Imatiwu 5:37 - IWE ỌNỊNỊ

³⁷ Wàa kà a ka ‘Hịịn’, ọ̀ vị hịịn; wàa kà a ka ‘Eyiye’, ọ̀ rẹ yị vị eyiye! Ịsị èe si huna ẹnẹẹ, ịdị Echu ọ hụrẹ vẹ nị.”

Imatiwu 5:37 ပူးပေါင်းရင်းမြစ်များ

Imatiwu 13:19

Ọza ọ̀ọ wụ́ ịrẹyị ịjọva Ohomorihi dị ọ̀ yị yẹ ịsị ọ wụ́ nị, di Echu vẹ, dị ọ va sị ịsa enee mi tụ́ ịnị ayị hụụ ịzọọ. Ọza ọnọọ vị ana yà anka ihu enee mi tụ́ ụtọ oze avọọ.

Imatiwu 13:38

Ẹhẹ ọ vị aarẹ ọnọọ nị. Ihu ozoza ọ vị ezi oni Ohomorihi aa mẹ ịjọva tụra nị. Ebe ẹnẹẹ ẹnị vị ezi Echu nị.

Imatiwu 15:19

agụvị ka ịnị ayị ọza áriro odiviī hụrẹẹ vẹ nị, anaā mẹ ka ọ̀ọ wụ̀ ọza, dị ọ̀ọ sẹ̀ ịrẹka, di òo yi oyi, di ò ree dọ ivenu ireche, di ò ree du ọza ịrẹsụ.

Imatiwu 5:36

Asị ụ rẹ sị ịrẹsụ awụ hyeku, agụvị ka wẹ yị zụ mẹ ka ẹyị awụ ikonya ọ̀ vị ọvwọọvụ, à vị ojooji!

Imatiwu 6:13

Asị ụ sị yị tụ ịnị ọyịzamare, ama dọ yị ha hụụnị ụvọ Echu. (Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)

Ịjọọnụ 17:15

Mẹ yị mẹ̀ aduwa ka wa kụ́ wa hụụnị ẹhẹ, ama mị ka wa sị wa tẹ hụụnị ụvọ Echu.

Ịjọọnụ 8:44

Ezi ada awụ nịnị ụ vị nịnị nị; ada awụ nịnị ọnọọ ọ vị Echu nị. Ịsa ana ada awụ nịnịị̄ sì kẹnẹ, ụ waa mẹ nịnị nị. Ọwọza ọ vị hụrẹ ụmọrụmọ nị. Ọ mā rẹ saasa ịzẹyịza, agụvị ka ẹ yị nyị ịzẹyịza ikonya ịnịnẹ anị. Èe cheeche, ebira anị aa mẹ avọọ nị, agụvị ka onireche ọ vị nị. Ọnị nyẹmba ọ vị ada ireche nị.

Anẹhwẹsọsị 4:25

Agụvị avọọ, asị u rè kuku cheeche nịnị! Ọzọza ọ̀ọ kà ịzẹyịzaa yị ọnọhụva anị, agụvị ka avaba ayị vị ọnya.

Anẹhwẹsọsị 6:16

Waa sị ayịị tụra Ohomorihi pooro nịnị! Ọnọọ vị ana rẹ sị mẹẹ anka ogonto ọnị ụ vaa sị dọ avaba ọpa ịra-ịra ene Echu ee ne nịnị.

Anikorasi 3:9

Asị ụ rè cheeche yị ẹngụ nịnị, agụvị ka wáa yẹ ka wa sị ebira awụ nịnị ịyẹẹyẹ hụrẹ ụvọ,

Anikorasi 4:6

Re ka waa sị ịrẹyọyẹẹ kà ịrẹyịị yị aza, dị ịrẹyị awụ nịnị òo hine aza. Ọza ana àa họ̀ wụ nịnị use ịrẹyị, yẹ ụ mẹmẹẹ tụ́ ọọ ohi nịnị.

2 Anịtẹsaronika 3:3

A zụ sị ayị tụra Ananyị yị. Ọ vaa sị ụkataa wụ nịnị, dị ọ dọ wụ nịnị tụ́ ịnị ụvọ Echu.

Ijemiisi 5:12

Ẹwụ nịnị ẹyịnyara amị, ịrẹyị obooro yị: Asị ụ sị ihinẹba, àa vị ẹhẹ hị́ eku! Asị a hyakụ nyị ịsị ụ sị hị́ eku vụrụ-vụrụ. Wâ kà a ka Hịịn, ọ̀ vị hịịn; wàa kà a ka Eyiye, ọ rẹ vị eyiye, agụvị asị Ohomorihi Ananyị yị na jị ịvị wụ nịnị.

1 Ịjọọnụ 2:13

Ẹwụ nịnị Ada, maa chẹrẹ iwe ọnọnịị tụ́ụ hi wu nịnị agụvị ka wa sị yẹ ọza ọnọọ ana yà ịzọọ dị a va yẹ ka aa mẹ ẹhẹ. Mị raa chẹrẹ iwee tụ́ụ hi ẹwụ nịnị ezwọọmụha agụvị ka wa sị echu huna nịnị.

1 Ịjọọnụ 3:12

Asị ị mẹ̀ ebira anka ọza ana aā hị́ Ikeeni. Ikeeni vị ozi Echu, dị ọ za ọyịnyara anị dị ọ wụ̀ ọ nị. Sị ẹ vẹ dị ọ wụ̀ ọ? Agụvị ka avaba ịsa ọnị Ikeeni aa mẹ, vị ịsa edivi; ama ọyịnyara anị vị anaā mẹ ịzẹyịza.

1 Ịjọọnụ 5:18

Yáa yẹ ka ezi Ohomorihi ọ mā kụkụ aa yịị mẹ ịvị, ama oō sere ẹngụ anị, dị Echu ọ́ yị nyẹngụ kanyị ọ.