Imatiwu 6:22 - IWE ỌNỊNỊ

²² “Eyi ọ vị ẹtohweyi yị ẹngụ ọza nị; eyi ọza òo zoza, ẹtohweyi vaa ngụ ịnị avaba ẹngụ anị.

Imatiwu 6:22 ပူးပေါင်းရင်းမြစ်များ

Ayịsaya 5:20

Wa sị dà nịnị, ẹwụ nịnị ana ka ịsa odivi ọ kụkụ vị ịsa ozoza, dị ịsa ozoza ọnị kụkụ vị ịsa odivi nị. Wa raà sị ịrahụ vara ọọdụ, dị ụ sị ọọdụ vara ịrahụ nịnị nị. Ụ ka ịsa ene hine ọnị kụkụ vị ọnyịrẹyị nị.

Imatiwu 5:15

Ọza o mē hú ozotupa, dị ọ sị ịchacha kú ọọ; ama ịzị aā sị ozotupaa gẹ, aa sị ọọ gẹ nị. Dị aa sị ẹtohweyi yị avaba aza ana yà ini eehi.

Odeyi 2:46

Eyinị-eyinị ẹ sịị̄ kụ́ gụ ini irehi Ohomorihi ịnị ayị ọnya nị. Di e dudu aa rị ịsaa vaabẹ ini eehi ẹnịnị, dị ẹyaa sị ịrajẹẹ gà ịsọyịrị ẹnịnị nị. Ệ sị ọọ rọ ẹngụ ẹnịnị ẹngụ.

2 Anịkọrịntị 11:3

Angwa ee hí mi ka, asị a na vara wụ nịnị ayị, anka ẹwụ ọnọọ mẹ̀ sị ọbọ vene Iivi ịyẹẹyẹ avọọ. Dị ụ kụkụ sị va, dị ụ wẹ yị kụkụ sị avaba ayị yị Ikirisiti, ọnị ụ vịdị aa sị ịzẹyịzaa saasa nịnị.

Anẹhwẹsọsị 6:5

Ẹwụ nịnị ezi ahụ, waa wụ́ ịrẹyị aza ana vị ọga awụ nịnị ịnị ẹhẹ ọnọnị! Sị ụbanyị yị wa, dị ụ wa nyị angwahi ẹnịnị! Waa sị ayị ọnyaa mẹ ụkọrọọ yị wa nịnị, anka ụ mẹ̀ yaanị mẹ yị Ikirisiti nịnị!

Anikorasi 3:22

Ẹwụ nịnị ezi ahụ, avaba ịsị ọga awụ nịnị ẹ́hẹ ọnọnị ọ̀ọ kà a wụ nịnị, waa wụ́ nịnị Asị a hị́ ka wèe re wa nịnị kẹnẹ, ụ waa wụ́ ịrẹyị ẹnịnị anka omeyọza avọọ nị. Ama waa sị ayị ọnyaa mẹ̀ ụkọrọ anka ọ mẹ̀ vọrọ tụra ọza ana nyị angwahi Ohomorihi.