Imatiwu 5:39 - IWE ỌNỊNỊ

³⁹ Ama ẹma kà a yị wụ nịnị nị ka, ọza ọ̀ọ mẹ wụ odivi, asị u sí ọ atọ! Ọza ọ̀ọ nya wụ arụhwọtọ eyi ụvọrị, rẹ vara eyi ọsa kà a bẹẹ.

Imatiwu 5:39 ပူးပေါင်းရင်းမြစ်များ

1 Ohinọyị 22:24

Di Izedekaya ozi Ikanaani tere pè Imikaya, dị ọ kụ́ arụhwọtọ hi ọ eyi nị. Dị ọ ka, “Ụhwẹ Ẹnẹyịmavara mẹmẹ zụ para mị hu, dị ọ̀ va kà ịrẹyị wụ?”

Ijoovu 16:10

Aza vị anaa sị ọnị mẹ enyinyi. Dị ẹ ọkọnị aza ana kara ọnị aa nya ọnị arịhwọtọ nị.

Ụhịrẹyị 20:22

Asị ụ kà a ka wee si atọ odivi ọnị ọza mẹ wụ, sị chire Ẹnẹyịmavara ụvọ, o vee si atọ yị wụ.

Ụhịrẹyị 24:29

Asị ụ kà a ka wee si atọ ịsị ọza mẹ wụ; Ịsa ọza ọ̀ọ sị mẹ wụ, ẹwụ raa sị mẹ̀ ẹ nị.

Ayịsaya 50:6

Ọnị ộ navọ ịrẹma yị aza ene tu ọnị, dị ọnị navọ eyi tịtẹ yị wa di e yee tura ọnị ịrẹwa, dị ẹ yaa jị achị kú ọnị, dị ẹ yaa kụ̀ ọnị ụhụ nị.

Arụwẹ 3:30

Àa daka à nyị ayị arụhwọtọ dị aa kụ yị ụhụ nị, ya sị ẹngụ dọ ọ.

Ireevi 19:18

À sị ẹ na họ̀ oponu ịrẹyị ka ọza ọnyọọnyị na, à vị ka ẹ̀ sị ịrẹyị ọhịmị ọza ọnọọ tụ ịnị ịnẹ; ama ẹnịnị è sì ịrẹyị ọnọhụva anka é me sì ịrẹyị ẹngụ ẹnịnị. Ọnị ọ vị Ẹnẹyịmavara nị.

Imika 5:1

Ẹwụ nịnị Anijerusarẹmị kụ́ ẹnya ịrẹkụ nịnị ka ọnị ọ sị kara yị Wéē re ẹ mẹ̀ za ohinọyị Anisirẹrị dị ẹ yaa sị okutẹẹ nya a okura.

Imatiwu 5:40

Ọza ọ̀ọ hị́ wụ ịrẹka ini ikootu, dị ọ dọ wụ ọtịnịnẹ awuru nị, sị awuru awụ obooro yọ vakaa bẹẹ.

Iruuku 22:64

Dị ẹ sị ịsa kú ọọ eyi, dị ẹyaa họ̀ ọ ka, “Kà ẹ yị di a re ene ee tụ́ wu aanị?”

Iruuku 6:7

Dị ọzwọzọda ọnịrị Anihwarisi nịnị sị eyi pe Ijeesu gegege ka ahịka ọ vaa mẹ ọza ụkụ ịnị ẹkụhị ụhwọtụ nị, agụvị dị ẹ̀ nyẹngụ re ịrẹyị ẹnẹẹ vaa sị za Ijeesu.

Ịjọọnụ 18:23

Dị Ijeesu tụ́ ọ ohi, dị ọ ka, “Màa kà ịrẹyị odivi, sị zụ̀ mị! Ama àa vị ịrẹyị ana vọrọ mị kà nị, sị ẹ vẹ dị ụ waa nya mị arụhwọtọ?”

1 Anịkọrịntị 6:7

Ẹngụ ọnị ụ waa kụ́ụ nọ ikootu nịnị, ọ́ọ sị zụ ka wa raà sị ahị jị ọchị nyee nịnị. Àa vị ọza o sì wu ịrẹyị dị ụ sị ẹngụ dọ ọ nị, ọ́ọ vana dahi. Wàa rẹ dọ ka ọza ọ̀ mẹ wụ rị, ọ́ọ dahi.

1 Anịtẹsaronika 5:15

Re ka ẹ́ yị nyị ọza ana sị odivi si atọ odivi yị ọzọnyị-ọzọnyị. Waa mẹ̀ ịsa ene zoza ịnị akakana awụ nịnị, dị ụ wa rẹẹ mẹ̀ ẹ hi avaba ọza nịnị.

Anihiburu 12:4

Ụ màa sịị vụrị ka asị ụ mẹ̀ ịvị nịnị, oò yi ve tù ka à wụ̀ wụ nịnị tụ́ ịnị anị.

Ijemiisi 5:6

Aza ẹnẹ ẹ̀ yị nyị ịsị ẹ mẹ̀, wâ jị ịvị yị wa, wâ wụ̀ wa, ẹnịnị e yi tụ́ ohi.

1Ipita 3:9

Asị ụ sị odivi sí atọ odivi! Ọza ọ̀ọ kụ́ wụ ụhụ, asị ụ vàa yị ọ. Ama waa mẹ̀ aduwaa yị ọ. Wâ yẹ ka Ohomorihi ee sì ka ọnị ọ̀ mẹ wụ nịnị ẹyịza; agụvị avọọ ọ hị́ wụ nịnị nị.