Imatiwu 6:19 - IWE ỌNỊNỊ

¹⁹ “Asị ụ kụ́ ogu tẹ yị ẹngụ awụ nịnị ịnị ẹhẹ ịzị ikereē rị ọ, di o reē kú ụrẹ, di oyi rẹ zụ chaka irehi di e ne yi ọ!

Imatiwu 6:19 ပူးပေါင်းရင်းမြစ်များ

Ijoovu 24:16

Ịrahụ dị oyi nịnị aa chaka irehi ne yi oyi, ama dị ẹ tẹ ọọdụ.

Ijoovu 31:24

Mẹ yị sị ayị tụra ẹkẹhị amị, à vị ka me che ayị za ẹkẹhị ọnị mị nyị.

Ahẹ Ụgama 39:6

nyị ịsị ẹhẹ ọza vị vụrụ-vụrụ ộ. Vi ee zwee vàa chii vàa hịrẹ kẹnẹ nị Ọ̀ọ gụ ogu gụ, ọ yị yẹ ọza ana vaa rị ọ.

Ahẹ Ụgama 62:10

Ịsa ọnị waa mẹ ọza eyi ịngwẹngwẹẹ dọ avọọ asị ụ sị ayị tụra a ka u vaa sị mẹ ẹhẹ Asị ụ rẹ na sị ayị tụra a ka wàa sị ụkata-ụkata yi ọza Iisaka â nyị ịsa ozoza ọnị ụ vaa sị ẹngụ ịsa ẹnẹẹ mẹ, ogu awụ ọ̀ọ daka aa rụrụụ hu avọọ, asị ụ sị ayị tụra a.

Ọyịkụra 22:2

Oyi àa chaka irehi ka ọnị ọ̀ ngụ ọ dị a nya a ịsa di o sú nị, ọza ana wụ̀ ọ ọ yị rị ịvị, agụvị ka vị ọ ka ọnị ọ̀ dọ ẹngụ anị tụ́ nị.

Ụhịrẹyị 11:4

Usu ọ̀ọ ngụ tụ ọza, ẹkẹhị anị ọ yị zụ dọ ọ ha ama ịzẹyịza kẹnẹ ọ zụ dọ ọza ha nị.

Ụhịrẹyị 16:16

Ọza ọ nyị ịrẹyọyẹ o zoza huni ka ọza ọ nyị ẹkẹhị nị.

Ịrẹyị Ọzwọzịsa 2:26

Ọza ana ayị Ohomorihi oo hine tù ọọ̄ sị ịrẹyọyẹ ọnịrị ayohinee yị, dị ọ mẹ ka ọ̀ yẹ ịsa nị, ama ọza odivi vị ọnị Ohomorihii mẹ ka ọọ kụ oguu gụ, dị ọ̀ va hụrẹ wa ụvọ yị ọza ene zee ọnị eyi. Ọsọnị bẹẹ rẹ vị osusu, vị ọza aa dụ ahị kẹnẹ nị.

Ịzẹhwanaya 1:18

Ịhị Ẹnẹyịmavara aa kụ ayị hi wa, avaba ẹkẹhị ọnị ẹ nyị ọ yị vaa dọ wa ha hụrẹ ẹ ụvọ. Ẹnẹyịmavara vị ana vaa sị ọyịkụ-ọyịkụ vu avaba aza ene hi ẹhẹ ẹtẹ. Dị ọ da ẹhẹ ẹnịnị ẹjịjị ịnị asigiri.

Imatiwu 19:21

Dị Ijeesu kà a yọ ka, “Wèe sì ka wa gụ, na ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịda Ohomorihi. Dị ụ wa vẹ, dị ụ wa vaa dụ mịị zịịzị!”

Imatiwu 6:20

Ama kụ́ ogu tẹ yị ẹngụ awụ nịnị ẹ́bẹẹba ịzị ikere ẹ̀ yị zụ rị ọ, di è yi re zụ kú ụrẹ, di oyi nịnị ẹ̀ yị rẹ zụ na chaka irehi di è ne yi ọ!

Iruuku 12:21

Avọọ ọ mẹ̀ vaa yàa yị aza anaa kụ́ ịsaa gụ yị ẹngụ ẹnịnị kẹnẹ, dị ẹ̀ yị nyị ịsị ẹ nyị ini eyi Ohomorihi nị.”

Iruuku 12:33

Ná ịsa ọnị ụ nyị, dị ụ wa sị mẹ onosiye nịnị ẹyịza! Mẹ asụnụ ene è yi mē bo yị ẹngụ awụ nịnị, dị ụ wa sị ogu awụ nịnị tẹ tụ́ ẹbẹẹba! Ịzọọ, ẹnịnị e yi zụ vú, oyi ọ yị zụ nọ ịzọọ, ikere o yi re zụ ne du ọọ.

Iruuku 12:39

Dị ụ wa yẹ nịnị ka adarehi ọ̀ọ yẹ ụmẹ oni oyi vaa sị vẹ, vị ọ yaanị ee sere ẹtẹ nị, dị ọ yị zẹẹ ka oyi ọ̀ chaka ọnị irehi.

Iruuku 18:22

Ịjị Ijeesu maanị wụ́ ọọ, dị ọ kà a yọ ka, “Ọ sị vọ ịsa ọnya chọchọchọ ana a vọrọ ka wa mẹ: Na, ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịdị Ohomorihi; dị ụ wa vẹ, dị ụ wa vaa dụ mịị zịịzị!”

Iruuku 18:24

Ịjị Ijeesu vavọọ re e, ayị anị o si du, dị ọ ka, “Ọ vaa daa tụ́ akanyaa yị ọnyẹkẹhị nịnị kẹnẹ, dị ẹ̀ ngụ ịzị Ohomorihi yà aa mẹ ịjọva.

1 Itimoti 6:17

Aza ana vị ọzọbanyị ịnị ẹhẹ ọnọnị, hú wa ụvọ ka asị ẹ na mẹ eyi! Kàa ka asị ẹ na sị eyi tụra ụbanyị ana ahịka ọ mā za jẹẹ! Ama kà a ka ẹ̀ sị ayị tụra Ohomorihi anaā mẹ ẹyịza! Ọnị ọọ̄ sị avaba ịsaa yị ka ya sịị mẹ inohine.

Anihiburu 13:5

Asị ụ zẹẹ ka wa họ́họ̀ha ẹkẹhị ịnị ẹhẹ awụ nịnị! Ama re ka ịsị ụ wàa nyị, ọ́ọ vavọọ hụ wụ nịnị! Wáa yẹ ka Ohomorihi ọ sị ọọ kà ka ọnị ọ yị vaa navọ wụ nịnị tịtẹ, ọnị ọ yị rẹ vaa sị ayịị hụụnị ịrẹyị awụ nịnị.