Imatiwu 6:33 - IWE ỌNỊNỊ

³³ Ama we vidii sì ka Ohomorihi ọ̀ọ mẹ ịjọva tụra wụ nịnị ịrẹsụ da, dị ụ wa rẹẹ mẹ̀ ịsa ana vọrọ nịnị, ka ọ vaa sị avaba ịsa ana vọ aanịị tụ̀ ọọ yị wụ nịnị.

Imatiwu 6:33 ပူးပေါင်းရင်းမြစ်များ

1 Ohinọyị 17:13

Di Erija rẹ kà a yọ dị ọ ka, “Asị u hí angwa, vẹ, dị wa na mẹ ịsị mị kà. Na sị ịnị anị dị wa sị mẹ Ịbụrẹẹdị chee, dị wa sị ọ va mị da, dị wa va na mẹ̀ ẹ ẹwụrị ozi ewu.

Ahẹ Ụgama 112:3

Ẹngụ aza ẹnẹẹ vị ana vaa nyị oguu gwẹtẹ ini eehi, oyi vee re osiye pooro.

Ahẹ Ụgama 37:25

M mẹ̀ hụrẹ vị ozweyi pooro dị mị maanị vịra aanị meè yi re da ka Ẹnẹyịmavara ô hi ayị ọza ana aa mẹ̀ ebira ana vọrọ vị ana aa mẹ ẹyịza e mē che eyi Ezi ẹngụ aza ẹnẹẹ vi oni ọ vee zee yị

Ahẹ Ụgama 37:3

Sị ayị tụra Ẹnẹyịmavara, dị waa mẹ̀ ebira ene zoza Tangwa ra ịnị ẹtẹ ọnị ọ sị wụ dị asị a nyị ịsị ẹ mẹ̀ wụ.

Ụhịrẹyị 10:3

Ẹnẹyịmavara ọ yị vaa zẹ ka ụngwẹ ọ kụ aza ọyịza, ama ọ yị vaa zẹ ka ọza ọhịmị ọ re ịsị e yee si.

Ụhịrẹyị 28:10

Aza enee vene ọnịzẹyịza ka ọ mẹ̀ ebira odivi vị ana vaa hyẹdụ ngụ ịrẹpa ọnị ọ va, ama ọnịzẹyịza vị ọnị o vee zee yị.

Ụhịrẹyị 8:18

Ọnị ọ̀ sị ogu ọnịrị ụbanyị yị ọza nị. Ọnị ọ rẹ mẹ ka ọza ọ̀ ka tụ ọvịdị, dị òo zee yọ nị.

Ịrẹyị Ọzwọzịsa 10:2

Ọza ana yẹ ịrẹyị vị ana ayị anị mẹ ka ọọ̄ mẹ̀ ebira ana vọrọ; ama ọnụra vị anaā mẹ akụvị.

Ayịsaya 26:9

Màa sụ, màa ha, ayị amị vị ana yà ịda awụ. Ịhị wàa raà mẹ̀ ọkarẹyị yị anẹhẹ, ẹnịnị vaa yẹ ebira ana vọrọ.

Ayịsaya 33:6

Ẹngụ avaba aza vaa vọ di o hunẹnẹ ịnị ụmẹ awụ. Wàa sị ụbanyị yị Ẹnẹyịmavara, ọ vaa mẹ ka ọ̀ dọ wụ há, dị ọ rẹ mẹ ka wa yẹ ịrẹyị nịnị ẹtẹẹtẹrẹ. Ogu avaba ẹnẹẹ vaa vịị yị wụ nị.

Ayịsaya 45:24

Avaba aza vaa kà a ka ịda anị kẹnẹ ọza zụ re ịzẹyịza ọnịrị ụkata nị. Ama aza ana nyị ịhyẹrẹ anị vị ọnị ụhị vaa nyị.

Ijeremaya 23:6

Ịjị ọọ raa rị ohinọyị, ẹngụ anị Ijuda nịnị vee hi ahị, dị Anisirẹrị nịnị nyị ẹngwọọrọ. Ịrẹha anị ọ vaa rị Ẹnẹyịmavara ọ vị Amẹtẹrẹ Ayị nị.

Imatiwu 19:28

Dị Ijeesu kà a yị wa ka, “Ịzẹyịza m maa kà a wụ nịnị nị, ẹwụ nịnị ana aa dụ mịị zị aanị, ịjị àa sị ẹhẹ vara ọwọọwa, dị ẹmị Ozi ọza onigirima sị yaayịtẹ ị́rẹsụ aga ohinọyị amị nị, ẹwụ nịnị rẹ vaa yaayịtẹ ị́rẹsụ aga ohinọyị ẹwụrẹva, dị waa mẹ̀ ọkarẹyị tụ́ ịrẹsụ Anisirẹrị ana vị ịrẹsụ ẹwụrẹva nịnị.

Imatiwu 19:29

Ọza ọ̀ọ navọ irehi anị, àa vị ẹyịnyara anị anọrụ, àa vị anẹẹ, ọ̀ọ navọ ada anị, àa vị ọnyị anị, ọ̀ọ navọ ose anị, àa vị ezi anị, ọ̀ọ navọ aarẹ tịtẹ agụvị ịrẹha amị, Ohomorihi rẹ vaa sị ịsa ene huna avọọ oze ẹchẹhị-ẹchẹhịị sí ọọ atọ, dị ọza ọnọọ rẹ yàra pooro zịna-zịna.

Imatiwu 3:2

Dị ọ ka: aza è ro ịnẹ varẹma hụụnị ebira odivi ẹnịnị, agụvị ka ụmẹ ọnị Ada ayị ẹbẹẹba vaa sị mẹ ịjọva aa gụrị ẹtẹ nị.

Imatiwu 4:17

Hụrẹ ụmẹ ọnọọ, dị Ijeesu nyima dị aa kà ịrẹyị Ohomorihi nị. Dị ọ ka, “Ro ịnẹ varẹma hụụnị ịvị awụ nịnị, agụvị ka ụmẹ ana Ada ayị ẹbẹẹba vaa sị mẹ ịjọva aa gụrị ẹtẹ.”

Imatiwu 5:6

Aza ene enyi aa kụ̀, dị ụngwẹ aa kụ̀ ka ẹnị ẹ̀ zụ mẹ ịzẹyịza vaa daa jẹ, agụvị ka Ohomorihi vaa vayị ẹnịnị.

Iruuku 1:6

Ẹnị ẹyịva vị ọnịzẹyịza ini eyi Ohomorihi, dị ẹ rẹ yaa saasa avaba ọda Ohomorihi nị. Ẹnịnị ẹ yị sị ahụ jị ọchị nyee vụrụ-vụrụ.

Iruuku 12:31

Ama wee sì ka Ohomorihi ọ̀ọ mẹ ịjọvaa tụra wụ nịnị, ka ọ vaa sị avaba ịsa ana vọ aanịị tụ́ ọọ yị wụ nịnị.”

Ịjọọnụ 5:4

 nyị anggẹẹrị ọnya aanị eneē chíi nọ ini enyi ọnọọ ịnị ụmẹ ẹnyị, dị ọ na vara a. Ọ̀ọ vavọọ sị ọọ vara, ọza tụra ọza ana àa vịdị ngụ ini enyi ọnọọ, ịsa tụra ịsa ana àa zị ọọ vị ana aa ta.]

Ịjọọnụ 6:27

Asị ụ rẹ̀ dụ ịsọyịrị eneē du nịnị! Ama waa dụ ịsọyịrị ene è yi mē du nịnị, dị ọọ̄ mẹ̀ ka ọza ọ̀ yàra ị́dị Ohomorihi pooro zịna-zịna. Ẹngụ ịsọyịrị ọnọọ ẹ́mị Ozi ọza onigirima vaa sịị wụ nịnị nị. Ẹmị Ozi ọza onigirima Óhomorihi sị ụvọ tụ́ ọọ ka ọ̀ vavọọ mẹ nị.”

Odeyi 20:25

“Ma raà na kà enube ọyịza yị avaba awụ nịnị ka Ohomorihi ọ vị ohinọyị nị. Mâ yẹ ka we mē vene kuku re mi nịnị.

Odeyi 28:31

Aa kà ịrẹyị, Óhomorihi mẹmẹ aa mẹ ịjọva, dị ọ raa sị ịrẹyịị zụ̀ wa ini oze Ijeesu nị. Aa sị ọtụtụrụma kà ịrẹyị, ẹ yị nyị ọza ana dọ ọ oro.

Aniroomi 1:17

Ini oze enube ọyịza, Ohomorihi ộ sị zụ̀, ọ mẹmẹẹ̄ mẹ ka aza ẹ̀ vị ọnịzẹyịza. Avaba anị ộ jẹẹ tụ́ ịrẹsụ ka ọza ọ̀ sị ayị tụra Ohomorihi hụụnị oyinyima ne tù ẹzẹtẹ; anka a mẹ̀ vịdị chẹrẹ ẹ tụ́ ini Iwe Ohomorihi ka: Aza ana vị ọnịzẹyịza (ini eyi Ohomorihi) vaa yàra, agụvị ka ệ sị ayị tụra a.

Aniroomi 10:3

Ẹnịnị ẹ yị yẹ, Óhomorihi mẹmẹẹ̄ jị ịhị yị ọza. Ẹnị ee sì ka ẹnị ẹ̀ zị oze ẹ́ẹngụ ẹnịnị mẹẹ. Ẹ yị zẹẹ ka ẹnị ẹ̀ saasa oze oni Ohomorihi ọnịị̄ zịị jị ịhị yị ọza.

Aniroomi 14:17

Ohomorihi àaa mẹ ịjọvaa tụra ọza, ayị vị ịrẹyị ịsọyịrị ọnịrị oyihú kẹnẹ, ẹẹ̄ sị ayịị tụ́ ịnị anị. Ama ẹnịnị vị eneē sì ka ẹnị ẹ̀ẹ mẹ̀ ịsa ana vọrọ, dị ẹ̀ nyị ẹngwọọrọ beri ịrajẹ ọyịjẹ. Ụhwẹ Ọnịnị ọọ̄ sị ịsa ẹnẹnịị yị aza nị.

Aniroomi 8:31

Sị ị kụkụ vaa kà booro aanị? Ohomorihi ọ̀ọ yà yị ịrẹma, ẹnẹ kụkụ zụ kwẹẹtẹ tù yi?

1 Anịkọrịntị 1:30

Ohomorihi ọ raà sị wụ nịnị ka ẹwụrị Ijeesu Ikirisiti ọ̀ vị ọnya nịnị. Ohomorihi ọ rẹ raà mẹ ka Ikirisiti ọ̀ vị ịrẹyọyẹ ayị. Ikirisiti ọ jị ịhị yị ọ́vịdị Ohomorihi nị, ọ sị yị vara aza ọnịnị Ohomorihi, ọ rẹ sị yị hị́ varẹma hụụnị avaba ịsa edivi.

1 Anịkọrịntị 3:22

ọ̀ọ vị Ịpọọrụ, ọ̀ọ vị Aporo, ọ̀ọ rẹ vị Ipita, ọ̀ọ vị ịsa ịrẹma ụhwọọ, ẹwụ nịnị ọ nyị avaba ịsa ẹnẹẹ nị.

2 Anịkọrịntị 5:21

Ikirisiti ọ yị mẹ ịvị vụrụ-vụrụ. Ama Ohomorihi ọ́ hụ agụvị ayị vara ọnị ụvọta ịvị, agụvị ẹyịrị ọọ ọ̀ zụ vị ọnya, dị ya zụ nyị tụ́ ịnị ịzẹyịza Ohomorihi.

Anihwiripi 3:9

Mee sì ka ẹmịrị ọ ọ̀ yị vabẹ. Mé yi kuku si ka aa hị́ mị ọnịrẹyịzẹyịza ini oze ka maa sị ayị tụra ọda. Ama mee sì ka àa hị́ mị ọnịrẹyịzẹyịza ini oze ka maa sị ayị tụra Ikirisiti. Ẹngụ ịzẹyịza ọnọọ, Ohomorihi ọọ̄ sị yị ọza ana sị ayị tụra a nị.

2 Anịtẹsaronika 1:5

Wee re ka ịrẹyị awụ nịnị ọnọnị aa sịị zụ̀ ka Ohomorihi vị anaā mẹ̀ ọkarẹyị ịrẹyịzẹyịza? Ọdịrẹma ịsa ẹnẹnị ọ vị ka Ohomorihi aa mẹ wụ nịnị ka wa vọrọ tụra ịzị ọnị yà aa mẹ ịjọva, ọnị ụ maanị hụ ụvọ anị aa rị ụya nịnị aanị nị.

1 Itimoti 4:8

Ọza èee tenyi ọchẹngụ anị, ọ́ọ nyị ọgụ chee. Ama ọza èee tenyi ebira ini oze ene zé Ohomorihi eyi, ọ́ọ nyị ọgụ ini oze tụra oze; agụvị ka ọ vaa mẹ ka ọza ọnọọ ọ̀ ra ẹhẹ obooro ịnị ẹhẹ ọnọnị ọnịrị ịnị ẹhẹ ana aa vẹ.

2Ipita 1:1

Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.

2Ipita 1:11

Ọsọnị ọ vaa mẹ ka we ré oze ngụ ịzị Ijeesu Ikirisiti Ananyị yị ọnịrị Ọdọzaha ayị yà aa mẹ ịjọva, dị ụ yà ịzọọ pooro zịna-zịna nị.