Imika 1:13 - IWE ỌNỊNỊ

¹³ Ẹwụ nịnị ene hi Irakisi, kuru umaata za ịkẹkẹ anị nịnị Wâ hama Anisirẹrị mẹ̀ ebira odivi ana mẹ ka Ijerusarẹmị ộ akamawụ.

Imika 1:13 ပူးပေါင်းရင်းမြစ်များ

Oyinyima 19:17

Ẹ mẹ̀ raà kụ́ wa jịnẹ dị ẹ kà a yị wa ka, “Èe sì ịrẹyị ụhwẹ ẹnịnị, eē zwe, asị ẹ kana eyi ịrẹma, asị ẹ rẹ jẹẹ aha ọnyọọnyị ini ozi, Ẹ ka èe zwee nọ ịnị ataba nịnị, ka e ve wusu.”

1 Ohinọyị 14:16

Ọ re vee yi Anisirẹrị tịtẹ agụvị ebira oni Ijerobowami mẹ. Ọnị ọ kụ́ Anisirẹrị nyeeyi ka ẹ̀ẹ mẹ̀ ebira odivi nị.”

1 Ohinọyị 16:31

Ebira odivi oni Ijerobowami ozi Inebati mẹ̀ hyakụ vi ikiiki ini eyi Ahabị. Ọnị vị ana dà ngụ udivi hụ avọọ, dị ọ na nyị Ijezebẹrị ozi Atibaari ana vi ohinọyị Ịsayịdọnị. Dị ọ kụkụ aa hẹkẹ ori ẹnịnị ana aā hị́ Ịbaarị, di ee kú ẹtẹẹ kụ́ ọ nị.

1 Ohinọyị 4:28

Ẹnịnị vị ana rẹẹ̄ kụ́ ibaari ọnịrị avị vaa yị umaata ohinọyị ịzị aā kụ́ wa hi. Ụmẹ ọzọza òo si tù, dị ẹ vavọọ kụ́ ọ vẹ.

2 Ohinọyị 14:19

Aza ẹnyị Ijerusarẹmị ệ gẹ eyi ka à wụ Amaziya, dị ọ hụ agụvị avọọ zwe na ngụ ẹkụra ana aā hị́ Irakisi nị. Ama ọnịvị anị nịnị ệ tụra a nọ ịzọọ, dị ẹ na wụ̀ ọ nị.

2 Ohinọyị 18:17

Ohinọyị ộ tụ isoja tatarata hụrẹ Irakisi ka ẹ̀ kụ́ ịrẹkụ nọ Ijerusarẹmị. Ọdọvịdị anụkọrọ anị ẹẹta ene hụ ọ tụ ka ẹ̀ kụ isoja ẹnẹẹ na nị. Ịjị ẹ na sị ngụ Ijerusarẹmị, dị ẹnịnị ne hi oze ịzị aza anaā mẹ ịtaa hi nị. Ini orosi ene enyi ini imisi ẹbẹẹba sìi zị e hi nị.

2 Ohinọyị 8:18

Ose anị vị ozi Ahabị. Ộ hama ebira odivi ohinọyị Anisirẹrị nịnị ana vọ anka ovwoovu Ahabị. Ộ rị ịvị Ẹnẹyịmavara.

2 Ịtọpa 11:9

Adorayimi, Irakisi, Azeeka,

2 Ịtọpa 32:9

Ịrẹma anị, ụmẹ ọnọọ Isenakeribi ọnịrị isoja anị ệ kara ẹkụra Irakisi, dị ộ tụ ụtụ hi Ihezekaya ọnịrị Anijuda ana ya pe Ijerusarẹmị nị.

Ijoovu 39:10

Ijoovu ọ́ọ́ zụ tụ́ ẹya ọkẹkẹrẹ ka ọ huru ẹtẹ yị ọnị kẹ? Ọ́ọ́ zụ za a jị ịrụkụ kẹ?

Ọyịkụra 32:21

Di Imosiisi va hị́ Eerọnị dị ọ ka, “Sị aza ẹnẹnị mẹhị na mẹ wụ dị ụ maanị tụra wa na mẹ̀ ebira odivi ọnọnị?”

Ayịsaya 10:31

Animadimena e kú zwe, Anigebimi ẹnị e kú zwe na tẹ̀

Ayịsaya 36:2

Di Ohinọyị Isiriya tụ́ Irabiseki ọga isoja anị beri ọkọnị isoja hụrẹ Irakisi ne tù Ihezekaya Íjerusarẹmị nị. Ọga isoja ọnọọ ô tù oze enyi ana yà akẹbẹẹba adagu ana yà oze ịnị ẹtẹ ọnyịnịsa.

Ayịsaya 37:8

Ọdọvịdị Anasiriya ộ wụ ka ohinọyị ẹnịnị ọ raà hụrị Irakisi. Ộ wụ ka ọnịrị anẹkụra ana gụrị wa ana aā hị́ Iribina aa kụ̀ ịrẹkụ, dị ọ nọ ịzọọ ne pe e ka ịrẹyị nị.

Ijeremaya 3:8

Ọ kà, Ijuda ẹnẹẹ yị nyị ịzẹyịza vị onyeyiza Isirẹrị. Oo re ka ọnị ộ jị Isirẹrị ịjẹvụ, dị ọnị da uwe yọ, dị ọnị dụ ọ kana kwooze nị, agụvị ka ộ và ịrẹma ka ọnị, ọ naa sẹ̀ ịrẹka. Ama angwa ẹ yị hụvị avọọ hi Ijuda, ọnị ọ́ rẹ naa sẹ̀ ịrẹka ụhị ẹ yị nyị ọ.

Ijeremaya 34:7

Ụmẹ ọnọọ, isoja ohinọyị Ịbabịrọnị kụ ịrẹkụ ve tu Ijerusarẹmị ọnịrị ẹkụra ana vọ hi Ijuda nị. Ẹkụra ẹnẹẹ ẹ rị Irakisi ọnịrị Azẹka nị.

Ijeremaya 4:29

Ịjị ẹ̀ẹ wụ̀ isoja nịnị ịrẹka kẹnẹ, avaba aza ene hi ịnị ẹkụra vaa kụ echi. Aza ẹnyị vee zwe naa tẹ̀ ịnị iruku, dị ẹnyị aa hịrẹ ataba. Avaba ẹkụra vaa tụ osusu, dị ẹ yị kụkụ nyị ọza ịnị anị.

Ezikẹẹrị 23:11

Ọyịnyara anị Ohoriba ộ maanị re e ama vị ọ da ụvọ tụ ịnị ụvọ ịnị ịrẹkọyịsẹ huni Ohora nị.

Imika 1:5

Avaba ịsa ẹnẹnị ệ mẹ̀ tụ́ ezi Ijekọvụ agụvị ka ệ mẹ̀ ebira odivi ọnịrị akamawụ hi Ohomorihi. Ẹnẹ nyị ohuvọ akamawụ Isirẹrị? Aa vị aza ene hi Ịsamarịya! Ẹnẹ rị ịvị ori ọyị hẹkẹ ịnị ẹtẹ Ijuda? Aa vị aza ene hi Ijerusarẹmị!

Ijosuwa 10:3

Avọọ, dị Adonizedeki tụ́ hị́ ohinọyị ẹkụra ẹẹna ka ẹ va gụ́ ọnị ụvọ gẹ ịrẹkụ tu Anigibiyọnị nị. Ô hị́ Ihohamị ohinọyị Ihebirọnị, Ipiramị ohinọyị Ijarimuti, Ijapiya, ohinọyị Irakisi, ọnịrị Idebiri ohinọyị Egironi.

Ijosuwa 15:39

Irakisi, Ibozikati, ọnịrị Egirọnị nị.

Ẹtore 2:14

Ama ịsa chee ọnị ụ wẹ̀ yị mẹ ẹtẹẹrẹ nịnị yị: Aza ẹnyị ịnị awụ nịnị ịzọọ aa saasa ịsị Ịbaraamị vịdị sị zụ̀ aza. Ịbaraamị ộ vịdị sị zụ̀ Ịbarakị ka ọ̀ mẹ ezi Anisirẹrị nịnị mẹ ịvị ini oze ka ộ mẹ̀ ka ẹ̀ rị ịsa ana a sị mẹ̀ ịsọvọ hi ori, dị ẹ̀ rẹẹ sẹ̀ ịrẹka.

Ẹtore 2:20

Ama â nyị ịsa ọnya ọnị ụ wẹ̀ yị mẹ ẹtẹẹrẹ nịnị: Wâ dọ yị ọnẹẹ ọnọọ ana aā hị́ Ijezebẹrị ana ka ọnịsẹ ọnị vị nị. Ama aa zụ̀ ezi ahụ anị ịsa, ee vene wa naa sẹ̀ ịrẹka, ẹ rẹ yaa rị ịsa ana a sị mẹ̀ ịsọvọ hi ori.