Imika 1:5 - IWE ỌNỊNỊ

⁵ Avaba ịsa ẹnẹnị ệ mẹ̀ tụ́ ezi Ijekọvụ agụvị ka ệ mẹ̀ ebira odivi ọnịrị akamawụ hi Ohomorihi. Ẹnẹ nyị ohuvọ akamawụ Isirẹrị? Aa vị aza ene hi Ịsamarịya! Ẹnẹ rị ịvị ori ọyị hẹkẹ ịnị ẹtẹ Ijuda? Aa vị aza ene hi Ijerusarẹmị!

Imika 1:5 ပူးပေါင်းရင်းမြစ်များ

1 Ohinọyị 11:7

Isoromọnị ọ na dà ịzị ẹ nẹba yi ori Animowabi ana aā nyị ọza ịhyẹrẹ. Ori ọnọọ aā hị́ Ikemosi nị. Ịrẹsụ ataba ana yà eyi ọnị ọyịị̄ zịị̄ hụrẹ Ijerusarẹmị ọ dà aha ọnọọ tụ́ nị. Avọọ ọ mẹ̀ rẹ dà ịzị nẹba tụ́ ịzọọ yị ori Anamọnị nị. Ọnị rẹ vi ori ana aā nyị ọza ịhyẹrẹ, ana a rẹẹ̄ hị́ Imorẹkị.

1 Ohinọyị 13:32

Mâ yẹ ka ịrẹyị ẹnị Ẹnẹyịmavara kà ò nowu anị hi aha ịsọvọ Ị́bẹtẹrị ọnịrị avaba irehi aha ọnẹba ene hi ịnị ẹkụra Ịsamarịya nị.”

1 Ohinọyị 16:24

Ọ mẹ̀ vavọọ rị ohinọyị, dị ọ hị́ ataba Isamara hụụnị ụvọ Isimẹrị nị. Ataba ọnọọ vị ọnị ọ hì ẹkẹhị enyusẹ akawụ-akawụ oze ẹẹta. Ọ mẹ sị ọ hị́, dị ọ dà ẹkụra tụ́ ịzọọ nị. Dị ọ ka ịrẹha ẹkụra ọnị ọnị dà tụ́ ịzọọ avọọ ọ rị Ịsamarịya nị. Ịrẹha ọnọọ vị ịrẹha Isimẹrị ana vịdị nyị ẹtẹ Ịsamarịya dị ọ va hị́ ọ hụụnị ụvọ anị.

2 Ịtọpa 34:3

Ịnị ịrayị ana tụ́ ọ ịhịnta ọnị Ijosaya rị ohinọyị, ọ mẹ yị vị ozweyi, ó nyima aa hẹkẹ Ohomorihi ohiku anị Idevidi. Ịnị ịrayị ọhụna ana vatụra a, o nyima aa chata irehi ori nịnị ọnịrị ọchị ana bẹ́ mẹ uyi ori ọnẹẹ ana a hị́ Asẹra ọnịrị ori ana vọ.

2 Ịtọpa 34:4

Aza anị vị́ ana saasa ọda anị, di e wú avaba ụta ịzị aa hẹkẹ ori Ịbaarị ọnịrị ụta ana gụrị wa ịzị aa yaa rị eturare ịra. Dị ẹnịnị chata uyi Asẹra ọnịrị ori ana vọ rugu-rugu, dị ẹ va atịtọ anị hi ịrẹsụ ukuta aza anaā vịdị mẹ̀ ịsọvọ hẹkẹ wa nị.

Ayịsaya 7:9

Isamariya aa vịị vị ohirẹsụ Ehwireemi nị, dị ahịka ozi Iremaraya ọ vị vị ohinọyị anị nị. À yị vị ụ sị sị ayị tụra Ẹnẹyịmavara, wẹ yị va zụụ jẹẹ.

Ijeremaya 2:17

Ẹnẹyịmavara kà, Anisirẹrị, ẹwụ nịnị ọ kụ ọsọnị tu ẹngụ awụ nịnị nọ. Ka vị ọnị Ẹnẹyịmavara ana vị Ohomorihi awụ nịnị aa zụ ụ nịnị oze dị ụ vana và hụrị ọnị ịrẹma nịnị kẹnẹ nị.

Ijeremaya 2:19

Ẹnẹyịmavara Ochẹtẹẹngụ ka ọnị ọ sị ọ ka: Ebira odivi awụ nịnị ọ vaa sị ụya rị ụ nịnị nị. Ụ vee vú ẹtẹ nịnị agụvị ka waa và ịrẹma anị nịnị nị. Ụ vee re ịsị aa hị́ ụya nịnị, dị wa yẹ́ nịnị ka ẹ yị zoza ka we yị Ẹnẹyịmavara ana vị Ohomorihi awụ nịnị tịtẹ, dị à sị ụ kụkụ nyị angwahi anị nịnị.

Ijeremaya 23:13

Ẹnẹyịmavara kà ọnị ô re ebira odivi ọnị ọnịsẹ ene hi Isamariya aa mẹ. Ịrẹha Ịbaarị ẹyaa sị kà ịsẹ nị. Ẹnịnị ẹ raa kụ aza anị nyeeyi.

Ijeremaya 23:14

Ama ọnị o ve re ka ịsị ọnị ọnịsẹ ene hi Ijerusarẹmị aa mẹ e divi hu nị. Ọsẹrẹka vị nị, dị eyee cheeche nị. Ẹnịnị aa gụ aza ụvọ ka ẹẹ mẹ̀ ịsa ẹnẹ ẹ yị vọrọ nị, agụvị avọọ, ẹ yị nyị ọza ana dọ ka ọnị ọ̀ hụụnị ebira odivi ọ̀ yị mẹ. Ẹnẹyịmavara kà ịnị eyi anị, avaba ẹnịnị vị ene divi anka Anisodọmị ọnị Igomora.

Ijeremaya 4:18

Ebira ọnị ẹwụ nịnị Anijuda aa mẹ ọ kụ ọsọnị tu wu nịnị aanị nị. Ebira odivi awụ nịnị ọ kụ ụya ọngwọọngụ ọnọnị tu wu nịnị nị. Ọ sị ụ nịnị ta ụnava na za ayị.

Ijeremaya 5:25

Ọ kà ebira odivi awụ nịnị ọ raa mẹ ka asị ụ kuku re ịsa ọyịza ẹnẹnị nịnị.

Ijeremaya 6:19

Ẹwụ nịnị anẹhẹ ọ wụ o; re, ọnị aa kụ ẹngụkata vee tu aza ẹnẹnị dị ẹ̀ rị ọgụ ụkọrọ ụvọ ẹnịnị ka, ẹnịnị ê yi ka ẹnị ẹ yị wụ́ ịrẹyị anị. Ẹnịnị ka ẹnị ẹ yị saasa ọda nị.

Arụwẹ 5:16

Avaba ịsị ẹnị yaa sị me eyi zị ệ ta. Ya sị da agụvị ebira odivi ọnị ị mẹ.

Ezikẹẹrị 16:46

Ẹtẹ Isamariya beri ẹkụra oweyi-oweyi ene hi ịnị anị ọ vị onyeyiza awụ ana vị ọzọkụ nị. Eyi ẹbẹẹba awụ ọ́ ya nị. Isodọmị ọnịrị ẹkụra oweyi-oweyi ene hi ịnị anị ọ vị ọhụva awụ ana vị ozweyi nị. Eyi ụvẹtẹ awụ ọnị yà nị.

Ihoseya 7:1

Ẹnẹyịmavara kà ọnị e si ka ọnị ọ mẹ̀ Anisirẹrị nịnị ụkụ ama ebira odivi Anehwireemi nịnị ẹ yị tẹ̀. Anịsamarịya nịnị vị ana kụ ụvọ chire ịsa odivi. E yee cheeche, dị ẹ yaa chaka irehi ọza kụ ẹnya anị, di e hi oze aa mẹ̀ ako nị.

Emọsị 6:1

Oogwoo Anijerusarẹmị ọnịrị Anịsamarịya nịnị ẹnị e ro ka ẹnị ẹ si ha dị ẹ va ẹngụ ha. Ọdọvịdị ẹkụra ẹnẹnị vị ene ro ka eni e huuna ẹkụra ana vọ agụvị avọọ di ọzọza ọ va ụpa anị nee kú.

Emọsị 7:9

Ẹnẹyịmavara kà ọnị vee du avaba aha ori ẹnịnị hi ịrẹsụ ataba ọnịrị irehi anị vaaha. Avọọ ọnị mẹ rẹ vaa sị ịrẹkụ vu ovwoovu Ijerobowami ana vi ohinọyị Anisirẹrị ẹtẹ nị.

Emọsị 8:14

Aza ana a sị ori Anịsamarịya, Anịdanị aa vị ori Anịbẹẹsẹba hị́ eku vaa hyẹdụ di ẹ́ yị ma vana zụ kwẹẹtẹ.

Imika 1:13

Ẹwụ nịnị ene hi Irakisi, kuru umaata za ịkẹkẹ anị nịnị Wâ hama Anisirẹrị mẹ̀ ebira odivi ana mẹ ka Ijerusarẹmị ộ akamawụ.