Imatiwu 5:15 - IWE ỌNỊNỊ

¹⁵ Ọza o mē hú ozotupa, dị ọ sị ịchacha kú ọọ; ama ịzị aā sị ozotupaa gẹ, aa sị ọọ gẹ nị. Dị aa sị ẹtohweyi yị avaba aza ana yà ini eehi.

Imatiwu 5:15 ပူးပေါင်းရင်းမြစ်များ

Ọyịkụra 25:37

Dị ụ va mẹ ozotupa ịhịmba anị tụ́ ọ di u hu ịra tụ́ ọ dị ẹ̀ẹ zẹtẹẹ nọ ọvịdị.

Ịzakaraya 4:2

Dị ọ họ̀ ọnị ka sị ọnị ee re aanị? Dị ọnị tụ ọ ohi ka ọnị ee re ọchị ozotupa igooru ọnịrị ẹnya angwẹ ana ya ịrẹsụ anị beri ozi ịrakotupa ịhịmba ene hi ịrẹsụ anị ịzị ịra aa za hụrẹ.

Ịrịka 8:2

ọ ka yị Eerọnị o hù ịrakotupa ịhịmba gẹ ịnị ọchị anị agụvị dị ịra ọ sị ẹtẹ hweyi ọvịdị.

Ịmaakị 4:21

Dị Ijeesu rẹ ka, “Vị ọza wéé hu ozotupa, dị ọ sị ụnọkọ kú ọọ nị, à vị ka dị ọ̀ sị ọọ tụ́ uruvo ịbẹẹdị nị? Ẹ yị vị ịzị ẹ nẹba aā sị ọọ gẹẹ?

Iruuku 11:33

Dị Ijeesu ka, “Ọza o mē hú ozotupa, dị ọ sị ọọ tẹ, à vị ka dị ọ sị ụnọkọ kú ọọ tịtẹ. Vị aa sị ọọ gẹ ịzị ẹ nẹba, dị aza ana aa ngụ eehi vẹ ee sii re ẹtẹ nị.

Iruuku 11:36

Agụvị avọọ avaba ẹngụ ọza òo hweyi, dị ẹ̀ yị nyị ịrahụ ịnị anị nị, vị ọ vaa sị mẹẹ ozotupa anaa zẹtẹ òo rere và ọpa tụra ọza avọọ nị.”

Iruuku 8:16

Di Ijeesu ka, “Ọza o mē hu ozotupa, dị ọ sị ụnọkọ kú ọọ, à vị ka dị ọ̀ sị ọọ tụ́ iruvo ịvẹẹdị. Ịzị aā sị ozotupaa gẹ, aa sị ọọ gẹ nị, agụvị aza ana aa ngụ eehi, è zụ re ẹtohweyi.

Anihwiripi 2:15

Wa vavọọ mẹ agụvị asị ụ na nyị ohuvọ, dị ụ wa zụ nị nịnị. Ọnọọ ọ vaa mẹ ka wa zụ vị ezi Ohomorihi ẹnẹ ẹ̀ yị nyị ịsa odivi nị. Ụ mẹ̀ yà ịnị akakana anẹhẹ edivi ana ayị ẹnịnị ẹ̀ yị vọrọ aanị, áa vọrọ ka wa vị ẹtohweyi yị wa tụ́ ịnị ẹhẹ nịnị.

Anihiburu 9:2

 nyị ajẹngụ ana a vịdị jị. Aā hị́ eyi ẹhẹ anị Aha Ọnịnị. Ịsa ana a kụ́ hi ịzọọ, yị: ozotupa ọnịrị iteevuru beri Ịbụrẹẹdị ana a sị va yị Ohomorihi.

Ẹtore 2:5

Tamayị ịzị ụ yà nyeeyi nịnị. Ro ịnẹ varẹma, dị ụ waa mẹ ịsị ụụ̄ vịdịị mẹ nịnị! We yi ro ịnẹ varẹma nịnị, m maa vẹ dị mị va sị aha ozotupa awụ nịnị hụrẹ aha anị nị.