Imika 1:16 - IWE ỌNỊNỊ

¹⁶ Ọ kà a kụ́ ịrẹsụ ẹnịnị ana sị zụ̀ ka ẹ yaa zị ẹngụ ezi ẹnịnị ene e sì ịrẹyị anị. Ẹnịnị ẹ kụ́ ịrẹsụ ẹnịnị hwoohworo anka ụba avọọ. Avaba ezi ẹnịnị vị ọnị ịrẹkụ vaa kụ́ụ nọ aha ọsa.

Imika 1:16 ပူးပေါင်းရင်းမြစ်များ

2 Ohinọyị 17:6

Ịnị ana tụ ọ ịrayị ọhụhịịna ọnị Ihoseya rị ohinọyị, ohinọyị Asiriya ộ za Ịsamarịya, dị ọ za Anisirẹrị nịnị ọrịhị ne hi Asiriya nị. Aza ẹnyị ẹnịnị vị ọnị ọ kụ ne hi ịzị aā hị́ Ịhara, dị ọ kụ ẹnyị ne hi ọ̀ sị gụrị Irehu Ịhabọ ana ya okokoro Igozanị nị. Aza ẹnyị vị ọnị ọ ku ne hi ẹkụra Imediya.

Ijoovu 1:20

Dị Ijoovu kwẹẹtẹ ịnị ayodu dị ọ ha awuru anị hi ẹngụ, dị ọ kụ ịrẹsụ anị, dị ọ vaku ẹtẹ aa hẹkẹ Ohomorihi nị.

Ayịsaya 15:2

Dị Anidiboni hụ agụvị avọọ nọ ini irehi ori ẹnịnị ịnị ataba di ene ee sụ ùnè nị. Animowabi ê sụ ùnè Inebo ọnịrị Imediba, dị ẹ kụ́ ịrẹsụ ọnịrị ịrẹwa ẹnịnị hwòhwòrò nị.

Ayịsaya 22:12

Ịhị ọnọọ Ẹnẹyịmavara Ananyị yị Ochẹtẹngụ Ộ hị́ wụ. Ọ kà wa jị òrèrè, dị wa kụ́ ịrẹsụ awụ, dị wa rẹ sị ịta arụwẹ kú ẹngụ.

Ijeremaya 16:6

Ọza ọbanyị ọnịrị onuruwa ene hi ịnị ẹtẹ ọnọnị vene vee súu ha, ama ẹ́ yị nyị ọza ene vee ne wa; ẹ́ yị nyị ọza ana vaa zị ẹngụ ẹnịnị. Ẹ́ yị nyị ọza ana vaa hụvị ẹnịnị tọ ẹngụ anị ụnava avịka ẹ̀ hụvị ẹnịnị kụ ịrẹsụ ẹnịnị ka vị ẹnị ee du ayị nị.

Ijeremaya 4:8

Avọọ, va ẹngụ hi nịnị, waa jị òrèrè dị waa ka ẹgọ nịnị, agụvị ka Ẹnẹyịmavara maa kụ ayị hi Anijuda, ẹẹ yị vaa va o.

Ijeremaya 47:5

Ịrẹyị ayodu ana banyị ộ ka Anigaza vẹ. Anẹkụra ana aā hị́ Asikeroni vị ana vaa tịtẹ sisisi. Ịzị Anihwirisitiya ana vọ vaa maanị sụ ùnè nee tu da?

Ijeremaya 6:26

Ẹnẹyịmavara ọọ kà a yị aza anị ka, ẹ̀ kụ ịta suku-suku hi ẹngụ, di è ku ẹngụ ẹnịnị atịtọ. Ọ kà, ẹnịnị ẹẹ jị òrèrè ọngwọọngụ anka ozi ikonya ọnị ọza ma oo sú avọọ, agụvị ka evu-ẹtẹ vị ana vaa sụ̀ wa avaavo.

Ijeremaya 7:29

Ọ kà, ẹwụ nịnị Anijerusarẹmị ọ̀ kụ ịrẹsụ awụ nịnị. Na yà ịnị ataba dị wa jị òrèrè nịnị agụvị ka Ẹnẹyịmavara aa kụ ayị hi anụmọgọnị. Ọ sị wa yi hụụnị aza anị.

Arụwẹ 2:19

Ẹ̀ kwẹẹtẹ ịrahụ dị ẹẹ jị òrèrè boro-boro hi Ananyị yị ẹngụ. Ẹ̀ va ụvọ hịrẹ dị ẹẹ sị ayị ọnyara da ịpẹẹ yị ọ agụvị ezi ẹnịnị ọnị ụngwẹ aa wụ hi avaba aha aanị.

Emọsị 7:11

Dị ọ ka Emọsị aa ka a ka a vaa wù Ijerobowami ana vị ohinọyị, di aa za aza anị ọrịhị nọ ịnị ẹtẹ Anikinami.

Emọsị 7:17

Dị Emọsị ka ẹnịnị wụ́ ịsị Ẹnẹyịmavara kà booro aanị, Ẹnẹyịmavara kà ịrẹkụ aa vaa rị ezi anọrụ ọnịrị anẹẹ ẹnịnị. A vaa za wa ọrịhị nọ ẹkụra anikinami. Ịzọọ anọrụ ẹnịnị vee su hi nị. Dị ose ẹnịnị vara ọsẹrẹka hi ịnị ẹkụra. Dị anẹkụra ọsa vaa dọ ẹtẹ ẹnịnị dị ẹ ga hi ẹngụ ụvọ.

Emọsị 8:10

Ẹnẹyịmavara kà ọnị ve du wa ayị ẹkụhị eche ẹnịnị, dị ẹ va ẹngụ hi. Dị aahẹ ẹnịnị vana vara orere oku. Dị ẹ kụ ẹnya ara hi ẹngụ anị ka ọza ọnị ọzị ikonya ọnị ọ nyị su avọọ.

Iwe Ọhụhị Imosiisi ana aa hị́ Ọyịvatụrọda 28:41

Ụ vaa ma ezi ọnọrụ ọnịrị anẹẹ nịnị, avaba ẹnịnị vaa jị wụ ụvọ, agụvị ka vị a vaa kụ́ ịrẹkụụ vẹ, dị a za wa ọrịhị ne hi ẹkụra ọsa nị.