Imatiwu 5:26 - IWE ỌNỊNỊ

²⁶ Ịzẹyịza mị kà a wụ nị, wẹ yị vaa jịnẹ hụụ ịzọọ, pooro di u we sí avaba ụta awụ ta.”

Imatiwu 5:26 ပူးပေါင်းရင်းမြစ်များ

Imatiwu 10:29

Wáá yẹ nịnị ka aara ẹẹva eepeni aa hị́ ọọ nị? Ẹ̀ yị vị Ada awụ nịnị ẹbẹẹba hụrẹ ụvọ, ẹ yị nyị ikonya ịnị ẹnịnị ana zụ hụrẹ tịtẹ.

Imatiwu 18:34

Ayị ọga anị aa dà ọva, dị ọ sị ọọ yị aza anaā sịị ụyaa rị ọza ka àa sị ụyaa rị ọọ pooro di ò sí avaba ụta anị.

Imatiwu 25:41

Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

Imatiwu 25:46

Dị aa kụ́ aza ẹnẹẹ ne hi ịnị ụyọrị ẹnẹ ẹ̀ yị mā ta pooro zịna-zịna, ama dị ọnịrẹyịzẹyịza nịnị ẹnị aa nọ ịnị ẹhẹ ẹnẹ ẹ̀ yị mā ta pooro zịna-zịna.”

Ịmaakị 12:42

Osoku onosiye ọnya aanị ộ vẹ, dị ọ sị anini ẹẹva tụ́ ịzọọ nị. Anini ẹẹva vị eepeni.

Iruuku 12:58

Ọza ọ̀ọ hị́ wụ ịrẹka, dị ọ sị wụ aa nọ ini ikootu nị, re ka ẹwụrị ọọ ộ mẹ̀ ọkarẹyị ẹngụ awụ nịnị, ụ màa yịị na óze nịnị, agụvị asị ọ sị wụ nọ ịdị ọmọkarẹyị, dị ọmọkarẹyị ọ̀ va na sị wụ́ chire iporisi ụvọ, di iporisi ọnị kụkụ sị wụ ne ngụ ịnị ẹngwa.

Iruuku 12:59

Dị ma kà a yị wụ ka wẹ yị vaa jịnẹẹ hụụ ịzọọ pooro di u we sì ịkọvọ ana àa vọ ịnị ẹkẹhị ana àa dà wụ.”

Iruuku 16:26

À hyakụ kụ́ ẹnẹẹ kwooze, ọbọbọ ọbanyị ọnya yà ịnị akakana ẹyịrị ẹwụ; agụvị ọza ana àa ka ọnị aa hụụ ịzẹnị vẹ ịdị awụ ịzọọ, asị ọ zụ vẹ; dị ọza ana àa rẹ ka ọnị aa hụụ ịzọọ vẹ ịdị ẹyị ịzẹnị, asị ẹnị rẹ zụ vẹ.’

2 Anịtẹsaronika 1:9

Ụya ẹnẹ ẹ vaa rị ọ vị ka ẹnịnị vee vú ẹtẹ pooro zịna-zịna, ẹnịnị e yi vee re eyi Ananyị yị ọnịrị igirima anị beri ụkata anị paa.

Ijemiisi 2:13

Ọza ẹnẹ ẹ̀ yị mā vayị ọza, Ohomorihi ọnị ọ yị rẹ vaa vayị anị, ịhị àaa mẹ̀ ọkarẹyị yọ. Ọza anaā vayị ọza, vee re ka ayamva Ohomorihi ọ vaa mẹ ka asị ọnị rị ịvị, ịhị Ohomorihi àaa mẹ̀ ọkarẹyị nị.