaa vayị anị, ịhị àaa mẹ̀ ọkarẹyị yọ. Ọza anaā vayị ọza, vee re ka ayamva Ohomorihi ọ vaa mẹ ka asị ọnị rị ịvị, ịhị Ohomorihi àaa mẹ̀ ọkarẹyị nị.