Imatiwu 6:9 - IWE ỌNỊNỊ

⁹ Agụvị avọọ, waa mẹ ẹngụ aduwa ọnọnị nịnị: Ada ayị ẹbẹẹba, ya sị ụbanyịị yị ịrẹha awụ;

Imatiwu 6:9 ပူးပေါင်းရင်းမြစ်များ

2 Ịsamụwẹrị 7:26

Wàa vavọọ mẹ̀ ẹ, vị ụ vaa sị nyị ụbanyị pooro nị. Ịjọnọọ aza vaa kà a ka ẹwụ Ẹnẹyịmavara Ochẹtẹẹngụ ọ vị Ohomorihi Anisirẹrị nị. Dị ụ raà sị irehi emi ozi ahụ jẹẹ.”

1 Ohinọyị 8:43

Ẹ̀ẹ vavọọ mẹ, navọ kwogwo we batọ hụrẹ ẹbẹẹba ịzị ụ yà, dị wa mẹ avaba ịsị azọga ẹnẹẹ ẹ̀ẹ dá ịpẹ anị. Navọ wa vavọọ mẹ̀ ẹ agụvị avaba anẹhẹ ẹ̀ zụ yẹ wụ, dị ẹnị è re zụ hí angwa awụ anka aza awụ Anisirẹrị. Navọ ẹnị ẹ̀ rẹ zụ yẹ ka ẹwụ aa hị́ ini irehi ọnọnị ọnị mị dà wụ aanị nị.

1 Ịtọpa 17:24

Ọ kà Ẹnẹyịmavara vaa daa ngụrẹyị kẹnẹ, dị avaba aza aa kà a pooro ka Ẹnẹyịmavara Ochẹtẹẹngụ ọ vị Ohomorihi Anisirẹrị nịnị nị. Ọnị ọ ka ọnị vee sere ezi anị yị ọnị nị.

2 Ịtọpa 20:6

Dị ọ kà, Tee! Ẹnẹyịmavara Ohomorihi ohiku ayị, aanịka ẹ yị vị ẹwa vị Ohomorihi ayị ana ya ẹbẹẹba? Ẹwụ aa mẹ ịjọva tụra avaba ẹhẹ ịrẹsụ nị. Avaba ụkata vị ana ya ịnị ụvọ awụ, ẹ yị nyị ọza ene zụ ziizi wu ụvọ.

Inehemaya 9:5

Ọdọvịdị Ireevi nịnị ẹ vị, Ijesuwa, Ikadimẹrị, Ibani, Ihasabineya, Iserebiya, Ihodiya, Isebaniya ọnịrị Ipetahiya nị. Ẹnịnị ệ hị́ aza ka ẹ̀ kwẹẹtẹ dị ẹ sị ụga yị Ẹnẹyịmavara Ohomorihi ẹnịnị agụvị ka ọnị ọ̀ yara pooro zịna-zịna nị. Dị e nyima aa si ụgaa yị ịrẹha Ohomorihi nị. Dị ẹ ka ụbanyị anị ô huna ịsa ọza zụ ro, ọnịrị ịsa irenu zụ ka.

Ahẹ Ụgama 111:9

Ộ dọ aza anị tụ́, ịrẹyị ọnị ọ ka ọnị vaa mẹ vị ana jị jẹẹ pooro zịna-zịna, nyị ẹngụ Ohomorihi, dị ọ rẹ nyị ụkata nị.

Ahẹ Ụgama 115:3

Ohomorihi yà ẹbẹẹba, ịsa ene zee e eyi kẹnẹ ọọ̄ mẹ nị.

Ahẹ Ụgama 72:18

Ẹnẹyịmavara, ana vị Ohomorihi Anisirẹrị, yâ kụ́ wụ avọ. Ẹwụ nya kẹnẹ ọ maanị mẹ ịrẹyị ẹbanyị-ẹbanyị nị.

Ayịsaya 37:20

Ọ kà, Ẹnẹyịmavara, Ohomorihi ẹnịnị ọ̀ dọ ẹnị ha booro aanị hụụnị ụvọ Anasiriya nịnị; agụvị dị avaba anẹkụra ene hi ẹhẹ ẹ̀ yẹ ẹwụ ịnyara, Ẹnẹyịmavara ọ vị Ohomorihi nị.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Ayịsaya 6:3

Dị ẹ yaa hị́ ẹngụ, dị ẹ ka “Ọnịnị, Ọnịnị Ọnịnị! Ẹnẹyịmavara Ochẹtẹẹngụ vị ọnịnị. Ụbanyị anị vi ene chi avaba ẹhẹ ẹngụ.”

Ayịsaya 63:16

Ẹwa vị ada ayị nị. Ohiku ayị Abụrahamị ọnịrị Ijekọvụ ẹ yị yẹ yị, ama ẹwụ Ẹnẹyịmavara ọ vị ada ayị. Ẹwa vị ọza anaa dọ yị ha pooro nị.

Ayịsaya 64:8

Ama Ẹnẹyịmavara, ẹwa yị vị Ada ayị nị. Vị́ ị sị mẹẹ ụmọpa avọọ, dị ẹwụ sị mẹẹ ọjụnọkọ avọọ nị. Ụkọrọ ụvọ awụ ị vị̀ nị.

Ayịsaya 66:1

Ẹnẹyịmavara kà a, ẹbẹẹba vị aha ọyị yaatụ ohinọyị anị, dị ẹhẹ vị ịrẹhụ ọnị ọnị aa kụ́ ahụ hi nị. Ẹngụ irehi si è ro ka ẹnị ẹ zụ da yị ọnị kẹ? Ịzị ẹ vị aha ẹnẹ zụ da ka ọnị ọ ra kẹ?

Ezikẹẹrị 36:23

Ọ kà, ịjị ọnị ọ̀ọ raa sị zụ anẹkụra-ẹkụra nịnị ka ịrẹha anị ọnị waa mẹ ụhịị nyịị ngụ ịdị ẹnịnị zị aanị vị ọnịnị, ẹnịnị vaa yẹ ka ọnị ọ vị Ẹnẹyịmavara nị. Ọnị, Ẹnẹyịmavara Ochẹtẹẹngụ ọ kà avọọ nị. Ọnị vaa sị wụ nịnị mẹ ka ẹkụra-ẹkụra ẹ̀ yẹ ka ọnịnị ọnị vị nị.

Ezikẹẹrị 38:23

Aanị ọnị mẹ va sị́ ụbanyị anịị zụ̀ avaba anẹkụra nịnị, dị ẹ̀ yẹ ka ọnị ọ nị nị. Ẹnịnị vaa yẹ ka ọnị ọ vị Ẹnẹyịmavara nị.

Ireevi 10:3

Dị Imosiisi kà a yị Eerọnị ka, á vị ịsị Ẹnẹyịmavara aa kà yịị ka, ọnị vaa sì ẹngụ anịị zụ avaba aza anaa mẹ̀ ụkọrọ anị ka ọnịnị ọnị vị nị, dị ọnị sị igirima anị zụ aza anị. Ama dị Eerọnị vavọọ ee ré ẹtẹ hẹẹ nị.

Ihabaku 2:14

Aza ana yẹ Ẹnẹyịmavara dị ẹ sị ụbanyị yọ vaa rụrụ chi ẹhẹ ẹngụ anka enyi meē hi oku avọọ.

Ịzakaraya 14:9

Ụmẹ ọnọọ Ẹnẹyịmavara ọ vaa vị ohinọyị tụ́ ịrẹsụ avaba ẹhẹ nị. Ọzọza vaa hẹkẹ ẹ anka Ohomorihi, dị ẹ vavọọ yẹ ịrẹha anị.

Ịmarakayị 1:11

Ọ kà aza vị ana aa hụrẹ avaba ẹhẹ vẹ, dị ẹyaa sị ụbanyị yị ọnị, dị ẹyaa rị eturare ịra yị ọnị, dị ẹyaa sị ịsa ana vọrọ vaa yị ọnị. Ọ kà aza ẹnẹẹ vavọọ aa mẹ agụvị ka ẹ yẹ ụbanyị anị.

Imatiwu 10:29

Wáá yẹ nịnị ka aara ẹẹva eepeni aa hị́ ọọ nị? Ẹ̀ yị vị Ada awụ nịnị ẹbẹẹba hụrẹ ụvọ, ẹ yị nyị ikonya ịnị ẹnịnị ana zụ hụrẹ tịtẹ.

Imatiwu 23:9

Asị a rẹ nyị ọza ọnị ụ waa hị́ ‘Ada ayị’ ịnị ẹhẹ ọnọnị nịnị, agụvị ka ọza ịnya kẹnẹ ọ vị Ada awụ nịnị; ọ yà ẹbẹẹba.

Imatiwu 26:29

Ịzẹyịza m maa kà a wụ nịnị nị, me mē vene hú eche ọnọnị pooro ne tù ẹkụhị oni mi vee hú ọọ ọwọọwa ịzị Ada amị yà aa mẹ ịjọva.”

Imatiwu 26:42

Dị ọ rẹ varẹma ụpẹ ọhụva na mẹ̀ aduwa nị, dị ọ ka, “Ọga, àa vị ka ụyọrị ọnọnị ọ yị zụ hụrẹ mị ịrẹsụ, ẹ̀ yị vị mị rị ọọ, mẹ ịsị u wèe sì!”

Imatiwu 5:16

Navọ ẹtohweyi ọnị ụ vị nịnị ọ̀ vavọọ zẹtẹ ọ́vịdị aza, dị è zụ re ebira ozoza awụ nịnị dị ẹ̀ sị ụga yị Ada awụ nịnị ẹbẹẹba!”

Imatiwu 5:48

Agụvị avọọ, áa vọrọ ka wa gụ nịnị, anka Áda awụ nịnị ẹbẹẹba mẹ̀ gụ.”

Imatiwu 6:14

Wàa vagu aza ịnị ịvị ẹnẹẹ mẹ hi wu nịnị, Ada awụ ẹbẹẹba ọnị rẹ vaa vagu wu nịnị bẹẹ.

Imatiwu 6:6

Ama ẹwụ àa mẹ̀ aduwa, ngụ ini aku awụ! Wàa sị oze awụ gù, dị ụ waa mẹ̀ aduwaa hi Ada awụ ana yà aha ẹvagu! Ada awụ nịnị eneē re ẹtẹ aha ẹvagu vee sí wu atọ ịnị eyigede.

Imatiwu 7:11

Ẹwụ nịnị ana vị aza edivi, wàa yẹ ka áa vọrọ ka wa sị ịsa ọyịza yị ezi ewu nịnị; ụ mẹmẹ va yẹ ka Ada awụ nịnị ẹbẹẹba ọ yị vaa sị ịsa ozoza yị aza ana aa họ̀ ọ use?

Iruuku 15:18

Dị ọ ka: ‘Maa kwẹẹtẹ, dị maa nọ ịdị ada amị. Mèe tù, dị mị ka: Ma sị ịvị mẹ hi Ohomorihi ọnịrị ẹwụ.

Iruuku 15:21

Di ozi ọnọọ ka: ‘Nda, ma sị ịvị mẹ hi Ohomorihi ọnịrị ẹwụ. Mẹ yị kụkụ yà ọza ana a vọrọ ka àa hị́ ozi ewu.’

Iruuku 2:14

“À vẹ yaa sị ụbanyịị yị Ohomorihi ana yà ẹbẹẹba keekere, ọ vaa sị ẹngwọọrọ yị aza ene hi ịnị ẹhẹ ana ayị anị hine tù.”

Ịjọọnụ 20:17

Dị Ijeesu kà a yọ ka, “Asị ụ sị ụvọ kanyị mị, agụvị ka mẹ yị varẹma nọ ẹbẹẹba ị́dị Ada amị! Ama na kà a yị ẹyịnyara amị ka: maa nọ ẹbẹẹba ị́dị Ada amị ana rẹ vị Ada ẹwụ nịnị; ọnị ọ vị Ohomorihi amị, dị ọ rẹ vị Ohomorihi awụ nịnị nị.”

Aniroomi 1:7

Mâ kụ́ avaba awụ nịnị ene hi Iroomi oni Ohomorihi sì ịrẹyị anị, dị ọ hị́ wụ nịnị ka wa vị aza anị. Ohomorihi Ada ayị ọnịrị Ijeesu Ananyị yị ọnị ọ nyị ka ọ̀ dọ yị há ẹ̀ mẹ ọyịza wụ nịnị, dị ẹ̀ rẹ sị ẹngwọọrọ yị wụ nịnị!

Aniroomi 8:15

Ụhwẹ Ohomorihi ọnị ọ sị wụ nịnị ọ yị za wụ nịnị ọrịhị, ana zụ mẹ ka we kukuu hí angwa nịnị. Ama Ụhwẹ ọnọọ ộ sị ụkata yị ka ye zuu nowuu hị́ Ohomorihi ka; Ada ayị!

Anigaratiya 1:1

Ẹmị Ịpọọrụ ana vị odeyi Ijeesu Ikirisiti ọ chẹrẹ iwe ọnọnị nị. Ẹ yị vị ọza ọ hị́ mị, ẹ yị rẹ vị aza ẹ nyị mị ka ma vị odeyi. Ama Ijeesu Ikirisiti ọ nyị mị nị, ọnịrị Ohomorihi Ada ayị, ana ha Ijeesu hụụnị isu.

Anigaratiya 4:6

Dị à zụ yẹ ka ezi Ohomorihi ụ vị nịnị nị, Ohomorihi ộ sị Ụhwẹ Ọnịnị Ozi anị tụ́ ịnị ayị awụ nịnị, di ee nowu ka: Ada amị!

1 Itimoti 6:16

Ọnị ịnyara chọchọchọ o reè yi mē sú nị. Ini ẹtohweyi ọnị ọ yà, ẹ yị nyị ọza ana zụ kà pee. Ẹ yị nyị ọza ene ree da, ayị rẹ nyị ọza ene zụ ree. Ọnị ọ nyị ụbanyị ọnịrị ụkata pooro zịna-zịna nị. Aamị.

1Ipita 1:17

Wàa mẹ̀ aduwa nịnị, ụụ̄ hị́ Ohomorihi: Nda, nịnị. Ohomorihi àaa mẹ̀ ọkarẹyị aza anka ịsị ẹ mẹ, ọ mā mẹ irikichi; agụvị avọọ, nyị angwahi Ohomorihi ịnị avaba ịsa ọnị ụ waa mẹ nịnị, ụ mẹ̀ vị ọzọga hi ẹhẹ nịnị booro aanị.

Ẹtore 4:11

Ananyị yị, ẹwa vị Ohomorihi ayị nị. Ẹwa nyị ụkata nị. Ẹwụ a vọrọ ka avaba aza ẹ̀ẹ sị igirima ọnịrị ụbanyịị yị nị. Ẹwa tụ́ avaba ịsa nị. Agụvị ka wâ vavọọ sì ọ, ụ tụ́ wa, dị ẹ yà ịzọọ nị.

Ẹtore 5:12

Di eyee nowuu kà a ka: Ozi atẹmẹ ọnọnị ana a vịdị wụ, ộ hụ ọọ dọ ụkata ẹtẹẹtẹrẹ ọnịrị ụbanyị beri ịrẹyọyẹ. Ộ nyị ụkata. Á vọrọ ka àa sị ụbanyị ọnịrị igirima beri ụgaa yọ!