Imatiwu 8:29 - IWE ỌNỊNỊ

²⁹ Di e nowu zẹtẹ, dị ẹ ka, “Sẹ jị gẹ ẹyịrị ẹwụ, ẹwụ Ijeesu Ozi Ohomorihi? Ụ wáá vẹ ịzẹnị ka wa va sị ụya rị yị, dị ụmẹ ò ve tù nị?”

Imatiwu 8:29 ပူးပေါင်းရင်းမြစ်များ

2 Ịsamụwẹrị 16:10

Di ohinọyị ka, “Ẹwụ nịnị ezi Izeruya, ẹ yị nyị ụvọ amị rị ịnị ọnọọ o. Àa vị Ẹnẹyịmavara ọ kà a ka ọ̀ọ kụ̀ mị ụhụ dị aa kụ̀ mị ụhụ nị, ẹnị ẹ họ̀ ọ ka sị ẹ vẹ?”

2 Ịsamụwẹrị 19:22

Ama di Idevidi kà, “Yere ana jị gẹ ẹmịrị ẹwụ nịnị aanị, ẹwụ ezi Izeruya? Sị ẹ vẹ di wee sì ka wa kụ́ ịrẹyị tù mi ajịnị? Ẹma vị ohinọyị Isirẹrị nị, ẹ yị nyị ọza ana a vaa wụ̀ ajịnị ịnị ẹtẹ Isirẹrị.”

1 Ohinọyị 17:18

Dị ọnẹẹ ọnọọ va hị́ Erija dị ọ ka, “Sị ẹ na jị gẹ ẹmịrị ẹwụ kẹ, ẹwụ ọza Ohomorihi? Vị ụ vẹ ịda amị ka wa va mẹ ka à tamayị ebira odivi ọnị mị vịdị mẹ, dị à wụ ozi emi nii?”

2 Ohinọyị 3:13

Erisa ộ kà a yị ohinọyị Anisirẹrị nịnị ka, sị ee si ịdị anị? Ọ kà ò ne tụ ẹnị ọnịsẹ ana ada anị ọnịrị ọnyị anị vịdịị nọ ịdị anị. Ama dị Ijorami, ohinọyị Anisirẹrị ka, eyiye de; Ẹnẹyịmavara ọ hị́ ẹnị ohinọyị ẹyịta hi ẹhẹ ka, ọnị ọ va kụ ẹnị chire ohinọyị Animowabi ụvọ aanị nị.

2 Ịtọpa 35:21

Ohinọyị Ineko ộ tụ́ aza ne tu Ijosaya ka ẹ kà enube ọnọnị yọ: Ẹ họ̀ ọ ka yere ana vị ọnịrị ọ? Ọnị ẹ yị hụ ụvọ anị nọ ịrẹkụ. Ohomorihi ọ kà yị ọnị ka ọnị ọ ụsẹ-ụsẹ nọ ịrẹkụ ọnịvị anị nị. Ohomorihi ya ọnị ịrẹma. Asị ọ va eyi ịraazị ka ọnị agụvị asị Ohomorihi vu ọ ẹtẹ.

Ijowẹrị 3:4

Dị Ẹnẹyịmavara họ̀ Anitaya ọnịrị Anisidoni ne beri Anihwirisiti ka sị ẹ vẹ dị ẹ vavọọ aa mẹ̀ ebira hi ọnị? Vị ẹnịnị wéé vi ene si ọnị atọ nị? Àa vị avọọ yị ọọ nị, ọnị vaa vee sị wa atọ obobooro ọnọọ.

Imatiwu 4:3

Dị ọzamọzare ọnọọ ka a vẹ, dị ọ ka, “Àa vị Ozi Ohomorihi ụ vị nị, mẹ ọda ka ịrẹta ẹnẹnị ẹ̀ vara akara!”

Imatiwu 8:30

 nyị ụ̀rá ẹnyị aanị ana aa rị ẹ́nẹẹnẹ ịzọọ.

Ịmaakị 1:24

dị ọ ka, “Navọ yị hẹẹ, sẹ jị gẹ ẹyịrị ẹwụ, Ijeesu Anịnazarẹtị? Ụ wáá vẹ ka wa va wụ yị nị? Mâ yẹ ọza ọnị ụ vị; ẹwa vị Ọza Ọnịnị Ohomorihi nị.”

Ịmaakị 3:11

Ịjị aza ana nyị ụhwẹ echu nịnị re e kẹnẹ, dị ẹ hyẹdụ nya ẹtẹ ọ́ vịdị anị, di e nowu zẹtẹ, dị ẹ ka, “Ẹwa vị Ozi Ohomorihi nọ!”

Ịmaakị 5:7

Di o nowu tụ́ ẹba nị, dị ọ ka, “Ijeesu, Ozi Ohomorihi ana ya ẹbẹẹba keekere, sẹ jị gẹ ẹmịrị ẹwụ? Aarịhịnị, mâ sị Ohomorihi dá ịpẹ wụ, asị ụ sị ụya rị mị!”

Iruuku 4:34

dị ọ ka, “Navọ yị hẹẹ, sị ẹ jị gẹ ẹyịrị ẹwụ, Ijeesu Anịnazarẹtị? Ụ wáá vẹ ka wa va wụ yị nị? Mâ yẹ ọza ọnị ụ vị, ẹwa vị Ọza Ọnịnị Ohomorihi nị.”

Iruuku 4:41

Dị ụhwẹ echu nịnị ẹnị rẹ jịnẹ hụụnị ẹngụ ọza ọrụrụ-ọrụrụ, di eyee nowu ka, “Ẹwa vị Ozi Ohomorihi nị!” Ọ màa tụ́ wa ohuvọ, ọ yị zẹẹ ka ẹ̀ kà ịrẹyị, agụvị ka ẹnịnị ệ yẹ ka Ikirisiti ọ vị nị.

Iruuku 8:28

O mè re Ijeesu, di o nowu zẹtẹ, dị ọ tana tụra ẹtẹ ọ́vịdị anị, di o nowu tụ́ ẹba ka, “Sị ẹ jị gẹ ẹmịrị ẹwụ, Ijeesu ana vị Ozi Ohomorihi ana nẹba hu keekere? Aarịhịnị, mâ dá ịpẹ wụ, asị ụ sị ụya rị mị!”

Ịjọọnụ 2:4

Dị Ijeesu kà a yọ ka, “Ịnya, sẹ jị gẹ ẹmịrị ẹwụ? Ụmẹ amị o yi tù.”

Odeyi 16:17

Dị aa dụ ẹyịrị Ịpọọrụ zị, di ee nowu ka, “Aza ẹnẹnị vị ezi ahụ Ohomorihi ana nẹba hu kere-kere. Ẹ yaa kà a wụ nịnị, ụ mẹmẹ zụ há nịnị.”

Ijemiisi 2:19

Wâ dọ wụ́ ka Ohomorihi vị ọnya, óo zoza. Ama ụhwẹ echu nịnị ẹnị ẹ rẹ vavọọ dọ bẹẹ, dị ẹ hyakụ hụ agụvị avọọ aa da ẹgahị papapa, e mee hí angwa.

2Ipita 2:4

Anggẹẹrị nịnị mẹ̀ mẹ ịvị, Ohomorihi ẹ́ yị sị vayị ẹnịnị. Vị ọ sị wa, dị ọ kụ wa va hi ini ẹkụra ịra nị. Â sị ẹba sụ́ wa tụ́ ịnị ịrahụ ruma-ruma ịzọọ. Ịzọọ ẹ vaa yà pooro nee tù ẹkụhị ọkarẹyị nị.

Ijudi 1:6

Rẹ tamayị anggẹẹrị nịnị ene è yi sị eyi pe udi ana a sị yị wa, ệ hụrẹ ịzị a sị wa tụ́. Ohomorihi ộ sị ẹba tụ́ wa ọnị ọza ọ̀ yị vaa ngwa pooro zịna-zịna, dị ọ sị wa tụ́ ịnị ịrahụ tụ ụvẹtẹ-ụvẹtẹ ka ẹ̀ yà ịzọọ pooro ne tù ẹkụhị ọbanyị ọnọọ oni Ohomorihi vaa mẹ̀ ọkarẹyị ẹhẹ nị.

Ọdọvịdị 11:12

Ẹkụhị ọnyara dị Ịjẹhwịta tụ aza ka ẹ na họ̀ ohinọyị Anamọnị ka sẹ sụ ọnịrị ọ dị a kụ ịrẹkụ ve tu aza anị?