Imatiwu 5:24 - IWE ỌNỊNỊ

²⁴ navọ ẹyịza awụ tịtẹ ọ́vịdị ụta, varẹma ne pe ọnọhụva awụ ze da, dị ụ wa vavẹ, dị ụ wa va sị ẹyịza awụ yị Ohomorihi.

Imatiwu 5:24 ပူးပေါင်းရင်းမြစ်များ

Ijoovu 42:8

Ịzịịzọọ, ẹnịnị ẹ na sị ụnọ ịhịmba, ọnịrị ịdẹba ịhịmba ne tu Ijoovu, dị aa sị mè ịsọvọ ana aā rị ịra. Ẹnẹyịmavara kà ọnị vaa wụ́ aduwa ọnị Ijoovu ọ̀ọ mẹ̀ yị wa. Ọnị ẹ yị va mẹ̀ ụhị nyị wa anka ebira ẹnịnị. Ẹnịnị ẹ yị ka ịzẹyịza anka Ijoovu.

Ụhịrẹyị 25:9

Ẹwụrị ọza ọ̀ nyị ịrẹyị, mẹ̀ ọkarẹyị anị yị ẹngụ awụ nịnị dị asị ụ kụ ọ iruvo hi ẹhẹ.

Imatiwu 23:23

Wa sị dà nịnị. Ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Ụ hyakụ aa tụ́ agẹẹwụ avị ịsẹpẹ eweyi-eweyi irenyi-renyi; ama ịsa obooro ọnị ọda kà, wa raà sị eyi jịnẹẹ nịnị, ẹhụụ ọkarẹyị ana vọrọ ọnịrị ayamva beri ẹdọwụ. Â vọrọ ka waa mẹ ẹsẹnị nịnị, dị asị u hí ayị ana vọ nịnị.

Imatiwu 5:23

Agụvị avọọ, wàa sị ẹyịza aa nọ ịnị ụta naa yị Ohomorihi, dị ụ tamayị ka ọnọhụva awụ ee roo ka wâ mẹ̀ ọnị ịrẹyị nị,

Ịmaakị 9:50

Anọ ô hine, ama ọ̀ọ sị uhine anị ne ta, sị a kụkụ aa sịị vara a ka ò hine? Nyị uhine véné anọ nịnị, di u we dudu ra vabẹ ịnị ẹngwọọrọ nịnị!”

1 Anịkọrịntị 11:28

Agụvị avọọ, ọzọza ọ̀ zama ẹngụ anị re ẹtẹẹtẹrẹ, dị ọ̀ va rị Ịbụrẹẹdị Ananyị yị, dị ò re ve hú eche ọnọọ!

1 Itimoti 2:8

Mee sì ka avaba aha anọrụ ẹ̀ẹ mẹ̀ aduwa; ẹ̀ sị ayị ọnịnị sị ụvọ tụ́ ẹba, dị asị a nyị ọyịkụ ọnịrị ahankata ịnị ayị ẹnịnị!

Ijemiisi 5:16

Agụvị avọọ, dọ irenu ịvị awụ yị ẹngụ nịnị, dị ụ wa rẹ mẹ̀ aduwaa yị ẹngụ nịnị, agụvị Ohomorihi ọ̀ mẹ wụ nịnị ụkụ. Aduwa ọnịrẹyịzẹyịza ọ zụ mẹ ka ịsa ẹbanyị-ẹbanyị ẹ̀ mẹ.