Imatiwu 6:28 - IWE ỌNỊNỊ

²⁸ Sị ẹ vẹ dị ụ waa mẹ ariro agụvị awuru nịnị? Ro ịrẹyị ododo ene hi ịnị avị, ẹ mẹmẹẹ̄ hụ! Ẹ mā mẹ akanya ka vi eni ee hí ịta nị.

Imatiwu 6:28 ပူးပေါင်းရင်းမြစ်များ

Ihoseya 14:5

Ọnị vaa ya yị Anisirẹrị nịnị anka orihi ini ẹtẹ ọyịwụ avọọ nị. Ẹnịnị vaa ha anka ododo, di e hi ẹpa anka ọchị ini iruku Ịrẹbanọnị avọọ nị.

Imatiwu 10:10

Wàaa na nịnị, asị ụ za ampo nịnị! Asị ụ rẹ za awuru gụ ẹẹva nịnị, asị ụ rẹ za adava nịnị! Asị ụ hyakụ za okutẹ nịnị! Â vọrọ ka à sị ịsọyịrị yị aza ana aa mẹ̀ ụkọrọ.

Imatiwu 6:25

Agụvị avọọ dị ma kà a wụ nịnị ka, asị ụ rẹ̀ mẹ ariro ini oze ẹhẹ awụ nịnị ka, sị ụ vaa rị kẹ, à vị ka si u vee hú. Asị ụ rẹ̀ rẹ mẹ ariro agụvị ọchẹngụ awụ nịnị ka si u ve sii kú ẹngụ nịnị. Aanịka ụhwẹ ọza o yi huna ịsọyịrị, à vị ẹngụ ọza o yi huna ịta?

Imatiwu 6:27

Ẹnẹ nyẹngụ sị ariro ọyịmẹ̀ dà ụvọ ọnya tụ́ ịnị ụgọdọ anị ịnị ẹngụ awụ nịnị?

Imatiwu 6:31

Agụvị avọọ asị ụ rẹ̀ mẹ ariro nịnị ka: ‘Sị ị vaa rị?’ À vị ka, ‘Si i vee hú’ ọnịrị ‘Si i ve sii kú ẹngụ?’

Iruuku 10:41

Dị Ijeesu tụ́ ohi, dị ọ kà a yọ ka, “Ịmata, Ịmata, ayị awụ ọ yị nẹtẹ, wee ro ịrẹyị ịsa ọrụrụ-ọrụrụ.

Iruuku 12:11

Ịhị àa za wụ nịnị nọ ini irehi Ohomorihi, àa vị ini ikootu, àa vị ịdị aza ana nyị ọda, asị u ne ro o nịnị ka u mè vee tụ́ ohi, à vị ka sị ụ vaa kà kẹ!

Iruuku 12:22

Dị Ijeesu kà a yị ezirẹma anị ka, “Asị ụ rẹ̀ mẹ ariro ini oze ẹhẹ awụ nịnị ka sị ụ vaa rị kẹ! Asị ụ rẹ mẹ ariro agụvị ọchẹngụ awụ nịnị ka si u ve sii kú ẹngụ nịnị!

Iruuku 12:27

“Wee re ododo nịnị, ẹ mẹmẹẹ̄ hụ! Ẹnịnị ẹ mā ngwẹ owu, e mē re hí ịta. Dị ma kà a wụ nịnị ka, Isoromọnị ộ nyị ụbanyị obodaasụ, ama ọ yị nyị ịta ene zoza anka ọnya ini ododo ẹnẹẹ.

Iruuku 3:11

Dị Ịjọọnụ tụ́ ohi, dị ọ kà a yị wa ka, “Ọza ana àa nyị awuru ẹẹva, ọ̀ sị ọnya yị ọza ẹnẹ ẹ̀ yị nyị! Ọza ana àa rẹ nyị ịsọyịrị, ọnị ọ̀ rẹ dà yị ọza ẹnẹ ẹ̀ yị nyị!”

Anihwiripi 4:6

Asị ụ và ayị awụ nịnị zi agụvị ịrẹyị ịsọnyị-ịsọnyị. Ama ịsị wèee sì nịnị, kà a yị Ohomorihi nịnị. Waa mẹ̀ aduwa ọnịrị ịpọda nịnị, dị ụ wa rẹ kụ́ Ohomorihi avọọ tụ́ ọ nịnị.

1Ipita 5:7

Sị avaba ariro awụ nịnị chire Ohomorihi ụvọ, agụvị ka ọ́ọ sị ịrẹyị awụ nịnị tụ́ ịnị ayị anị.