Imika 2:12 - IWE ỌNỊNỊ

¹² Ẹwụ nịnị Anisirẹrị ana vọ, Ohomorihi vaa kụ́ wụ nịnị gụ. Ọ vaa kụ̀ wụ nịnịị gụ anka atẹmẹ ana wara va gụ ini eehi ẹnịnị avọọ. Aza rẹ vanaa gụ hi ịnị ẹtẹ ọnọnị anka atẹmẹ mẹ̀ẹ gụụ hi ịzị ẹẹ̄ rị avọọ.

Imika 2:12 ပူးပေါင်းရင်းမြစ်များ

Oyinyima 36:33

Ibera mè sú, di Ijowabi ozi Ịzẹra ana ya Ibozira dọ ọ ịrẹsụ nị.

1 Ịtọpa 1:44

Ịjị Ibera wusu, dị a sị Ijowabi ozi Ịzẹra rị ohinọyị tụ udi anị nị. Anẹkụra ana aā hi Ibozira ọ vị nị.

Ayịsaya 11:11

Ịhị ọnọọ Ananyị yị rẹ vaa sị ụkata kụ́ ọza anị ana vọ ene hi ẹkụra ẹnịnị vẹ: Asiriya, Ijipiti ụvẹtẹ ọnịrị ẹbẹẹba, Ikusi, Erami, Ịbabịrọnị, Ihamati ne beri ẹkụra ene hi ịnị akakana oku.

Ayịsaya 27:12

Ịhị ẹkụhị ọnọọ òo si tù, Ẹnẹyịmavara vaa tọ̀ọ́ aza anị ọnya-ọnya hụrẹ Iyuhwuretisi huu na ngụ ụtọ ẹkụra Ijipiti. Vị ọ vaa tọ̀ọ́ wa anka ọza ana aa tọ̀ọ́ akụụ hụụnị azizẹ avọọ nị.

Ayịsaya 34:6

Ụhwọ Ẹnẹyịmavara vị ana vaa vị anyaanya, dị ụhị maanị para a. Vị ọ va sị mẹẹ anka ụhwọ ana a sị na vọ uye ịsọvọ ọnị ịdẹba ọnịrị ẹvụ ne beri ụhị ẹnịnị para hi hi ẹtẹ nị. Anẹkụra Ịbọrịza ọnịrị Edomi ọ vavọọ vaa sị mẹ̀ ịsọvọ ọnọọ nị.

Ayịsaya 5:17

Atẹmẹ nịnị vaa naa rị anka ịnị avị ịzị ẹẹ̄ rị, di ozi atẹmẹ nịnị aa rị ini eburu aza ẹbanyị nịnị.

Ijeremaya 23:3

Ọ kà ọnị aa vaa kụ aza anịị gụ hụrị avaba ẹkụra ọnị ọnị dụ wa ne hi, dị ọnị kụ wa vavẹ eehi ẹnịnị. Ẹnịnị vaa mẹ ozi ọrụrụ-ọrụrụ, dị ẹyaa rụrụ hu avọọ.

Ijeremaya 3:18

Anisirẹrị nịnị ẹnịrị Anijuda vaa vàa bẹ, dị e dudu hụrẹ ẹkụra ana a za wa ọrịhị ne hi eyi ẹbẹẹba. Ẹnịnị vaa vàa vẹ ịnị ẹtẹ ọnị ọnị sị mẹ ogu yị ohiku ẹnịnị.

Ezikẹẹrị 34:11

Ọnị Ẹnẹyịmavara Ochẹtẹẹngụ aa kà a yị wụ nịnị ka, ọnị-ụvọta venee sì atẹmẹ, dị ọnị aa tẹsị ẹnịnị.

Ezikẹẹrị 34:13

Ọnị vaa kụ waa gụ hụrị ẹkụra ọsa, dị ọnị kụ wa vavẹ eehi ẹnịnị. Ọnị vaa kụ wa varẹma naa rị ịzị avị ọyịza-ọyịza hi ịnị ataba Isirẹrị, dị ọnị aa kụ wa nee hú enyi ịnị okuha ene hi Isirẹrị.

Ezikẹẹrị 34:22

Ama ọnị vaa dọ atẹmẹ anịị ha; aza ẹ́ yị ma vana mẹ wa ẹnẹ ẹzụ mẹ ẹvụ. Ọnị vaa mẹ̀ ọkarẹyị ịrẹyị atẹmẹ anị ikonyi-ikonyara.

Ezikẹẹrị 34:31

Ọ kà, ẹwụ nịnị atẹmẹ anị, ọnị ọnị aa pa vị aza anị, dị ọnị vị Ohomorihi awụ nịnị nị.

Ezikẹẹrị 36:37

Ẹnẹyịmavara Ochẹtẹẹngụ ka, ọnị vanaa zẹẹ ka Anisirẹrị nịnị ẹ̀ họ̀ ọnị use ka ọnị ọ̀ gụ ẹnị ụvọ. Ọnị vaa mẹ ka ẹnịnị ẹ̀ rụrụ atẹmẹ ọrụrụ ana aa pa avọọ.

Ezikẹẹrị 37:21

Ọnị ọ̀ ka ẹ yị wa ka, ọnị, Ẹnẹyịmavara Ananyị ụkata hu vaa kụ́ aza anị hụrị ẹkụra-ẹkụra ẹnẹ ẹnịnị nọ. Ọnị vaa kụ waa gụ, dị ọnị kụ́ wa vavẹ ịnị ẹtẹ ẹnịnị ụvọta.

Ihoseya 1:11

Anijuda ọnịrị Anisirẹrị nịnị vaa vabẹ, dị ẹ nyị ọdọvịdị ọnyara yị ẹngụ ẹnịnị. Dị ẹ varẹma dọ ẹtẹ ẹnịnị agụvị ka ẹkụhị Ijezirẹẹrị vaa nyị ẹngụ anị.

Emọsị 1:12

Avọọ, Ẹnẹyịmavara kà ọnị aa sị ịra hụ́ ẹkụra ọbanyị ẹnịnị ana aa hị́ Itemani ọnịrị irehi Ibozira ohinọyị ẹnịnị.

Imika 2:13

Ohomorihi vaa nā oze, dị ọ kụ́ wụ nịnị hụụnị ọrịhị vavẹ eehi. Ụ vaa chaka ukere ózee ẹkụra dị ụ para hu aa na nịnị. Ẹnẹyịmavara ana vi ohinọyị awụ nịnị ọ vaa kụ́ wụ nịnịị jịnẹ nị.

Imika 4:8

Ijerusarẹmị, ẹwụ vi irehi ọgọdọ oni oserẹtẹẹ̄ yà. Avọọ Ohomorihi mẹ̀ vaa yà ịzọọ di èe sere aza anị nị. Ụ rẹ vanaa vaa vẹ udi awụ anka ohirẹsụ ẹkụra aza awụ.

Imika 5:7

Anisirẹrị ana vọ vi ene vee hi ịnị anẹkụra ọrụrụ. Ẹnịnị vaa sị ẹngụ azaa hunẹnẹ anka eguhi ọnịrị orihi. Ẹngụ enyi ẹnẹẹ Ẹnẹyịmavara sịị sị ẹngụ avịị hunẹnẹ nị. Ohomorihi ọ ka ẹ̀ vavọọ yà nị, ẹ yị vị ọza.

Imika 5:8

Anisirẹrị ana vọ vị ana a vaa navọ hi ịnị ẹkụra irenyi-irenyi. Ẹnịnị vị ana vaa sị mẹ anka idu ene ee sì ịsọyịrị ngụ ịnị avịị zị avọọ. Mị ka vị ẹ vaa sị mẹ anka idu ana yà ịzị atẹmẹ hi nị. Ọnị ọ̀ọ za, dị ọ na a pẹrẹ-pẹrẹ, ẹ yị nyị ọza ana aā dọ ọ tụ́.

Imika 7:14

Ẹnẹ yị mā vara o, si okutẹ awụ we sii sere aza awụ. Aza ẹnẹẹ vị ogu awụ, dị ẹ ra ịnị ọpaapara nị. Dị ẹ vavọọ hi ịzọọ, â nyị ẹtẹ ozoza kara wa; kụ́ wa nọ ịnị ẹtẹ Ịbasanị ọnịrị ẹtẹ Anigiriyadi Ẹnịnị mẹ̀ vịdị ra ịzọọ, ẹtẹ ọnọọ ô zoza yị wa.

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Ịzẹhwanaya 3:20

Ẹnẹyịmavara kà, ụmẹ aa vẹ ọnị ọnị vaa kụ́ aza ana gara hi ẹhẹ vavẹ eehi ẹnịnị. Ọnị vaa mẹ̀ ka ẹ ngụrẹyị ịnị avaba ẹhẹ Ẹnẹyịmavara kà ọnị vaa mẹ̀ ka ọ varẹma zee yị avaba ẹnịnị.