Imatiwu 5:45 - IWE ỌNỊNỊ

⁴⁵ Wa vavọọ mẹ agụvị dị è re ka ezi Ada awụ ẹbẹẹba ụ vị nịnị nị, agụvị ka aa mẹ ka ọyị anị ọ̀ọ háa yị aza edivi ọnịrị aza ọyịza. Ọ raa zụ̀ orihii yị ọnịzẹyịza ọnịrị aza ẹnẹ ẹ̀yị nyị ịzẹyịza.

Imatiwu 5:45 ပူးပေါင်းရင်းမြစ်များ

Ijoovu 25:3

Ẹnẹ ka ọnị ọ zụ yẹ ịrịka ọkụrẹkụ Ohomorihi? Áá nyị ịzị ẹtohweyi anị ẹ yị zẹtẹ ne tu?

Ahẹ Ụgama 145:9

Ẹnẹyịmavara vị ana aa mẹ̀ ịsa ozozaa yị avaba aza. Avaba ọza ọnị ọ mẹ vị ọnị ọọ̄ vayị anị.

Ijeremaya 5:24

Ẹnẹyịmavara kà we yị ma daba ka a nịnị ka waa sị ụbanyị yị ọnị nịnị, ọnị anaa zụ̀ orihi yị wụ nịnị ịnị avaba ụmẹ, dị ọnị aa mẹ ka ịsị ịnị aarẹ awụ nịnị ọọ mẹ.

Imatiwu 5:9

Aza eneē sì ẹngwọọrọ vaa daa jẹ, agụvị ka Ohomorihi vaa hị́ wa ezi anị.

Iruuku 6:35

Ama sì ịrẹyị ọnịvị awụ nịnị, dị ụ waa mẹ ọyịzaa yị aza nịnị! Waa sị ịsaa rere ọza, ama asị u tụra eyi ka ụ vaa dọ ọ varẹma! Ịjọnọọ ọgụ awụ nịnị vaa banyị, dị ụ zụ vị ozi Ohomorihi ana aha ene hu keekere nịnị. Ọọ̄ ngụ ayị aza ẹnẹ ẹ̀ yị mā kụ́ avọ, ọnịrị aza edivi.

Ịjọọnụ 13:35

Wèe sì ịrẹyị ẹngụ nịnị, avaba aza vaa yẹ ka ezirẹma amị ụ vị nịnị nị.”

Odeyi 14:17

Ama aa yịị sịị zụ̀ wụ nịnị ka ọnị yà ịzọọ ini oze ịsa ozoza ọnị ọọ̄ mẹ̀. Ọọ̄ mẹ ka orihi ọ̀ọ zụ̀ụ hụrẹ ẹbẹẹba vẹ. Ịsa ịnị aarẹ aa mẹ ẹtẹẹtẹrẹ ịnị ụmẹ ẹnịnị. Ọọ̄ sị ịsọyịrịị wụ nịnị, ọ rẹẹ̄ mẹ ka ayị awụ nịnị òo hine.”

Anẹhwẹsọsị 5:1

Ezi Ohomorihi oni o sì ịrẹyị anị ụ vị nịnị nị. Agụvị avọọ, waa mẹ ebiraa véné ebira Ohomorihi nịnị.

Anihwiripi 2:15

Wa vavọọ mẹ agụvị asị ụ na nyị ohuvọ, dị ụ wa zụ nị nịnị. Ọnọọ ọ vaa mẹ ka wa zụ vị ezi Ohomorihi ẹnẹ ẹ̀ yị nyị ịsa odivi nị. Ụ mẹ̀ yà ịnị akakana anẹhẹ edivi ana ayị ẹnịnị ẹ̀ yị vọrọ aanị, áa vọrọ ka wa vị ẹtohweyi yị wa tụ́ ịnị ẹhẹ nịnị.

1 Ịjọọnụ 3:9

Ọza àa vị ozi Ohomorihi, ọ yị mā kụkụ mẹ ịvị, agụvị ka ebira Ohomorihi yà ịnị ayị anị. Ẹ yị nyẹngụ aa mẹ ịvị agụvị ka Ohomorihi ọ vị Ada anị nị.