Imika 2:10 - IWE ỌNỊNỊ

¹⁰ Kwẹẹtẹ we zwe ka we yi kuku re aha tẹ ịzẹnị nịnị. Ebira odivi awụ nịnị ọ sị ịzẹnị du ẹngụ o si du ta, aza ọ yị kuku zụ tenyi ọ.

Imika 2:10 ပူးပေါင်းရင်းမြစ်များ

1 Ohinọyị 9:7

yẹ ka Anisirẹrị vị ọnị maa kụ́ hụụnị ẹtẹ ọnị mị si yị wa. Irehi ọnọnị ọnị mị sị yị ẹngụ amị aanị vị ọnị maa tụ́ ụvọ kwooze hụụnị ọvịdị amị. Avaba aza vị ana vana sị ịrẹyị Anisirẹrị che ụhị ịrẹyị di e re yee nyị ọ unyi.

2 Ohinọyị 15:29

Ụmẹ ọnị Ịpẹka sị vị ohinọyị, Ítigirati Ipiresa, ohinọyị Asiriya sị kụ́ ịrẹkụ vẹ Isirẹrị, dị ọ dọ wa ẹkụra ẹnẹnị nị: Ayijoni, Ẹba Ịbẹtị Ịmaka, Ijanowa, Ịkẹdẹsị, ọnịrị Ịhazọ. Ộ rẹ dọ wa ẹtẹ Anigiriyadi, Igariri, ọnịrị Inahwitari nị. Ộ za aza ẹnẹẹ ọrịhị ne hi Asiriya.

2 Ohinọyị 17:6

Ịnị ana tụ ọ ịrayị ọhụhịịna ọnị Ihoseya rị ohinọyị, ohinọyị Asiriya ộ za Ịsamarịya, dị ọ za Anisirẹrị nịnị ọrịhị ne hi Asiriya nị. Aza ẹnyị ẹnịnị vị ọnị ọ kụ ne hi ịzị aā hị́ Ịhara, dị ọ kụ ẹnyị ne hi ọ̀ sị gụrị Irehu Ịhabọ ana ya okokoro Igozanị nị. Aza ẹnyị vị ọnị ọ ku ne hi ẹkụra Imediya.

2 Ịtọpa 7:20

dị ọnị kụ́ wa hụụnị ẹtẹ ọnị ọnị vịdị sị yị wa, dị ọnị kara ụvọ hụụnị irehi anị ọnị ọnị sị tụ́ irenyi ka aa hẹkẹ ọnị ịzọọ. Avaba aza vị ana vaa sị wa mẹ̀ isiya, dị ẹ yaa si eyi wụ́ wa.

Ahẹ Ụgama 106:38

Ẹ̀ẹ za ọza ẹnẹ ẹ̀ yị nyị ịsị ọ mẹ, dị ẹ wụ̀ ọ, avọọ ẹ mẹ̀ raa wụ ezi ẹnịnị, dị ẹ yaa sịị mẹ ịsọvọọ yi ori Anikenaani nị. Ẹ raà sị du ẹtẹ ọnọọ ẹngụ.

Ahẹ Ụgama 95:11

Di Ohomorihi va kụ́ ayị dị ọ hị́ eku ka aza ẹnẹẹ ẹ yị kụkụ vaa jị ahụụ ngụ ịnị ịzị ọnị ka ọnị yaanị kụ́ wa ne hi dị ẹ̀ẹ tụ́ ụhwọ nị.

Ijeremaya 10:18

Ka, Ẹnẹyịmavara kà: Re, ọyaanị, avaba ẹwụ nịnị ana ra ịnị ẹtẹ ọnọnị vị ọnị vaa tụ̀ okoko. Ọnị vaa kụ ẹngụkata odivi tù wụ nịnị dị wa yẹ ọyịkụ anị nịnị.

Ijeremaya 3:2

Ẹnẹyịmavara kà, kana eyi tụ ẹba dị we ré ịrẹsụ ataba nịnị. Ịzị ẹ vọ ọnị wẹ yị ya sẹ̀ ịrẹka nịnị da? Ụtọ oze vị ọnị ụụ yaatụ zi onyeehi nịnị anka Anaaravụ enee zi ọza ịnị ụnọmị avọọ. Wa raa sẹ̀ ịrẹka ọyị sẹ awụ nịnị du ẹkụra va hi ẹtẹ.

Ijeremaya 9:19

Ẹ ka waa wụ a maa jị òrèrè. Ẹnị e si vu o! Asị ụhị mẹ nyị ẹnị saka-saka. O si tu ka ẹnị ẹ̀ hụrẹ ẹkụra ẹnịnị, agụvị ka a sị irehi ẹnịnị wú va hi ẹtẹ.

Ezikẹẹrị 36:17

Ozi-ọza, ụmẹ ọnị Anisirẹrị nịnị sị ra hi ịnị ẹtẹ ẹnịnị, ệ sị ebira ẹnẹ ẹ́ yaa mẹ ngụ ẹtẹ ẹnịnị agụ. Ebira ẹnịnị vị ana sị mẹẹ anka ịdọtị ọnyẹnẹẹ enee ré ịsị ụhwẹ avọọ eyi anị.

Ezikẹẹrị 36:19

Ọnị ộ jị ịvị yị wa agụvị ẹngụ ẹhẹ ẹnẹ ẹyaa ra ọnịrị ebira ẹnẹ ẹyaa mẹ. Dị ọnị gara wa hi ẹkụra ọsa zịịzị nị.

Iwe Ọhụhị Imosiisi ana aa hị́ Ọyịvatụrọda 12:9

Agụvị ka wẹẹ̀ yị va ngụ ịnị ẹtẹ ẹnẹ Ẹnẹyịmavara aa sịị wụ nịnị ka wa na tụ́ ụhwọ́ nịnị; wẹẹ̀ yị dọ ogu oni Ohomorihi ka ọnị aa sịị wụ nịnị.

Iwe Ọhụhị Imosiisi ana aa hị́ Ọyịvatụrọda 30:18

e yee vu ẹtẹ nị. Imosiisi ộ ka wa ọnọ ka ẹ̀ẹ vavọọ mẹ, ẹnịnị ẹ yị vaa ra ịnị ẹtẹ ana ya akẹnẹ Okuha Ịjọdanị ọnị ẹ yaa vaa dọ.

Iwe Ọhụhị Imosiisi ana aa hị́ Ọyịvatụrọda 4:26

Imosiisi ka ọnị ọ sị ẹbẹẹba ọnịrị ẹtẹ mẹ ivenu yị wa ka ẹnịnị ẹ̀ẹ mẹ akamawụ hi ọnị, ịjjịjọo e ye vu ẹtẹ nị. Ẹnịnị ẹ̀ yị vaa ra gọdọ ịnị ẹtẹ ana ya akẹnẹ irehu Ijodani ọnị ẹ yaa vaa dọ, dị ẹ ra ini anị. Ẹnịnị vi ene vee vu ẹtẹ saka-saka.