Imika 1:1 - IWE ỌNỊNỊ

¹ Â nyị ụmẹ ọnya aanị, ịnị ụmẹ ọnọọ Ijotami ọnịrị Ahazi ne beri Ihezekaya vavọọ vị ohinọyị tù ẹngụ tù ẹngụ tụ́ Ijuda nị. Ịnị ụmẹ ọnọọ Ẹnẹyịmavara mẹ ka Imika ana vị Animoreseti ò re ẹtẹ. Ini etore ọnọọ, dị Ẹnẹyịmavara pè e kà ịrẹyị nị. Ẹtẹ ọnị Imika re vị ịrẹyị ene vee tù Ịsamarịya ọnịrị Ijerusarẹmị.

Imika 1:1 ပူးပေါင်းရင်းမြစ်များ

2 Ohinọyị 15:32

Ịnị ana tụ ọ ịrayị ọhụva ọnị Ịpẹka ozi Ịrẹmarịya rị ohinọyị Ísirẹrị, Ijotami ozi Uziya ộ rị ohinọyị Íjuda.

2 Ohinọyị 15:5

Ẹnẹyịmavara ộ tụ́ Uziya ụkụ ọbanyị ana yarị ọ pooro di o su. Ini irehi irenyi ọ vana ra nị. Ẹ yị vana kụkụ mẹ̀ ụkọrọ ọnyọọnyị, dị ahịka Ijotami ozi anị ọ vana si eyi pe irehi ohinọyị dị aa mẹ ịjọva ẹkụra nị.

2 Ohinọyị 16:1

Ịnị ana tụ ọ ịrẹyị ẹwụrịhịmba ọnị Ịpẹka ozi Ịrẹmarịya rị ohinọyị Ísirẹrị, Ahazi ozi Ijotami ộ rị ohinọyị Íjuda.

2 Ohinọyị 18:1

Ịnị ana tụ ọ ịrayị ọhụta ọnị Ihoseya ozi Era rị ohinọyị Ísirẹrị. Ihezekaya ozi Ahazi ộ rị ohinọyị Íjuda.

2 Ịtọpa 28:1

Ịrayị ohu Ahazi vị dị ọ rị ohinọyị Ijuda ọnị ọ mẹ̀ ịrayị ẹwụrịhịnọnyị Ijerusarẹmị nị. Ộ hama ebira ọyịza Idevidi ana vị ohiku anị. Ộ mẹ̀ ebira ene e yi hine Ẹnẹyịmavara ayị vụrụ-vụrụ.

2 Ịtọpa 29:1

 nyị ọnọrụ ọnya aanị ana a hị́ Ihezekaya. Ịrayị ohurẹẹhị, ọ vị dị ọ vị ohinọyị Ijuda dị ọ mẹ̀ ẹ ịrayị ohurịhịịna Ijerusarẹmị nị. Ọnyị anị Abija vị ozi Ịzakaraya.

Ayịsaya 1:1

Iwe ọnọnị vị iwe etore oni Ohomorihi si zụ̀ Ayịsaya ana vị ozi Amozi. Ịnị ụmẹ ọnọọ Uzaya, Ijotami ọnịrị Ahazi ne beri Ihezekaya ẹ vị avọọ vị ohinọyị Ijuda tù ẹngụ tù ẹngụ nị. Ohomorihi ộ sị ẹtẹ ọnọnị zụ̀ Ayịsaya, dị ọ kà a yọ ịrẹyị ene vee tù Ijuda ọnịrị Ijerusarẹmị nị.

Ayịsaya 1:2

Ẹnẹyịmavara kà ihinẹba ọnịrị ẹtẹ ẹ wụ́ ịrẹyị ọnị ọnị aa vaa kà aanị. Ọ kà ezi ọnị ọnị pá, ẹ sị vịra, di e nyima dị ẹ yaa kụ̀ụ hịrẹ ọnị nị.

Ayịsaya 7:1

 nyị ụmẹ ọnya ana Ahazi sị vị ohinọyị Ijuda. Ahazi ọnọọ vị ozi Ijotami ana ada anị rị Uzaya. Di ohinọyị Aniroomi ana aā hị́ Irezini ọnịrị ohinọyị Anisirẹrị ana aā hị́ Ịpẹka ana vi ozi Iremaraya na vabẹ dị ẹ kụ́ ịrẹkụ ne tù Ijerusarẹmị nị. Ama e rè vee zuu huna Anijerusarẹmị.

Ayịsaya 7:9

Isamariya aa vịị vị ohirẹsụ Ehwireemi nị, dị ahịka ozi Iremaraya ọ vị vị ohinọyị anị nị. À yị vị ụ sị sị ayị tụra Ẹnẹyịmavara, wẹ yị va zụụ jẹẹ.

Ijeremaya 26:18

Ụmẹ ọnị Ihezekaya sị vị ohinọyị Ijuda, ọnịsẹ ana aā hị́ Imika hụrị ẹtẹ Imoreseti ộ ka ịrẹyị Ẹnẹyịmavara Ochẹtẹẹngụ yị avaba aza ka: E vee hùru anka a mee huru aarẹ avọọ, ọ ka, a vaa jị Ijerusarẹmị eburu saka-saka dị Irehi Ohomorihi kụkụ vara iruku tịtẹ.

Ihoseya 1:1

 nyị ọza ọnya aanị ana aa hị́ Ihoseya, ana vị ozi Ibeeri. Ẹnẹyịmavara ộ tụ́ ọ ụtụ ịnị ụmẹ ọnị Uziya, Ijotami, Ahazi, ọnịrị Ihezekaya nịnị sị mẹ̀ ohinọyị Ijuda vọ yị ẹngụ. Ịnị ụmẹ ọnọọ gẹdẹ-gẹdẹ, Ijerobowami ozi Ijowasi ọnị rẹ sị vị ohinọyị Isirẹrị nị.

Ihoseya 4:15

Ọ mẹ yị daka vị ka Anisirẹrị nịnị aa sẹ̀ ịrẹka, asị Ijuda bẹ ụvọ tụ́ ịnị ebira ọnị ẹ yaa mẹ̀. Asị ẹ nọ Igirigari a vị Ịbẹtị-Aveni na hẹkẹ ori, asị ẹ hị́ eku uruku ịnị ịrẹha Ẹnẹyịmavara ana yara.

Ihoseya 8:14

Ẹnẹyịmavara kà Anisirẹrị nịnị e hi ayị ọnị ana tụ wa, dị ẹ yaa dà irehi ẹbanyị-ẹbanyị yị ohinọyị ọnịrị ẹkụra ẹbanyị-ẹbanyị ana a jị ọvọ kara ẹtẹ Ijuda, avọọ ọnị vaa tụ́ ịra ka o du irehi ẹnẹẹ ha.

Emọsị 1:1

 nyị ọnọrụ ọnya aanị ana aā hị́ Emọsị. Ọza ịnya ọ vị ịnị ẹnị anaā pa ịsụpa ẹkụra ana aā hị́ Itekowa nị. Ẹnẹyịmavara ộ tụ ọ ụtụ hi Anisirẹrị ịnị ụmẹ ọnị Uziya si vị ohinọyị ẹtẹ Ijuda. Ụmẹ ọnọọ Ijerobowami, ozi Ijehowasi ọnị rẹ sị vị ohinọyị tụ ẹtẹ Isirẹrị nị. Ịrayị ana tụ́ ọ ọhụva ọnị Emọsị kà enube ọnọọ kwooze, ẹtẹ ve henyi jigi-jigi nị.

Emọsị 6:1

Oogwoo Anijerusarẹmị ọnịrị Anịsamarịya nịnị ẹnị e ro ka ẹnị ẹ si ha dị ẹ va ẹngụ ha. Ọdọvịdị ẹkụra ẹnẹnị vị ene ro ka eni e huuna ẹkụra ana vọ agụvị avọọ di ọzọza ọ va ụpa anị nee kú.

Imika 1:5

Avaba ịsa ẹnẹnị ệ mẹ̀ tụ́ ezi Ijekọvụ agụvị ka ệ mẹ̀ ebira odivi ọnịrị akamawụ hi Ohomorihi. Ẹnẹ nyị ohuvọ akamawụ Isirẹrị? Aa vị aza ene hi Ịsamarịya! Ẹnẹ rị ịvị ori ọyị hẹkẹ ịnị ẹtẹ Ijuda? Aa vị aza ene hi Ijerusarẹmị!

Imika 3:9

Ẹwụ nịnị ọdọvịdị anovwoovu Ijekọvụ ò batọ. Mị ka ẹwụ ọdọvịdị Anisirẹrị ene è yi mē sì ịzẹyịza è batọ dị ẹ̀ wụ́ ịrẹyị amị.

Ihabaku 1:1

 nyị ọnọrụ ọnya aanị ọnị ịrẹha anị rị Ihabaku. Ọnụtụ Ẹnẹyịmavara ọ vị nị. Ẹnẹyịmavara ộ sị ịrẹyị ana vaa mẹ̀ zụ̀ ọ.

2Ipita 1:21

agụvị ka ẹ́ yị nyị ụmẹ ana aza zụ sị kwẹẹtẹ kẹnẹ, dị ẹ̀ẹ kà ịsẹ, anka e mè sì ọ. Ama aza ọnịnị Ohomorihi ệ kà ịrẹyị anka Ụhwẹ Ọnịnị màa zụ̀ wa ịrẹyị nị.