Imika 1:2 - IWE ỌNỊNỊ

² Batọ nịnị o, avaba ẹwụ nịnị anẹhẹ; avaba ẹwụ nịnị ene hi ẹhẹ ò batọ dị ọ̀ wụ́ ịrẹyị. Ẹnẹyịmavara Ohomorihi vaa dọ ivenu ịsa ọn ị ụ mẹ̀. Batọ! Ọ vaa ka ịrẹyị hụrị ini eehi anị ịnị ihinẹba.

Imika 1:2 ပူးပေါင်းရင်းမြစ်များ

1 Ohinọyị 22:28

Di Imikaya ka, “Àa vị ka wa raà vavẹ ịnị ẹngwọọrọ, yẹ ka ẹ yị vị Ẹnẹyịmavara ọ kà ịrẹyị mị.” Dị ọ rẹ ka, “Avaba ẹwụ nịnị aza ẹnẹnị ẹ̀ wụ́ o!”

2 Ịtọpa 18:27

Di Imikaya ka, “Àa vị ka wa raà vavẹ ịnị ẹngwọọrọ, yẹ ka ẹ yị vị Ẹnẹyịmavara ọ kà ịrẹyị mị.” Dị ọ rẹ ka, “Avaba ẹwụ nịnị aza ẹnẹnị ẹ̀ wụ́ o!”

Ahẹ Ụgama 11:4

Ẹnẹyịmavara yà ini Irehi Ọnịnị anị ọ yà ịrẹsụ ode ohinọyị anị ẹbẹẹba. Ee re avaba ịsa ọnị ọzọza aa mẹ.

Ahẹ Ụgama 24:1

Ẹnẹyịmavara ọ nyị ẹhẹ, ọnịrị avaba ịsa ene hi ini anị nị. Ọnị ọ rẹ nyị aza ene hị́ ịnị anị nị.

Ahẹ Ụgama 28:2

Ẹwụ m ma ta ubo nọ, ka wa navọ wa vayị amị Mâ kụ́ ụvọ hi ẹba, dị mị tana a hi oze eyi irehi awụ dị maa hị́ wụ ka wa va gụ mị ụvọ nị.

Ahẹ Ụgama 50:1

Ẹnẹyịmavara ana vị Ohomorihi Ochẹtẹẹngụ aa kà ịrẹyị, dị ọ hị́ avaba anẹhẹ nị.

Ahẹ Ụgama 50:12

Ọ kà àa vị ụngwẹ aa kụ̀ nị, ẹ yị nyị ka ọnị ọ̀ va kà a wụ agụvị ka ọnị ọ nyị avaba ẹhẹ ọnịrị ịsa ene hi ịnị anị nị.

Ahẹ Ụgama 50:7

Ohomorihi ka Ẹwụ nịnị Anisirẹrị aza anị, sị ụtọ pè ẹtẹ nịnị ka â nyị ịrẹyị awụ oni mi re Wâ yẹ ka ẹmị Ohomorihi ọ vị Ohomorihi awụ nịnị nị.

Ụhịrẹyị 8:4

Ộ ka, avaba ayị ọnị aa hị́ nị, avaba anẹhẹ ọ na ta ubo nị.

Ayịsaya 1:2

Ẹnẹyịmavara kà ihinẹba ọnịrị ẹtẹ ẹ wụ́ ịrẹyị ọnị ọnị aa vaa kà aanị. Ọ kà ezi ọnị ọnị pá, ẹ sị vịra, di e nyima dị ẹ yaa kụ̀ụ hịrẹ ọnị nị.

Ayịsaya 18:3

Avaba ẹwụ nịnị ene hi ẹhẹ ọ̀ sị ụtọ pè ẹtẹ. Ịjị àa tana uyi tụ́ ẹba ịrẹsụ ataba, dị ọpanyị aa sụ́ ịrẹyị nị, ụ vaa wụ́ nịnị.

Ayịsaya 50:7

Ama Ẹnẹyịmavara Ohomorihi ộ yị zẹ ka ịsị ẹ mẹ̀ ọ zàmà ọnị, dị ọnị sị ẹngụ dọ ịrẹyị ẹnịnị agụvị ka Ohomorihi ẹ yị vaa zẹ ka ụhị ọ nyị ọnị.

Ijeremaya 22:29

Tee! ẹwụ nịnị anẹkụra, ẹwụ nịnị anẹkụra! Wụ́ ịrẹyị ọnị Ẹnẹyịmavara kà nịnị.

Ijeremaya 29:23

Ẹnẹyịmavara kà, aanị ọ́ mẹ vaa yàa yị wa nị, agụvị ka ẹnịnị ẹẹ rị ịvị ebira odivi irenyi-irenyi ẹnẹ ẹ́ mẹ. Ẹnịnị ệ sị ose ọnọhụva ẹnịnị dị e re yee cheeche ka ọnị Ẹnẹyịmavara ọ tụ ẹnị ụtụ nị. Ẹnẹyịmavara é yi sì ẹngụ ịrẹyị ọnọnị. Ộ yẹ́ ịsị ẹnịnị mẹ, dị ọ́ rẹ vị onivenu tụ ọ nị.

Ijeremaya 42:5

Dị ẹnịnị ka, Ẹnẹyịmavara ọ̀ vị onivenu ẹnịnị, ẹnị ẹẹ na mẹ avaba ịrẹyị ọnị Ẹnẹyịmavara, Ohomorihi ẹnịnị ọọ sị tụ́ ọnị hi ẹnị nị.

Ijeremaya 6:19

Ẹwụ nịnị anẹhẹ ọ wụ o; re, ọnị aa kụ ẹngụkata vee tu aza ẹnẹnị dị ẹ̀ rị ọgụ ụkọrọ ụvọ ẹnịnị ka, ẹnịnị ê yi ka ẹnị ẹ yị wụ́ ịrẹyị anị. Ẹnịnị ka ẹnị ẹ yị saasa ọda nị.

Ijona 2:7

Dị ọ ka ụmẹ ọnị ọnị ro ka ụhwẹ anị ộ ta, dị ọnị tamayị Ẹnẹyịmavara nị, dị ọ wụ́ aduwa anị ịnị irehi ọnịnị anị nị.

Ijona 2:8

Dị ọ ka aza ana aa hẹkẹ ịsa ọsa kẹnẹ-kẹnẹ ẹnẹ ẹ yi nyị ịsa ọ vị, ẹ raà va hụrẹ ịrẹma Ẹnẹyịmavara.

Ihabaku 2:20

Ẹnẹyịmavara yaa ịnị irehi anị, ọzọza ọ mẹ̀ hẹẹ ọvịdị anị.

Ịmarakayị 2:14

Ama dị ẹ ya họ̀ use ka sị ẹ vẹ nị? Dị ọ ka agụvị ka Ohomorihi ọ vị onivenu amẹrị ọnị ẹ yaa mẹ̀ hi ese ẹnịnị ẹnị ẹ nyị hụụnị ozweyi ẹnịnị. Anẹẹ ẹnẹẹ ẹ vị ọnọhụva ẹnịnị ini eku ọnị ẹ hị́ yi ẹngụ nị. Ama ẹnịnị ẹ yi mẹ̀ ịzẹyịza ka ese ẹnịnị na.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Iwe Ọhụhị Imosiisi ana aa hị́ Ọyịvatụrọda 32:1

Imosiisi kà ẹbẹẹba ọnịrị ẹtẹ e batọ ịsị ọnị a vaa kà.

Ẹtore 2:11

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, e mē vene sú ụpẹ ọhụva.”

Ẹtore 2:17

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, ọnị vaa sị ịmana oni Ohomorihi sị tẹ̀, dị ọnị sị yọ ka ọọ rị ọọ. Ọnị rẹ vaa sị ịrẹta ọvwọọvụụ yọ; â chẹrẹ ịrẹha ọwọọwa tụ́ ịnị ịrẹta ọnọọ, ana ahịka ẹ yị nyị ọza ana zụ yẹ ẹ, ẹ̀ yị vị ọza ana nyị ọọ kẹnẹ.

Ẹtore 2:29

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi!”

Ẹtore 2:7

Ọza ana àa nyị ụtọ, ọ̀ sị ụtọ pe ịsa ọnị ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, mị vaa sị ọdaa yọ ka ọ̀ rị ẹtụtụ ọchị ana aā mẹ ka ọza ọ̀ yàra pooro zịna-zịna, ana yà ịnị Aha Ọyịza ịdị Ohomorihi.

Ẹtore 3:13

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ọnịnị aa kà a yị anịragụ Ohomorihi.

Ẹtore 3:22

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ọnịnị aa kà a yị anịragụ Ohomorihi!

Ẹtore 3:6

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ọnịnị aa kà a yị anịragụ Ohomorihi!

Ọdọvịdị 11:10

Dị azọkụ ẹnẹnị tụ́ ohi, dị ẹ ka, Ẹnẹyịmavara ọ vị onivenu ẹnịnị, ka ẹnị mẹ kà a avọọ ẹnị va mẹẹ nị