Imatiwu 7:24 - IWE ỌNỊNỊ

²⁴ “Agụvị avọọ ọza tụra ọza ana àa wụ́ ịrẹyị amị ẹnẹnị, dị ọ rẹ mẹ̀ ịsa ọnị mị kà nị, vị ana vaa sị mẹẹ anka ọyẹrẹyị ọnya aanị ana dà irehi anị tụ́ ịrẹsụ ịda.

Imatiwu 7:24 ပူးပေါင်းရင်းမြစ်များ

Ijoovu 28:28

Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.

Ahẹ Ụgama 111:10

Ọza ọ̀ọ nyị angwahi Ohomorihi, o si nyima aa yẹ ịrẹyị. Avaba aza ana a saasa ọda anị vi ana nyayịnẹ ẹ yẹ ịrẹyị Ohomorihi a vọrọ ka àa kụ́ avọ pooro zịna-zịna nị.

Ahẹ Ụgama 119:130

Ịjị ịrẹyị awụ ọ̀ọ sị ngụ ịnị ayị ọza, eyi anị vee hweyi. Vị ọọ̄ mẹ ka obedu ọ̀ hyakụ yẹ ịrẹyị nị.

Ahẹ Ụgama 119:99

Ọda awụ vị ọnị miī roo nọ ịnị anị pooro. Ẹ raà mẹ ka eyi amị ò hweyi tù ịsa huna aza ana hyakụ aa zụ̀ mị ịsa.

Ụhịrẹyị 10:25

Ịzị ẹngụkata yaa vu ọza ọhịmị ẹtẹ ọnịzẹyịza vị anaa jẹẹ geri-geri ịzọọ.

Ụhịrẹyị 10:8

Ọnịrẹyọyẹ vị ana a wụ́ ịrẹyị ọza ama ọnụra ana ka kẹnẹ-kẹnẹ vị ana kụ ịrẹyị tu ẹngụ anị

Ụhịrẹyị 12:7

Ẹnẹyịmavara oō vu aza ọhịmị ẹtẹ nị ama ovwoovu aza ọyịza o mē vu.

Ụhịrẹyị 14:8

Ịrẹyọyẹ ọyẹrẹyịị̄ sịị mẹ̀ ẹhẹ anị nị, ama ọnụra vị anaā sịị ụraa vene ẹngụ anị.

Imatiwu 12:50

Ọza ana àa mẹ̀ ịsa ana Ada amị ẹbẹẹba sì, ọnị ọ vị ọyịnyara amị ọnịrị onyeyiza amị beri ọnyị amị nị.”

Imatiwu 16:18

Dị ma rẹ kà a yị wụ ka ẹwa vị Ipita (ọnọọ vị ka ‘ịda’) ana yàa anka ịda nị. Ịrẹsụ ịda ọnọnị m maa dà ịragụ amịị tụ́ nị; isu ẹ yị vaa nyị ehuna anị.

Imatiwu 24:45

Ẹnẹ vị ozi ahụ ọnịrẹyịzẹyịza ana yẹ ịrẹyị, ọnị ọga anị vaa sị ezi ahụ ana vọ chire ụvọ ka ọ̀ọ sị ịsọyịrịị yị wa ịnị ụmẹ ana vọrọ?

Imatiwu 25:2

Ẹẹhị ịnị ẹnịnị ệ yẹ ịrẹyị; ẹnị ẹẹhị ana vọ vị ọnụra.

Imatiwu 25:4

Ẹ́nị ọyẹrẹyị ẹnị mẹ̀ sị ozotupa ẹnịnị, dị ẹ rẹ ká angwẹ tụ́ ini ijogo rị ụvọ nị.

Imatiwu 25:9

Ama dị ọyẹrẹyị nịnị tụ́ ohi ka: ‘Eyiye de, ọ yị kụkụ vaa hụ ẹyịrị ẹwụ nịnị. Nọ ịzị a yàā ná a, dị ụ wa na hị́ nịnị!’

Imatiwu 7:25

Orihi ộ zụ̀, dị okuha vẹ, dị ahị tụ́ nị. Ộ tụ́ kú irehi ọnọọ, ama oyi wú; agụvị ka â dà a tụ́ ịrẹsụ ịda.

Imatiwu 7:26

Ọza tụra ọza ana àa rẹ wụ́ ịrẹyị amị ẹnẹnị dị ọ̀ yị mẹ ịsị mị kà nị, vị ana vaa sị mẹẹ anka ọnụra ọnya aanị ana dà irehi anị tụ́ ịrẹsụ aarẹ.

Iruuku 11:28

Dị Ijeesu ka, “Eyiye de, aza ana aa wụ́ ịrẹyị Ohomorihi, dị ẹ rẹ sị tụ́ ịnị ayị, ẹ vị ana jẹ nị.”

Ịjọọnụ 13:17

Wa raà yẹ ịrẹyị ẹnẹnị nịnị. Ụ vaa daa jẹ nịnị, wàaa mẹ̀ ẹ nịnị.

Ịjọọnụ 14:15

“Wàa ka wee sì ịrẹyị amị nịnị, ụ vaa saasa ọda amị nịnị.

Ịjọọnụ 15:10

Wàa sị eyi pe ọda amị nịnị, wẹ yị vaa vàa hụụnị ịrẹyị awụ nịnị oni mi sì. Avọọ émi mè re sị eyi pe ọda Ada amị, dị mẹ̀ yị và hụụnị ịrẹyị amị oni o sì nị.

Ịjọọnụ 15:14

Wàaa mẹ̀ ịsa ọnị mị kà wụ nịnị, ọta amị ụ vị nịnị avọọ nị.

Aniroomi 2:13

Ayị vị ka vị ọza aa wụ́ ịrẹyị ọda ọnọọ kẹnẹ, dị Ohomorihi wụsẹ jị ịhị yọ nị. Eyiye, ịjị ọza àa mẹ̀ ịsa ọnị ọda ọnọọ kà, ịjọnọọ Ohomorihi vaa jị ịhị yọ nị.

1 Ịjọọnụ 2:3

Yàa saasa ịrẹyị Ohomorihi, ọnị ọ vaa sị zụ̀ ka yáa yẹ Ohomorihi nị.