Imatiwu 27:50 - IWE ỌNỊNỊ

⁵⁰ Ijeesu o re nowu tụ́ ẹba, dị ọ hụrẹ ụhwẹ anị ụvọ nị.

Imatiwu 27:50 ပူးပေါင်းရင်းမြစ်များ

Ịdanịyẹrị 9:26

Ịjị ụmẹ ọnọọ ọ̀ọ sị gụ, a vaa kụ ayị ọdọvịdị ọnị Ohomorihi nyị aanị dị aa wụ̀ ọ. Ọdọvịdị ọnyara vaa sị ụkata kụ isoja anị vẹ, dị e vu Ijerusarẹmị ọnịrị irehi Ohomorihi ana ya ịzọọ ẹtẹ. Ịsị ẹ vaa za ịrẹsụ yị ọdọvịdị ọnọọ ve divi ẹtẹẹtẹrẹ. A vaa kụ̀ ịrẹkụ dị e du ịsa ha ẹtẹẹtẹrẹ. Avọọ Ohomorihi mẹ mẹ̀ ẹ ọda tịtẹ nị.

Imatiwu 20:28

Agụvị ka ẹmị Ozi ọza onigirima mẹ yị vẹ ka à mẹ ozi ahụ yị mị, ama ka ma mẹ ozi ahụ yị aza, dị ma rẹ sị ụhwẹ amị hị́ aza ọrụrụ-ọrụrụ varẹma.”

Imatiwu 27:49

Dị ẹnị ana vọ ka, “Naavọ nịnị ye re e, àa vị Erija aa vaa dọ ọ há nị!”

Ịmaakị 15:37

Ijeesu ộ nowu tụ́ ẹba, dị ọ hụrẹ ụhwẹ anị ụvọ nị.

Iruuku 23:46

Dị Ijeesu nowu tụ́ ẹba, dị ọ ka, “Nda, mâ sị ụhwẹ amị chire wu ụvọ.” Ịjị ọ maanị sị kà, dị ọ hụrẹ ụhwẹ anị ụvọ nị.

Ịjọọnụ 10:11

“Ẹmị ọnọnị ọ vị ọza anaā tẹsị atẹmẹ ẹtẹẹtẹrẹ nị. Ọza anaā tẹsị atẹmẹ anị ẹtẹẹtẹrẹ vị anaā sịị ụhwẹ anịị tịtẹẹ yị atẹmẹ anị.

Ịjọọnụ 10:15

anka Áda amị mẹ̀ yẹ mị, dị ẹmị rẹ yẹ Ada amị. Mị vaa sị ụhwẹ amịị tịtẹẹ yị atẹmẹ amị.

Ịjọọnụ 19:29

 nyị ẹnya ọnya aanị ana yà ịzọọ, eche ọsụrẹyị vị ohihi tụ́ ịnị anị. Dị ẹ sị awẹ, dị ẹ jị ọọ ngụ eche ọnọọ nị. Dị ẹ sị ọọ tụ́ ịrẹsụ ọchị ọnya aanị, dị ẹ sị ọọ tụ́ Ijeesu irenu nị.

Ịjọọnụ 19:30

Dị Ijeesu hú eche ọnọọ, dị ọ ka, “Ma sị mẹ ta.” Dị ọ ká ịrẹsụ hi, dị ọ hụrẹ ụhwẹ anị ụvọ nị.

Anihiburu 2:14

Ezi anị ẹnẹẹ vị aza rị ẹyị ị́rẹsụ. Agụvị avọọ, Ijeesu ọ́ọ vẹ ẹhẹ dị ọ yà anka ẹnịnị gẹdẹ-gẹdẹ nị, ka oni ò sú, di oni ò du ụkata Echu ha. Echu ọ nyị ụkata isu nị.

Anihiburu 5:7

Ịnị ụmẹ oni Ijeesu sị yà ẹhẹ, ộ mẹ̀ aduwa ẹtẹẹtẹrẹ, dị ọ hyakụ aa ká ẹgọ, o mèe nowuu hị́ Ohomorihi ana zụ dọ ọ tụ ka asị ọ sú, Ohomorihi ộ wụ́ aduwa anị agụvị ka ộ sị ayị yị Ohomorihi.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.