Imatiwu 5:35 - IWE ỌNỊNỊ

³⁵ Asị ụ rẹ sị ẹtẹ hyeku, agụvị ka ịzị Ohomorihiī kụ́ ahụụ hi yọ nị! Asị ụ rẹ sị Ijerusarẹmị hyeku, agụvị ka ẹkụra Ohinọyị ọbanyị ọnọọ yọ nị!

Imatiwu 5:35 ပူးပေါင်းရင်းမြစ်များ

2 Ịtọpa 6:6

Ama booro aanị, ọnị ọ raà nyị Ijerusarẹmị ka ọ vị ịzị a vaa yaa hẹkẹ ọnị. Avọọ ọnị mẹ rẹẹ̀ nyị Idevidi ka ọ vị ohinọyị Anisirẹrị nị.

Ahẹ Ụgama 48:2

Ataba ọnọọ ộ nẹba ẹtẹẹtẹrẹ, avọọ o mè re zoza nị Ọnị aa mẹ ka avaba anẹhẹ ẹ̀ẹ jẹ nị. Ataba ọnọọ vị ana yà ẹbẹẹba huu ịnị ẹkụra oni Ohomorihi ana vị ohinọyị ene hu keekere yà.

Ahẹ Ụgama 87:2

Ô sì ịrẹyị Ijerusarẹmị huna avaba ẹkụra ana vọ ịzị Anisirẹrị nịnị ra.

Ahẹ Ụgama 99:5

Waā kụ́ Ẹnẹyịmavara ana vi Ohomorihi ayị, tana tụra ẹtẹ ọvịdị anị ịzị ọ yaayịtẹ agụvị ka ọnịnị ọ vị nị.

Ayịsaya 66:1

Ẹnẹyịmavara kà a, ẹbẹẹba vị aha ọyị yaatụ ohinọyị anị, dị ẹhẹ vị ịrẹhụ ọnị ọnị aa kụ́ ahụ hi nị. Ẹngụ irehi si è ro ka ẹnị ẹ zụ da yị ọnị kẹ? Ịzị ẹ vị aha ẹnẹ zụ da ka ọnị ọ ra kẹ?

Ịmarakayị 1:14

Ẹnẹyịmavara kà e yi ve zoza yị ọza ana mẹ ọza rị. Ọza ana nyị ịsụpa araka ozoza ana vọrọ ka ọ sị vaa mẹ̀ ịsọvọ, ama dị ahịka ene divi ọ sị va yị ọnị Ananyị yị nị. Ẹnẹyịmavara Ochẹtẹẹngụ ka ohinọyị ọbanyị ọnị avaba anẹhẹ ee hí angwa anị ọnị vị nị.

Imatiwu 5:36

Asị ụ rẹ sị ịrẹsụ awụ hyeku, agụvị ka wẹ yị zụ mẹ ka ẹyị awụ ikonya ọ̀ vị ọvwọọvụ, à vị ojooji!

Odeyi 7:49

Ohomorihi ka, ‘ẹbẹẹba vị aga ohinọyị anị, ẹhẹ vị ịzị aā kụ́ ahụụ hi, ọ ka ye re ẹngụ irehi ọnị ụ vaa dàa yị ọnị; ịzị ụ ka ọnị ọ̀ yà tụ́ ụhwọ́?’

Ẹtore 21:10

Dị Ụhwẹ Ọnịnị dọ avaba ayị amị, dị anggẹẹrị ọnọọ sị mị nọ ịrẹsụ ataba ọnya aanị ana nẹba ẹtẹẹtẹrẹ nị. Dị ọ sị ẹkụra ọnịnị ọnọọ zụ̀ mị, ana vị Ijerusarẹmị nị, o mèe chíi hụrẹ ẹbẹẹba ịda Ohomorihi vẹ.

Ẹtore 21:2

Ẹmị Ịjọọnụ, mée re ẹkụra ọnịnị ọnọọ ana vị Ijerusarẹmị ka ee chíi hụrẹ ẹbẹẹba ịda Ohomorihii vẹ. Di e tenyi ọọ ẹngụ anka ọnẹẹ anaa mẹ ọvị yị ọva anị avọọ nị.