Imatiwu 5:14 - IWE ỌNỊNỊ

¹⁴ Ẹwụ nịnị ọ vị ẹtohweyi yị anẹhẹ nị. Ẹkụra ana yà ịrẹsụ ataba, ọ yị zụ tẹ.

Imatiwu 5:14 ပူးပေါင်းရင်းမြစ်များ

Ụhịrẹyị 4:18

Ọnịrẹyịzẹyịza ọọ̄ ma hụrẹ ayịnẹ. Ẹhẹ anị ọ mā nyị ọjịrẹka.

Ezikẹẹrị 5:5

Ẹnẹyịmavara Ana nyị avaba ụkata ka, ré Ijerusarẹmị nịnị. Ọnị ọ̀ mẹ ka ọ̀ yà ịnị akakana avaba ẹhẹ, dị ẹkụra-ẹkụra ana vọ ẹ̀ ra kara a nị.

Ịjọọnụ 12:36

Etohweyi mẹ̀ yị yà ịdị awụ nịnị aanị, dọ ẹtohweyi ọnọọ wụ́ nịnị, agụvị dị ụ wa zụ vị ezi ẹtohweyi nịnị!” Ịjị Ijeesu vavọọ sị kà kẹnẹ, di o si hu, dị ọ sị ẹngụ anị tẹ yị wa nị.

Ịjọọnụ 5:35

Ịjọọnụ vị ana sị mẹẹ anka ozotupa ana aa zẹtẹ chanyị-chanyị. Ịnị ụmẹ chee, wâ vịdị nyị inohine tụ́ ini ẹtohweyi anị nịnị.

Ịjọọnụ 8:12

Dị Ijeesu rẹ kà a yị aza, dị ọ ka, “Ẹma vị ẹtohweyi yị anẹhẹ nị. Ọza ana àa dụ mị ịrẹma, o vee re ẹtohweyi anaā mẹ ka ọza ọ̀ yàra obooro. Ọza ọnọọ ọ yị kụkụ vaa zị ụsẹ ịrahụ.”

Ịjọọnụ 9:5

M mẹ̀ yị yà ịnị ẹhẹ aanị, ẹma vị ẹtohweyi yị anẹhẹ nị.”

2 Anịkọrịntị 6:14

Asị ụ na zẹẹ ka ẹwụrị aza ẹnẹ ẹ̀ yị vị ọdọwụ ọ̀ọ mẹẹ vaabẹ anka ọpa-ọpa avọọ! Ọyịza ọnịrị odivi ẹ́ẹ́ zụ vabẹ? Ọọdụ ọnịrị ịrahụ e mē re ẹngụ.

Anihwiripi 2:15

Wa vavọọ mẹ agụvị asị ụ na nyị ohuvọ, dị ụ wa zụ nị nịnị. Ọnọọ ọ vaa mẹ ka wa zụ vị ezi Ohomorihi ẹnẹ ẹ̀ yị nyị ịsa odivi nị. Ụ mẹ̀ yà ịnị akakana anẹhẹ edivi ana ayị ẹnịnị ẹ̀ yị vọrọ aanị, áa vọrọ ka wa vị ẹtohweyi yị wa tụ́ ịnị ẹhẹ nịnị.

1 Anịtẹsaronika 5:5

Agụvị ka avaba awụ nịnị ọ sị hụụnị ịrahụ, aza ẹtohweyi ụ kụkụ vị nịnị nị.

Ẹtore 1:20

Ụzọmị ịhịmba ẹnẹẹ oni u re ịnị ụvọrị amị ọnịrị ịzị aā sị ozotupaa tụ́ ịhịmba ana a sị igooru mẹ avọọ, ịsị ẹ jẹẹ yị ana ahịka ọza ọyị yẹ, yị: Ụzọmị ịhịmba ẹnẹẹ ệ jẹẹ yị anggẹẹrị ịhịmba ana sị eyi pe ịragụ Ohomorihi ịhịmba ẹnẹẹ. Ịzị aā sị ozotupaa tụ́ ịhịmba ẹnẹẹ vị ana rẹ jẹẹ yị ịragụ Ohomorihi ịhịmba ẹnẹẹ.”

Ẹtore 2:5

Tamayị ịzị ụ yà nyeeyi nịnị. Ro ịnẹ varẹma, dị ụ waa mẹ ịsị ụụ̄ vịdịị mẹ nịnị! We yi ro ịnẹ varẹma nịnị, m maa vẹ dị mị va sị aha ozotupa awụ nịnị hụrẹ aha anị nị.