Imatiwu 28:20 - IWE ỌNỊNỊ

²⁰ Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Imatiwu 28:20 ပူးပေါင်းရင်းမြစ်များ

Oyinyima 39:21

Ama Ẹnẹyịmavara vị ana jẹ ịrẹma Ijosẹẹhụ. Ô yi hi ayị Ijosẹẹhụ, dị ọ mẹ ka ọga aza ene sị eyi pè anịnẹngwa è sì ịrẹyị Ijosẹẹhụ nị.

1 Ohinọyị 1:36

Di Ịbẹnaya ozi Ijehoyada tụ́ ohinọyị dị ọ ka, “Ụ mẹ̀ yị kà a avọọ ọ vị nị. Taarụ, avọọ Ẹnẹyịmavara Ohomorihi awụ mẹ̀ kị kà a nị.

1 Ịtọpa 16:36

À vẹ yaa kụ́ Ẹnẹyịmavara ana vị Ohomorihi Anisirẹrị. A vẹ yaa kụ́ avọ pooro zịna-zịna. Dị avaba aza ka, “Aamị”, à vẹ yaa kú Ẹnẹyịmavara nị.

Ahẹ Ụgama 46:11

Ẹnẹyịmavara ana nyị ụkata vị ana sị ọtụ kà yị ịrẹma. Ohomorihi Ijekọvụ ee sere yi ka asị a nyị ịsị ẹ mẹ̀ yị nị.

Ahẹ Ụgama 46:7

Ẹnẹyịmavara Ochẹtẹẹngụ vị ana sị ọtụ kà yị ịrẹma Ohomorihi Ijekọvụ ee sere yi ka asị a nyị ịsị ẹ mẹ̀ yị nị.

Ahẹ Ụgama 72:19

Ẹwụ ana maanị nyị ụbanyị, ị vaa kụ́ wụ avọ pooro nị. Ụbanyị awụ vi ene vee chì avaba ẹhẹ ẹngụ. Aamị, mị ka Aamị.

Ọyịkụra 3:12

Di Ohomorihi ka Ọnị vaa jẹẹ ịrẹma anị. Ọ kà ọnọọ vaa sị zụ̀ ka ọnị ọ tụ́ ọ nị. Dị ọ rẹ ka ọ̀ọ raà kụ́ aza ẹnẹẹ jịnẹ hụrẹ Ijipiti, dị ọ̀ va hẹkẹ ọnị Ohomorihi ịrẹsụ ataba ọnọọ.

Ọyịkụra 8:27

Ọ kà a nyị ka ẹnị ẹ zị ụsẹ ẹkụhị ẹẹta nọ ịnị ụnọmị dị ya na mẹ̀ ịsọvọ yị Ẹnẹyịmavara ana vị Ohomorihi ẹnịnị. Ka avọọ ọ mẹ̀ mẹ̀ ẹ ọdaa yị ẹnị nị.

Ayịsaya 41:10

Asị ụ hi angwa ka ọnị ya pe wụ nịnị! Ọnị ọ vị Ohomorihi awụ nịnị, asị ụ hi angwa. Ọnị vaa sị ụkata yị wụ nịnị, dị ọnị gụ wụ nịnị ụvọ, Ọnị vee sere wụ, dị ọnị dọ wụ ha.

Ijeremaya 26:2

Dị Ẹnẹyịmavara kà a yị ọnị ka, ọnị ọ̀ na jẹẹ ịnị akakana irehi Ohomorihi nị. Ọ kà ọnị ọ̀ kà a yị aza anaa hụrẹ Ijuda vaa mẹ ahẹkẹ ịzọọ, avaba ụtụ ọnị ọnị tụ ọnị. Asị a nyị ọnị ọnị dà tịtẹ.

Ezikẹẹrị 46:10

Ẹnịrị ohinọyị ẹkụra ẹ vaa zịị ngụ eehi, dị ọ rẹ saasa wa na jịnẹ nị.

Imatiwu 1:23

“Re, ozwoorihi ọnya ẹnẹ ẹ̀ẹẹ̀ yị yẹ ọnọrụ vee zyẹẹ, dị ọ ma ozi ọnọrụ ọnya. A vaa hị́ ịrẹha anị Ẹmanụwẹrị oni iruvo anị vị Ohomorihi yà beri eyi.”

Imatiwu 13:49

Avọọ ọ mẹ̀ vaa yà ịnị ụmẹ ọdịrẹma ẹhẹ nị: Anggẹẹrị nịnị vaa jịnẹ naa kụ́ aza edivi hụụnị aza ọyịza,

Imatiwu 18:20

Agụvị ka ịzị aza ẹnị ẹẹva, àa vị ẹẹta kụ́ ẹngụ gụ ịnị ịrẹha amị, mị vaa yà ịnị akakana ẹnịnị.”

Imatiwu 24:3

Ijeesu ộ nọ ịrẹsụ Ataba Orivi, dị ọ na yaayịtẹ ịzọọ nị. Dị ezirẹma anị tangwa ká a vẹ dị ẹ ka, “Kà ẹ yị ụmẹ ọnị ịsa ẹnẹnị vaa sịị mẹ. Sị ẹ vị apọtẹrẹwa ana vaa sị zụ̀ ka waa vaa vaavẹ, ọnịrị ka ẹhẹ raa vaa ta?”

Imatiwu 6:13

Asị ụ sị yị tụ ịnị ọyịzamare, ama dọ yị ha hụụnị ụvọ Echu. (Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)

Ịmaakị 16:20

Dị ezirẹma anị na, dị ẹ naa kà enube ọyịza avaba aha nị. Ananyị yị aa mẹ ọgụvọọ yị wa, dị aa sịị zụ ka ịrẹyị ẹnẹ ẹyaa ka vị ịzẹyịza zị oze ini oze apọtẹrẹwa ana aa mẹ nị.]

Odeyi 2:42

Ẹnịnị ệ sị ụmẹ ẹnịnị tịtẹ kụkụ aa kọsẹ ịdị odeyi nịnị, dị ẹyaa sị ayịị yị ẹngụ, di e re dudu aa rị ịsọyịrị Ananyị yị, di e re dudu aa mẹ̀ aduwa nị.

Odeyi 20:27

Ma raà kà a wụ nịnị avaba ịsị Ohomorihi ee sì ka ọnị ọ̀ mẹ. Ẹ yị nyị ana angwa hí mi ọnị mẹ̀ yị kà wụ nịnị.

1 Anịkọrịntị 11:2

Mâ yẹ ka waa tamayị amị nịnị ini oze tụra oze. Wâ mẹẹ ẹtẹẹrẹ nịnị. Waa yịị saasa ịsa ọnị mị raà sị zụ̀ wụ nịnị.

1 Anịkọrịntị 11:23

Ịsa ọnị mị sị zụ̀ wụ nịnị, ịnị ụvọ Ananyị yị mị dọ ọ hụrẹ nị. Ịnị ịrahụ ịhị ọnọọ, dị a va sị Ijeesu Ananyị yịị chire ọnịvị anị ụvọ, ộ sị Ịbụrẹẹdị,

1 Anịkọrịntị 14:37

Ọza ene èe ro ka ọnịsẹ ọ́nị vị nị, à vị ka Ụhwẹ Ohomorihi ộ sị ụkata yị ọnị, â nyị ka ọ̀ dọ ka ịsị maa chẹrẹẹ tụ́ụ hi wu nịnị aanị ka ọda Ananyị yị ọ vị nị.

Iwe Ọhụhị Imosiisi ana aa hị́ Ọyịvatụrọda 12:32

Re ka wa tangwa saasa avaba ịsa ọnị mẹ ọda yị wụ nịnị aanị. A sị ụ dà tụ ọ, dị a sị ụ rẹ da hụụnị anị nịnị.

Iwe Ọhụhị Imosiisi ana aa hị́ Ọyịvatụrọda 5:32

Sị eyi pe ẹtẹ dị ụ wa mẹ ịsị Ẹnẹyịmavara raa mẹ ọda yị wa. Asị ẹ mẹ akamawụ.

Anikorasi 1:28

Agụvị avọọ ị yaa kà ịrẹyị Ikirisitii yị avaba aza nị. Yaa kà wa ọnọ, ị raa sị ịrẹyọyẹẹ zụ̀ wa ịsa, agụvị dị ya mẹ ka aza ẹnẹ ẹnịrị Ikirisiti sị vị ọnya ẹ̀ zụ gụ.

2 Itimoti 4:17

Ama Ananyị yị ộ jẹẹ pe mi, dị ọ sị ụkata mị ka ma zụ kà enube ọyịza ẹtẹẹtẹrẹ, dị avaba aza ẹnẹ ẹ̀ yị vị Aniju ẹ̀ zụ wụ́ nị. Ohomorihi ộ dọ mị hụrị irenu idu.

Ijosuwa 1:5

Ẹnẹyịmavara rẹ kà a yị nyị ọza ana va nyayịnẹ và eyii kà Ijosuwa pooro dị ọ̀ sị ẹhẹ tịtẹ. Ộ kà ọnị mẹ̀ yà pè Imosiisi, avọọ ọnị mẹ̀ rẹ vaa yà pè Ijosuwa nị. Ọ kà ọnị ọ yị vaa mẹ̀ ụhị nyị ọ, ọnị ọ yị vaa hụrẹ ẹ ụvọ.

2Ipita 3:2

Mee sì ka wa tamayị ịrẹyị ọnị ọnịsẹ ọnịnị nịnị kà ịyẹẹyẹ. Dị ụ wa rẹ tamayị ọda Ananyị yị Ọdọzaha, ana odeyi awụ nịnị aa kà a wụ nịnị.

Ẹtore 1:18

Ọza ana yára mị vị nị. Mê vịdị sú, ama re, booro aanị mị kụkụ yára pooro zịna-zịna nị. Ẹma nyị ọda isu ọnịrị ini eku nị.

Ẹtore 22:14

Aza ana àa nyịna ịta ẹnịnị nị, agụvị à zụ sị oze yị ẹnị ka ẹnị ẹ̀ zụ rị ẹtụtụ ọchị anaā mẹ ka ọza ọ̀ yàra pooro zịna-zịna, dị ẹnị ẹ̀ rẹ zụ zị oze ịnị ẹkụra ọnọọ ngụ eehi, vaa daa jẹ.