Imatiwu 4:24 - IWE ỌNỊNỊ

²⁴ Ịrẹyị anị ọ sị ngụ ịrẹyị na ngụ avaba ẹtẹ Isiriya. Dị ẹnịnị kụ́ avaba aza ọnị ụkụ irenyi-irenyi aa sị ụyaa rị ka a vẹ nị, ọnịrị aza ana nyị ụhwẹ echu, ọnịrị aza oni odumpapara aa za beri aza ene sú ẹngụ, dị ọ mẹ wa ụkụ nị.

Imatiwu 4:24 ပူးပေါင်းရင်းမြစ်များ

2 Ịsamụwẹrị 8:6

Dị ọ kụ́ isoja anị hi ịzị Anarami nịnị vịdị vị ohinọyị anị ịnị ẹtẹ Ịdamasịkọsị nị. Di Anarami kụkụ vị ọrịhị Idevidi dị ẹ yaa tụ́ ịsa ẹtẹẹ yọ nị. Aha tụra aha oni Idevidi ọ̀ọ nọ, avọọ ọ màa nyị ehuna ọnịvị anị nị.

1 Ohinọyị 10:1

Ịnị ụmẹ ọnya, â nyị ohinọyị ọnẹẹ ọnya ana vị ohinọyị tụ́ ẹkụra ana aā hị́ Iseva. Ộ (zị oze ịnị ụvọ Ẹnẹyịmavara) wụ́ ụgụụgụ Isoromọnị. Dị ọ vẹ ka ọnị ọ̀ sị ụhịrẹyị zama Isoromọnị re nị.

1 Ohinọyị 4:31

Isoromọnị ọ rẹ yẹ ịrẹyị hu avaba aza ene hi ịnị ẹhẹ, Ộ yẹ ịrẹyị huu Etaanị Anizira. Ọnị ọ rẹ yẹ ịrẹyị huna ezi Imahọrị ẹyịta: Ịhẹmanị ọnịrị Ikakori ne beri Idarida. Ịrẹha Isoromọnị ộ ngụrẹyị na ngụ ịnị avaba anẹkụra ana kara a.

1 Ịtọpa 14:17

Ịrẹyị Idevidi ộ ngụrẹyị na ngụ avaba aha, dị Ẹnẹyịmavara mẹ ka avaba anẹkụra nịnị ee hí angwa Idevidi nị.

1 Ịtọpa 29:2

Ọ kà, ọnị ộ sị vụrị, ọnị o ree tenyi ịsa a vọrọ ka a sị da Irehi Ohomorihi tịtẹ. Ọnị ộ sị igooru, isiriva, enyusẹ irenyi-irenyi, ọchị ọnịrị ịrẹta ọkatarihi irenyi-irenyi tịtẹ yọ.

Ọyịkụra 15:26

Dị Ẹnẹyịmavara kà ẹ̀ẹ sị ụtọ pè ịrẹyị ọnị ana vị Ohomorihi ẹnịnị dị ẹ yaa mẹ̀ ịsa ọnị ọnị re ka ộ vọrọ nị, dị ẹ sị eyi pè ọda anị dị ẹ yaa saasa a nị, ọnị ọ yị vaa zẹẹ ka ọnyọọnyị ịnị ụkụ ana za Anijipiti avọọ ọ̀ za wa. Ọ kà ọnị ọ vị Ẹnẹyịmavara anaā mẹ wa ụkụ nị.

Imatiwu 12:22

Dị aza ẹnyị aanị sị ọza ịnya aanị vẹ ịdị Ijeesu nị. Ọza ọnọọ vị ana nyị ụhwẹ echu ene gu ọ eyi ọnịrị irenu. Ijeesu ộ mẹ̀ ọnọrụ ọnọọ ụkụ, dị ọ kụkụ aa kà ịrẹyị, di o ree re ẹtẹ nị.

Imatiwu 14:1

Ụmẹ ọnọọ Ịhẹrọdị ọnọba ộ wụ́ ịrẹyị Ijeesu.

Imatiwu 15:22

 nyị ọnẹẹ ọnyara aanị ana yà ịzọọ. Anikenaani ọ vị nị. Dị ọ vẹ, di ee nowu nị, dị ọ ka, “Ọga, ozi Idevidi, vayị amị de! Ozi emi ọnẹẹ ộ nyị ụhwẹ echu; aa sị ụyaa rị ọ ẹtẹẹtẹrẹ.”

Imatiwu 17:15

dị ọ ka, “Ọga vayị ozi emi de! Odumpapara vị ana za a, dị aa sị ụyaa rị ọọ ẹtẹẹtẹrẹ. Ụmẹ tụra ụmẹ ọ sịị̄ hyẹdụ nee ngụ ịra ọnịrị ini enyi nị.

Imatiwu 17:18

Dị Ijeesu tụ́ ụhwẹ echu ọnọọ ohuvọ, dị ọ hụụnị ẹngụ ozi ọnọọ nị. Ẹngụ ozi ọnọọ ộ ta hụrẹ ụmẹ ọnọọ.

Imatiwu 4:23

Ijeesu aa ngụ avaba Igariri zị, dị aa zụ̀ wa ịsa ini irehi ahẹkẹ Aniju ẹnịnị, dị aa kà enube ọyịza ịjọva Ohomorihi, dị ọ raa mẹ avaba ụkụ irenyi-irenyi yị aza ịnị akakana aza ẹnẹẹ nị.

Imatiwu 8:28

Ijeesu mẹ̀ va sị ngụ akẹnẹ ọsa ịnị ẹkụra Anịgadarene nịnị, aza ẹnị ẹẹva aanị ana nyị ụhwẹ echu ẹ va gẹrị ọọ. Ọgaanya ẹ hụrẹ aa vẹ nị. Ê divi ẹtẹẹtẹrẹ, ẹyị nyị ọza ana nyayịnẹ para hu óze ọnọọ.

Imatiwu 8:33

Dị aza ana aa kụ́ wa rị si zwe hụụ ịzọọ nị. Dị ẹ na kà a ịnị ẹkụra avaba ịsa ana mẹ aza ana nyị ụhwẹ echu aanị nị.

Imatiwu 8:6

dị ọ ka, “Ananyị yị, ozi ahụ amị hụtụ ini eehi, ẹngụ anị ô wusu, aa sị ụyaa rị ọọ.”

Imatiwu 9:26

Dị ịrẹyị ọnọnị sị ngụ ịrẹyị tụ́ ịnị avaba ẹtẹ ọnọọ nị.

Imatiwu 9:35

Ijeesu aa ngụ avaba ẹkụra ọbanyị ọnịrị ẹkụra oweyii zị, dị aa zụ̀ wa ịsa ini irehi ahẹkẹ Aniju ẹnịnị nị, dị aa kà enube ọyịza, Óhomorihi mẹmẹ aa mẹ ịjọva nị. Dị ọ raa mẹ avaba ụkụ irenyi-renyii yị aza nị.

Ịmaakị 1:28

Aza ệ wụsẹ sị ịrẹyị Ijeesu wụ́, dị ẹ na aa kà a ngụ ẹkụra Igaririi zịịzị nị.

Ịmaakị 1:32

Ịjị oruva si tù, ọ́ yị mẹ̀ sị ngụ ẹtẹ, dị aza kụ́ avaba ọnịkụ ọnịrị aza ana nyị ụhwẹ echu nịnị ká Ijeesu vẹ nị.

Ịmaakị 2:3

Ịjọnọọ dị aza ẹnị ẹẹna ẹnyị aanị ká a vẹ nị. Dị ẹnịnị chema oswẹngụ ọnyara vẹ nị.

Ịmaakị 2:4

Ẹnịnị ẹ yị nyẹngụ sị oswẹngụ ọnọọ tù ịzị Ijeesu yà, agụvị ka aza ẹ sị rụrụ baaba. Ệ sị ọọ hịrẹ ịrẹsụ irehi ọnọọ. Dị ẹ chị obooro oni Ijeesu yà nị. Ịjị ẹ sị ọọ chị ta, di e chí odooro oni oswẹngụ ọnọọ hụtụ ịnị anị hi ẹtẹ nị.

Ịmaakị 2:9

Ye re ana rọ hu, ọyịkà yị oswẹngụ ọnọọ ka â vagu ọọ ịnị ịvị anị, à vị ka à kà a yọ ka ọ̀ kwẹẹtẹ, dị ọ̀ sị odooro anị, dị ọ̀ zị ụsẹ?”

Iruuku 2:2

Ọnọọ ọ vị ọyịchẹrẹ aza ịpaapa, Íkiriniyu mẹ̀ vị ịgọvọnọ tụ́ ẹtẹ Isiriya nị.

Iruuku 4:14

Ijeesu ộ và nọ Igariri, dị ụkata Ụhwẹ Ọnịnị yà rị ọọ nị. Ịrẹyị anị ọ sị ngụ ịrẹyị ngụ avaba ịzọọ zị.

Iruuku 4:38

Dị Ijeesu hụụnị irehi Ohomorihi ọnọọ, dị ọ nọ ini eehi Ịsayịmọnị nị. Ọnyị ose Ịsayịmọnị vị ọnị ọvanggoro za ẹtẹẹtẹrẹ, dị ẹ na dá ịpẹ yị Ijeesu agụvị anị nị.

Iruuku 5:15

Ịrẹyị Ijeesu vị anaa yịị ngụ ịrẹyịị hu avọọ. Dị aza ọrụrụ-ọrụrụ vẹ ka ẹnị ẹ̀ va wụ́ ịrẹyị anị, dị ọ̀ rẹ mẹ ụkụ ẹnịnị yị ẹnị nị.

Iruuku 5:24

Ama mee sì ka wa yẹ nịnị ka ẹmị Ozi ọza onigirima ộ nyị ụkata ọyịvagu ọza ịnị ịvị anị ịnị ẹhẹ ọnọnị.” Dị ọ kà a yị oswẹngụ ọnọọ ka, “Ẹma kà a yị wụ nị, kwẹẹtẹ, sị odooro awụ, dị ụ waa nọ eehi awụ!”

Iruuku 7:17

Dị ịrẹyị Ijeesu ọnọnị sị ngụ ịrẹyị ịnị avaba Ijudiya ọnịrị ẹkụra ana kara a nị.

Ịjọọnụ 10:21

Dị aza ẹnyị ẹnị raa kà a ka, “Wáá yẹ ka ẹ yị vị ịrẹyị ọza ana nyị ụhwẹ echu aa kà aanị! Echu ọ́ọ́ zụ há ogweyi eyi anị?”

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

Odeyi 15:23

Dị a chẹrẹ iwe ọnọnị, dị a sị tụ́ wa ụtụ nị: “Ẹyị odeyi beri azọkụ ịragụ Ohomorihi ọnịrị ọdọwụ ana vọ, yâ kụ́ wụ nịnị ẹtẹẹtẹrẹ, ẹwụ nịnị anda ayị ẹnẹ ẹ̀ yị vị Aniju ene hi Antịyọkị ọnịrị Isiriya ne beri Isirisiya!

Odeyi 15:41

Dị ọ zị oze Isiriya ọnịrị Isirisiya na para hu, dị ẹyaa tụ́ anịragụ Ohomorihi ẹnẹẹ ọtụtụrụma nị.

Odeyi 28:9

Ịjị ọ maanị sị ọnọọ mẹ, dị ọnịkụ ana vọ hi ẹkụra ene enyi kara aanị, ẹnị rẹ vẹ, dị Ịpọọrụ mẹ wa ụkụ nị.

Odeyi 8:7

Ụhwẹ echu ê nowu zẹtẹ, dị ẹyaa jịnẹẹ hụụnị ẹngụ aza ọrụrụ-ọrụrụ nị. Ihwiripi ọ rẹ mẹ aza ọrụrụ-ọrụrụ ene sú ẹngụ, dị ẹnyị sú ahụ ụkụ ẹnịnị.

Ijosuwa 6:27

Avọọ Ẹnẹyịmavara mẹ ya pe Ijosuwa dị ọ ngụrẹyị tụ avaba ẹkụra nị.