Imatiwu 28:17 - IWE ỌNỊNỊ

¹⁷ E mè re Ijeesu, ệ va ku ẹtẹ kụ́ ọọ. Ama aza ẹnyị aa yịị jị ọọ ịrẹka.

Imatiwu 28:17 ပူးပေါင်းရင်းမြစ်များ

Ahẹ Ụgama 2:12

Waā sị ụbanyịị yị ozi anị nịnị ka ẹ̀ yị vavọọ ayị ọ̀ọ kụ́ ọ, vị aa wụ̀ wụ nịnị vaa ha nị. Yẹ nịnị ka ayị ọ zụ hụra kụ́ ọ. Aza ana sị ẹngụ ẹnịnị na tẹ̀ ịda anị ẹ̀ nyarị ịrẹsụ ọyịza.

Ahẹ Ụgama 45:11

Ohinọyị vee sì ịrẹyị awụ agụvị ka wê zoza, Waā sị ụbanyịị yọ agụvị ka ọnị ọ̀ vị adarehi awụ nị.

Imatiwu 16:28

Ịzẹyịza m maa kà a wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro, di è re, Ózi ọza onigirima màa vẹ vaa mẹ ịjọva.”

Imatiwu 28:9

Kẹnẹ, dị Ijeesu ve tù wa, dị ọ kụ́ wa nị. Dị ẹ kà pe e, dị ẹ za ahụ Ijeesu, dị ẹ va ku ẹtẹ kụ́ ọọ nị.

Ịmaakị 16:11

Ịjị ẹnịnị wụ́ kẹnẹ ka Ijeesu rẹ yàra ọnịrị ka Imeri ô re e bẹẹ, ẹnịnị ẹ yị dọ wụ́.

Ịmaakị 16:13

Dị ẹ varẹma, dị ẹ na kà a yị aza ana vọ nị. Ẹnịnị ẹ yị dọ wa wụ́ bẹẹ.

Ịmaakị 16:14

Ịrẹma ọnọọ, dị Ijeesu rẹ sị ẹngụ zụ̀ ezirẹma anị ẹwụrọnya, ẹ́nịnị màa rị ịsa nị. Ộ tụ́ wa ohuvọ, agụvị ka ẹnịnị ẹ yị dọ ọnị wụ́, ayị ẹnịnị ọ sị katẹngụ, agụvị ka ẹnịnị ẹ yị dọ aza ene re ọnị ka ọnị ộ ha hụụnị isu wụ́.

Ịjọọnụ 5:23

agụvị avaba aza ẹ̀ zụ sị ụbanyị yị ẹmị Ozi anị, anka ẹ mẹ̀ẹ̄ sị ụbanyị yị Ada amị. Ọza ẹnẹ ẹ̀ yị sị ụbanyị yị ẹmị Ozi anị, ọ yị rẹ sị ụbanyị yị Ada amị, ana tụ́ mị vẹ ẹhẹ.

Odeyi 1:3

Ị́rẹma isu anị, ộ vana sị ẹngụ zụ̀ ezirẹma anị ụmẹ ọrụrụ-ọrụrụ, ọ mẹ̀ ha hụụnị isu. Ê re e mẹ ẹkụhị ẹbẹẹva ini oze ana ahịka ọza ọ yị zụ jị ọọ ịrẹka ka ọ yàra. Ộ kà a yị wa ịjọva Ohomorihi mẹmẹ yà.

1 Anịkọrịntị 15:6

Ịrẹma ọnọọ, ọdọwụ ene vene re e ụpẹ ọnya ụpẹ ọnya, ê huna akava rị ẹchẹhị (500). Ọrụrụ-ọrụrụ aza ẹnẹẹ yi hi ẹhẹ booro aanị, ama aza ẹnyị ê wusu.