Imatiwu 9:33 - IWE ỌNỊNỊ

³³ Dị Ijeesu dụ ụhwẹ echu ọnọọ jịnẹ, di ogurenu ọnọọ aa kà ịrẹyị nị. O si hí ọkọnị aza ẹnẹẹ irenu, dị ẹ ka, “Yẹẹ̀ yị maanị re da ịnị ẹtẹ Isirẹrị.”

Imatiwu 9:33 ပူးပေါင်းရင်းမြစ်များ

2 Ohinọyị 5:8

Ama Erisa, ọza Ohomorihi mẹ̀ wụ ka ohinọyị Isirẹrị ộ na awuru hi ẹngụ anị ẹngụ, dị ọ tụ ka à na kà a yọ ka: Sị ẹ vẹ dị ọ na awuru anị? Ọ̀ kà ayị Ịnaamanị ka ò ve tu ọnị. Ọ̀ọ vẹ, ọ vaa yẹ ka áa nyị ọnịsẹ ẹtẹ Isirẹrị.

Ahẹ Ụgama 76:1

Aza ana hi Ijuda ệ yẹ Ohomorihi, ịrẹha Ohomorihi vị ana nyayịnẹ ngụ ịrẹyị ịnị ẹtẹ Anisirẹrị.

Ayịsaya 35:6

Oswahụ nịnị vaa kwẹẹtẹ di e yee ji iriga anka ẹdọ avọọ, di ogurenu nịnị ee nowu ẹ màa jẹ ịrajẹ. Orosi nini vaa ha irenu ịnị ụnọmị ọpaapara di enyi ee si.

Ijeremaya 32:20

Wâ mẹ apọtẹrẹwa ọnịrị ịvọpa ọrụrụ-ọrụrụ ẹtẹ Ijipiti, yị va ngụ ajịnị dị waa yịị mẹ ẹngụ ụkọrọ ẹnẹẹ ịnị ẹtẹ Isirẹrị ọnịrị aha ana vọ nị. Wa sị ịrẹha mẹ yị ẹngụ awụ avaba aha ịnị ajịnị.

Imatiwu 8:10

Ịjị Ijeesu maanị wụ́, ô hí ọ irenu, dị ọ kà a yị aza ana aa dụ ọ ịrẹma, dị ọ ka, “Ịzẹyịza, mị kà a wụ nị, mẹ yị maanị re ọza ana sị ayị tụra mị da; mẹ yị hyakụ ree ịnị Anisirẹrị nịnị.

Imatiwu 9:32

Aza ẹnẹẹ màa jịnẹẹ tụ́ ẹhẹ, aza ệ sị ọza ịnya aanị ká a vẹ ene gu irenu, agụvị ka ộ nyị ụhwẹ echu.

Ịmaakị 2:12

Obooboro ọnọọ, dị ọ kwẹẹtẹ, dị ọ sị odooro anị, dị aa na éyi avaba ẹnịnị nị. Ô hí avaba aza ẹnẹẹ irenu ẹtẹẹtẹrẹ, dị ẹyaa sị ụgaa yị Ohomorihi nị. Dị ẹ ka, “Yẹẹ̀ yị maanị re da.”

Iruuku 11:14

Ijeesu aa dụ ụhwẹ echu ọnyaa jịnẹ hụụnị ẹngụ ogurenu ọnya. Ịjị ụhwẹ echu ọnọọ sị jịnẹ, dị ọnọrụ ọnọọ kụkụ aa kà ịrẹyị nị. Di o si hí aza ẹnẹ irenu nị.

Iruuku 7:9

Ịjị Ijeesu maanị wụ́, ô hí ọọ irenu, dị ọ vara eyi, dị ọ kà a yị aza ana aa dụ ọọ ịrẹma, dị ọ ka, “Mẹ ẹ̀ yị maanị re ọza ana maanị sị ayị tụra mị da; ịzẹyịza, m maa kà a wụ nịnị nị, mẹ yị hyakụ re ẹngụ ẹdọwụ ọnọnị ịdị Anisirẹrị nịnị.”