Imatiwu 6:20 - IWE ỌNỊNỊ

²⁰ Ama kụ́ ogu tẹ yị ẹngụ awụ nịnị ẹ́bẹẹba ịzị ikere ẹ̀ yị zụ rị ọ, di è yi re zụ kú ụrẹ, di oyi nịnị ẹ̀ yị rẹ zụ na chaka irehi di è ne yi ọ!

Imatiwu 6:20 ပူးပေါင်းရင်းမြစ်များ

Ayịsaya 33:6

Ẹngụ avaba aza vaa vọ di o hunẹnẹ ịnị ụmẹ awụ. Wàa sị ụbanyị yị Ẹnẹyịmavara, ọ vaa mẹ ka ọ̀ dọ wụ há, dị ọ rẹ mẹ ka wa yẹ ịrẹyị nịnị ẹtẹẹtẹrẹ. Ogu avaba ẹnẹẹ vaa vịị yị wụ nị.

Imatiwu 19:21

Dị Ijeesu kà a yọ ka, “Wèe sì ka wa gụ, na ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịda Ohomorihi. Dị ụ wa vẹ, dị ụ wa vaa dụ mịị zịịzị!”

Imatiwu 6:19

“Asị ụ kụ́ ogu tẹ yị ẹngụ awụ nịnị ịnị ẹhẹ ịzị ikereē rị ọ, di o reē kú ụrẹ, di oyi rẹ zụ chaka irehi di e ne yi ọ!

Ịmaakị 10:21

Ijeesu ô re ọnọrụ ọnọọ pooro, ô sì ịrẹyị anị, dị ọ kà a yọ ka, “Ọ sị vọ ịsa ọnya chọchọchọ ana a vọrọ ka wa mẹ: Na, ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịdị Ohomorihi, dị ụ wa vẹ, dị ụ wa vaa dụ mịị zịịzị!”

Iruuku 12:33

Ná ịsa ọnị ụ nyị, dị ụ wa sị mẹ onosiye nịnị ẹyịza! Mẹ asụnụ ene è yi mē bo yị ẹngụ awụ nịnị, dị ụ wa sị ogu awụ nịnị tẹ tụ́ ẹbẹẹba! Ịzọọ, ẹnịnị e yi zụ vú, oyi ọ yị zụ nọ ịzọọ, ikere o yi re zụ ne du ọọ.

Iruuku 18:22

Ịjị Ijeesu maanị wụ́ ọọ, dị ọ kà a yọ ka, “Ọ sị vọ ịsa ọnya chọchọchọ ana a vọrọ ka wa mẹ: Na, ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịdị Ohomorihi; dị ụ wa vẹ, dị ụ wa vaa dụ mịị zịịzị!”

1 Itimoti 6:17

Aza ana vị ọzọbanyị ịnị ẹhẹ ọnọnị, hú wa ụvọ ka asị ẹ na mẹ eyi! Kàa ka asị ẹ na sị eyi tụra ụbanyị ana ahịka ọ mā za jẹẹ! Ama kà a ka ẹ̀ sị ayị tụra Ohomorihi anaā mẹ ẹyịza! Ọnị ọọ̄ sị avaba ịsaa yị ka ya sịị mẹ inohine.

1 Itimoti 6:19

Ẹ̀ẹ vavọọ aa mẹ, dị ẹyaa kụ́ ịsaa tẹẹ yị ẹngụ ẹnịnị ana ahịka ọ vaa vị ịsa ẹtẹẹtẹrẹ yị wa ụhwọọ, agụvị dị ụvọ ẹnịnị ò zụ kú ẹhẹ obooro.

Anihiburu 10:34

Wê pe anịnẹngwa rị ụya nịnị. Wáa sị inohine dọ ka aza ẹ̀ dọ wụ ogu awụ nịnị, agụvị ka wáa yẹ nịnị ka wáa nyị ogu ene zoza hu avọọ tụ́ ẹbẹẹba nịnị ene è yi mē du.

Anihiburu 11:26

Ô ro ka ọza òo sị eyi wụ̀ ọza agụvị Ikirisiti, ọ́ọ nyị ụbanyị huna avaba ụbanyị ene hi Ijipiti, agụvị ka Imosiisi ọ́ọ sị eyi tụ́ ịnị ọgụ ana aa vẹ ị́rẹma.

Ijemiisi 2:5

Ẹwụ nịnị ẹyịnyara amị oni mi sì, batọ nịnị oo! Wáá yẹ ka onosiye ene hi ịnị ẹhẹ ọnọnị Óhomorihi nyị ka ẹ̀ sị ayị tụraa, dị ẹ̀ nyị ụbanyị obooro nị, dị ẹ̀ rẹ nyị tụ́ ịnị ịjọva anị? Ohomorihi ộ kà a ka ẹ́ yị zụ nyị ka ọnị ọ yị vaa sịị yị aza ene sì ịrẹyị anị.

1Ipita 1:4

Ị rẹ vaa dọ ẹyịza oni Ohomorihi sị tẹ tụ́ ịnị ihinẹba yị aza anị. Ẹ yị nyị ịsị e zụ du ẹyịza ẹnẹẹ vụrụ-vụrụ, ẹ yị ma rẹ sa.

1Ipita 5:4

Ijeesu Ikirisiti ọ vị ohirẹsụ aza ana aa tẹsị aza Ohomorihi nị. Ịhị ọ̀ sị ẹngụ zụ̀, ọ vaa sị ẹyịza ana nyị ụbanyị ẹnẹ ẹ̀ yị ma sa yị wụ nịnị.

Ẹtore 2:9

Mâ yẹ ụya ọnị waa rị ọnịrị osiye oni u wee re; ama àa ka à na kà, wá nyị ịsa nịnị. Mâ yẹ ịrẹyị odivi ana aza ana ka ẹnị vị Aniju aa kà. Ama ẹnịnị ẹ yị vị Aniju, ezirẹma Echu ẹ̀ vị nị.