Imika 2:2 - IWE ỌNỊNỊ

² Aarẹ ọza ẹnẹsa vị eni eē sị eyii tụ̀ ịnị anị, dị ẹ dọ ọ. Avọọ ẹ mẹ̀ rẹẹ sị eyii tụ́ ini irehi oni irehi dị ẹ dọ ọza ana nyị nị. Ọza ọ̀ọ dà irehi anị di e si irikichi dọ ọ, ọza ọ̀ọ nyị ogu, dị ẹ rẹ vavọọ dọ ọ.

Imika 2:2 ပူးပေါင်းရင်းမြစ်များ

1 Ohinọyị 21:1

Ọ mẹ̀ dà kù ịrẹma ịsa ana vavọọ mẹ aanị a rẹ vana nyị ịrẹyị ọsa. Ịnị ụmẹ ọnya, â nyị ụbazị ọnya aanị. Ọnọrụ ana aā hị́ Ịnabọtị ana vị Anijezirẹrị ọ nyị ụbazị ọnọọ nị. Ụbazị ọnọọ vị ana yà Ijezirẹẹrị ọgụrị irehi Ahabị ana vị ohinọyị Anịsamarịya.

2 Ohinọyị 9:26

Ẹnẹyịmavara ộ kà a ka; oni ô re a mẹ̀ wụ Ịnabọtị ọnịrị ezi anị ẹẹrị. Avọ ọ, ịnị ẹtẹ ọnọnị gẹdẹ-gẹdẹ ọnị rẹ vaa yaa sị ụyaa rị wụ nị. Ịzẹyịza, dị Ijehu kà a yị ozi ahụ anị ka, ọ̀ sị oku Ijorami di ò ne e ta ịnị ẹtẹ Ịnabọtị nị, agụvị ịrẹyị ọnị Ẹnẹyịmavara kà ọ̀ sẹ.

Ijoovu 31:38

Àa vị mị yi ẹtẹ ọnị mị da aarẹ tụ, dị mị dọ ọ hụụnị ụvọ ọza ana nyị nị,

Ọyịkụra 20:17

Asị ụ mẹ eyọhụrẹ hi irehi ọza. Asị ụ rẹ mẹ eyọhụrẹ hi ose ọza. Asị ụ mẹ eyọhụrẹ hi ozi ahụ ọnọrụ àa vị ọnẹẹ ọza. Asị ụ mẹ eyọhụrẹ hi imaaru àa vị ịkẹrịkẹtẹ anị. Asị ụ mẹ eyọhụrẹ hị́ ịsa tura ịsa ọnị ọza ọ̀ọ nyị.”

Ayịsaya 3:14

Ẹnẹyịmavara o reè tenyi ẹngụ ka ọnị ọ̀ mẹ̀ ọkarẹyị yị azọkụ ọnịrị ọdọvịdị aza anị. Ọ kà ẹwụ nịnị ọ sị aza anị gara ha. Ogu ene hi ini eehi awụ nịnị vị ẹnya ọnị ụ kụ́ hụrẹ ịda onosiye nịnị.

Ayịsaya 5:8

Avaba ẹwụ nịnị ana za avaba irehi ọnịrị ẹtẹ dị waa hị́ waa hi ẹtẹ nịnị aanị, wa sị dà nịnị. Aza ana vọ e yi kuku ee vee re aha yà. Ẹwụ nịnị ịnya kẹnẹ ọ kụkụ aa vaa ra ịnị ẹtẹ ọnọọ aanị nị.

Ijeremaya 22:17

Ẹnẹyịmavara kà ama ịrẹyị ẹngụ awụ kẹnẹ ọọ jị ụ areyi nị. Waa wụ̀ aza ẹnẹ ẹ yị nyị sị ẹ mẹ; dị waa sị ụkata-ụkata mẹ ẹvaya ya aza wụ nị.

Ezikẹẹrị 18:12

aa mẹ ẹvaya yị ọnụya ọnịrị aza ẹnẹ ẹ̀ yị nyị ịsa, dị aa mẹ akoo yị aza nị. Ọza ọ̀ọ sị ịsa va dọ ọ ịsa rere, dị ẹ yị kụkụ va a ịrẹma yọ. Aa mẹ ori anaa nyị ọnị ịhyẹrẹ.

Ezikẹẹrị 22:12

Aza ẹnyị awụ nịnị aa dọ ọza ẹkẹhị naa wụ̀ ọza. Aza ẹnyị ọ̀ọ sị ẹkẹhị rèré ọnọhụva anị Anisirẹrị, dị ẹ dọ ọtụrọsarẹsụ ọdẹngụ tụ ọ. Avọọ ẹ́ maa me ehunaa yị ẹngụ dị ẹyaa sịị nyị ẹkẹhịị hu avọọ nị. Ẹnẹyịmavara Ananyị ụkata hu ka, ayị anị ô hí wa.

Ezikẹẹrị 22:13

Ọ kà ọnị vaa kụ̀rà ụvọọ kụ wa ịrẹsụ agụvị ogu ẹnẹ ẹyaa zị oze ẹnẹ ẹ̀ yị vọrọọ kụụ gụ ọnịrị agụvị aza ẹnẹ ẹ́ wụ aanị.

Ezikẹẹrị 33:26

Wáa sị ayị tụra ẹngụ awụ nịnị ka wá zụ kụ́ ịrẹkụ. Ịsị waa mẹ nịnị aa nyị ọza ịhyẹrẹ dị waa sị́ ose ẹngụ nịnị nị. Sị ẹ va mẹ ka wee rò o nịnị ka, awụ nịnị ẹtẹ ọnọnị vị̀ nị?

Ezikẹẹrị 45:9

Ẹnẹyịmavara Ananyị ụkata hu ka, ẹwụ nịnị ọdọvịdị Anisirẹrị, ebira odivi awụ nịnị oo zé ọgọnị. Hụụnị ụkata-ụkata ọ̀ yị sị mẹ ịrẹyị nịnị, dị a sị ụ rẹ kụkụ mẹ ehuna yị aza nịnị. Waa sị ịzẹyịzaa mẹ ịrẹyị nịnị, dị waa mẹ̀ ịsa ana vọrọ nịnị. Ọ kà asị ẹ rẹ dụ aza anị hụụnị ẹtẹ ẹnịnị. Ọnị Ẹnẹyịmavara aa kà a yị wụ nịnị nị.

Ezikẹẹrị 46:18

Ẹnẹyịmavara kà a sị a nyị ohinọyị ana dọ aza anị ogu o. Ẹtẹ ohinọyị kẹnẹ ọ vaa dàa yị ezi anị nị. Asị ọ́ mẹ ehuna yị aza anị, dị ọ̀ dọ wa ẹtẹ ẹnịnị o.

Ezikẹẹrị 8:17

Dị Ẹnẹyịmavara kà a yị ọnị ka, ozi-ọza, ọnị wee ree re ọsọnị? Ọ kà, ịrẹyị oweyi ọ́ọ vị ka Anijuda nịnị ẹ̀ maanị mẹ avaba ịsị aa nyị ọnị ịhyẹrẹ aanị ẹkụra ọnọnị, dị ẹnịnị rẹ mẹ ka ebira odivi ọ̀ gara hi avaba ẹkụra nị. Ọnọọ ẹ́ yị hụ wa, dị ẹ rẹ kụkụ sị ọ aa vaa mẹ ịnị Irehi ọnị Ohomorihi, ka ẹnị ẹ̀ sị mẹ ayị kụ ọnị hu avọọ nị. Ọ kà ọnị ò re ẹnịnị mẹmẹ kụ̀ ọnị ụhụ zị oze anaa zị ọza ẹngụụ hu kere-kere.

Emọsị 2:7

Ẹnịnị a sị onosiye nịnị ịrẹsụ nyịna ịpapara, dị ẹ yi tẹsị aza anaa rị ụya nị. Dị ada ẹnịrị ezi ẹnịnị aa sị ọnẹẹ ọnyara nị. Ẹnịnị ẹ raa sị ịrẹha Ẹnẹyịmavara sisi ẹtẹ

Emọsị 4:1

Ẹnẹyịmavara kà Anẹẹ Anịsamarịya ana dẹngụ anka ụnọ Anịbasanị avọọ e batọ ịrẹyị anị. Ẹnịnị aa mẹ̀ ẹvaya yị onosiye nịnị, di ẹ yaa chamayị yi onuruwa nịnị nị. Eche kẹnẹ ẹ ka ọva ẹnịnị ẹẹ kụ yi ẹnị hu nị.

Emọsị 8:4

Dị ọ ka ẹ̀ tamayị ẹnịnị mẹmẹ aa mẹ̀ ẹvaya yị ọkụmị nịnị, dị ẹ yaa wụ́ onosiye ene hị́ ịnị ẹtẹ ọnọọ.

Imika 3:9

Ẹwụ nịnị ọdọvịdị anovwoovu Ijekọvụ ò batọ. Mị ka ẹwụ ọdọvịdị Anisirẹrị ene è yi mē sì ịzẹyịza è batọ dị ẹ̀ wụ́ ịrẹyị amị.

Imika 6:12

Ọzọbanyị awụ nịnị ẹ sị vara ọnyẹkẹhị ọdẹngụ, ẹ maa sị ụkata ọnịrị ako dọ aza ịsa. Ireche ọ sị aza awụ nịnị yẹ ẹngụ. Ẹnịnị ẹ yị kụkụ yara kà ịzẹyịza. Ireche ọ sị vị ebira ẹnịnị.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Imatiwu 23:13

“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.

1 Itimoti 6:10

Ọza ọ̀ọ raà sị ayị tụ́ ịnị ẹkẹhị baaba, ọnị ọọ̄ vị iruvo avaba ịsa odivi nị. Aza ẹnyị ẹ́ẹ vavọọ sì ọọ na pooro, ana ahịka ọyị kụkụ vana zẹẹ ka ẹ̀ kụkụ sị ayị tụra Ohomorihi; ẹ raà sị ụya tụ̀ ẹngụ ẹnịnị ụnava.