Imatiwu 28:19 - IWE ỌNỊNỊ

¹⁹ Agụvị avọọ, nọ avaba ẹhẹ nịnị, di u we re ka wâ mẹ ka avaba anẹhẹ ẹ̀ vara ezirẹma amị nịnị! Dị ụ waa mẹ ọyịhwenyii yị wa ịnị ịrẹha Ada ọnịrị Ozi ne beri Ụhwẹ Ọnịnị.

Imatiwu 28:19 ပူးပေါင်းရင်းမြစ်များ

Oyinyima 1:26

Di Ohomorihi va ka, “Jẹẹ ya mẹ ọza vene ẹngụ ayị, dị ẹ̀ yà anka ị mẹ̀ yà. Ẹnị ẹ vaa vị ohirẹsụ ivovo ene hi ini enyi ọnịrị inomi ene hi ẹbẹẹba ne beri avaba uye nịnị, oweyi, ọbanyị, ini eehi ọnịrị ịnị avị.”

Ayịsaya 48:16

Ọ kà booro aanị ẹ ka pe ọnị dị ẹ wụ́ ịsị ọnị aa kà a. Hụụnị oyinyima ọnị e yi were ka ịrẹyị anị. Ọnịị̄ mẹ̀ ka avaba ịrẹyị anị ọ sẹ nị.

Ayịsaya 49:6

Ộ ka, ẹ yị hụ ka ma vị ozi ahụ kẹnẹ. A nyị ka ma kụ ezi Ijekọvụ ana vị Isirẹrị ana ha nọ udi ụbanyị ẹnịnị. Ẹnẹyịmavara kà ọnị ọ raà nyị ọ ka ọ vị ẹtohweyi yị avaba anẹhẹ agụvị ọ sị ẹdọha yị ọza ọnyọọnya.

Ayịsaya 52:10

Ẹnẹyịmavara ọ sị ụvọ ọnịnị anị tana eyi avaba anẹhẹ. Avaba aza ene hi ịzị ẹhẹ ana ta hi vee re Óhomorihi ayị mẹ vaa dọ aza anịị ha.

Imatiwu 13:52

Dị Ijeesu rẹ kà a yị wa ka, “Avaba ọzwọzọda ana àa raà sị ịrẹyị ịjọva Ada ayị ẹbẹẹba zụ̀, vị ana sị mẹẹ anka adarehi ana nyẹngụ kụ́ ịsa ọwọọwa ọnịrị ọkụkụ hụụnị ụhwọ anị vẹ.”

Imatiwu 25:32

Dị avaba anẹhẹ wara gụ ịda anị, dị ọ gà wa hi ẹẹva, anka oseratẹmẹ mẹ̀ẹ̄ tọ̀ọ́ atẹmẹ ọnịrị ẹvụụ hi aha irenyi-irenyi avọọ.

Odeyi 1:2

pooro ne tù ẹkụhị ana a va sị sị ọọ nọ ẹbẹẹba ịdị Ohomorihi. Dị a va sị ọọ nọ ẹbẹẹba, ộ sị ụkata Ụhwẹ Ọnịnị mẹ ọda yị odeyi anị ọnị ọ nyị.

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Odeyi 14:21

Ịpọọrụ nịnị ệ kà enube ọyịza Ídabe, dị ẹ mẹ ka aza ọrụrụ ẹ̀ vara ezirẹma nị. Dị ẹnịnị varẹma nọ Ịrịsịtịra, dị ẹ hụụ ịzọọ nọ Ayịkọnịyọmị ọnịrị Antịyọkị nị.

Odeyi 2:41

Aza ana sị ịrajẹ dọ ịrẹyị anị, â mẹ̀ ọyịhwọzenyi yị wa. Ịhị ọnọọ ẹhụụ aza ẹnị akahị-akahị oze ẹẹta (3,000) ọ vaka ọdọwụ nịnị nị.

Odeyi 28:28

Dị Ịpọọrụ ka, “Dụ wa yẹ nịnị ka a raà kà enube ẹdọha Ohomorihi yị Anigiriki nịnị. Ẹnịnị vaa sị ụtọọ pee!”

Odeyi 9:18

Obooboro ọnọọ, dị ịsa ẹnyị aanị anka iguha ivovo avọọ hụrẹ hụụnị eyi Ịsọọrụ, di o kuku ee re ẹtẹ nị. Dị ọ kwẹẹtẹ jẹẹ, dị a mẹ̀ ọyịhwọzenyi yọ nị.

Aniroomi 10:18

Ama me ve họ̀ use ka aanị ka Aniju nịnị è yị wụ́ enube ọyịza da? Ẹnịnị ệ wụ́ ẹtẹẹtẹrẹ. Avaba anẹhẹ ẹ sị wụ́, a màa kà ịrẹyị ọnọọ. Ịrẹyị ẹnịnị ọ na sị ngụ avaba ẹhẹ.

1 Anịkọrịntị 15:29

Si u re ro ịnị ịrẹyị ọnọnị nịnị? Â nyị aza ẹnyị ana mẹ ọyịhwenyi yị agụvị ọza ene sú. Àa vị ka oku nịnị ẹ mā yaanị ha hụụnị isu, sị ẹ vẹ dị aza ẹnẹẹ̄ kà a ka vị ẹnị aa mẹ̀ ọyịhwọzenyi agụvị aza ene sú nị?

2 Anịkọrịntị 13:14

Ẹyịza ọọhẹ Ananyị yị Ijeesu Ikirisiti ọnịrị oyisì Ohomorihi ọnịrị uze Ụhwẹ Ọnịnị ọ̀ yà pe avaba awụ nịnị.

Anigaratiya 3:27

Avaba ọza ọnị ọnịrị Ijeesu ọ̀ọ vị ọnya ini oze ọyịhwenyi, ẹ raà sị ebira Ikirisiti mẹ awuru chire.

Anẹhwẹsọsị 2:18

Ijeesu ọ mẹ ka ẹyị ẹyịva ọ̀ nyẹngụ vẹ ọvịdị Ada ayị ini oze Ụhwẹ Ọnịnị ọnyọọnya nị.

Anikorasi 1:23

Áa nyị ka wa yịị sị ayịị tụra Ijeesu nịnị, dị ụ wa jẹẹ geri-geri nịnị, dị asị ụ zẹẹ ka à hụrẹ wụ nịnị hụụnị ọyịtureyi ọnị ụ nyị nịnị, ụ mẹ̀ wụ́ enube ọyịza nịnị. Â kà enube ọyịza ọnọọ yị avaba anẹhẹ. Ụkọrọ enube ọyịza ọnọọ ẹmị Ịpọọrụ kụkụ aa mẹ nị.

1Ipita 3:21

A zụ sị ịsa ọnọọ juwe ọyịhwenyi, ana dọ yị há ọyaanị, agụvị ka Ijeesu Ikirisiti ộ ha kwẹẹtẹ hụụnị isu. Ọyịhwọzenyi ọ yị vị ọyịhụ ịdọtị ẹngụ ayị và ha. Ama yaa sịị dá ịpẹẹ yị Ohomorihi ka ọ̀ nyịna ayị ayị hụụnị ịvị.

1 Ịjọọnụ 5:7

Onivenu vị ẹẹta ana dọ irenu ịrẹyị ọnọọ.