Imatiwu 27:43 - IWE ỌNỊNỊ

⁴³ Ộ sị ayị tụra Ohomorihi; Ohomorihi òo sì ọọ, ọ̀ dọ ọ tụ́ booro aanị kẹ! Ộ kà a ka Ozi Ohomorihi ọ́nị vị nị.”

Imatiwu 27:43 ပူးပေါင်းရင်းမြစ်များ

Ahẹ Ụgama 14:6

Ịsị aza ana vị ọkụmị ẹ̀ẹ ka ẹnị aa mẹ dị aza edivi za a di e du ọ hi wa ụvọ. Ama Ẹnẹyịmavara vi ene eē sere ọkụmị.

Ahẹ Ụgama 22:8

Ẹnịnị ka áá vị mị ka mâ sị ayị tụra Ẹnẹyịmavara Ẹ ka Ẹnẹyịmavara ọ va dọ mị tụ́ dị ẹnị è re e Ẹ rẹ ka Ẹnẹyịmavara ọ̀ọ ka ọnị ô sì ịrẹyị amị ọ̀ vẹ dị ọ̀ vaa dọ mị tụ́ kẹ.

Ahẹ Ụgama 3:2

Aza ọrụrụ-ọrụrụ ka mba, ẹwụ Ohomorihi ọ yị kụkụ vaa dọ mịị tụ́.

Ahẹ Ụgama 42:10

Ọnịvị amị aa kụ̀ mị ụhụ ana ahịka ộ kata mị ẹngụ ẹnẹmẹhị Dị ẹ yaa kà a mị eyinị-eyinị ka mba, ịzị mị ka Ohomorihi amị ọ́ọ́ yà?

Ahẹ Ụgama 71:11

Ẹ ka ẹwụ Ohomorihi o reè ne mi ta. Ẹ ka àa dụ mị dị à za mị ka ẹ yị kụkụ nyị ọza ana vaa dọ mịị tụ́.

Ayịsaya 36:15

Ọ kà Ihezekaya àa kà a wụ nịnị ka Ẹnẹyịmavara vaa dọ ẹkụra ọnọnịị tụ́ dị asị ịrẹkụ Anasiriya rị ọ, asị u tụ́ o ohi nịnị.

Ayịsaya 36:18

Ohinọyị Anasiriya ka Ihezekaya àa kà a ka Ẹnẹyịmavara vaa dọ wụ nịnịị tụ́, asị ẹwụ nịnị tụ́ o ohi oo! Ọ kà ẹwụ nịnị ọ́ọ́ wụ́ ọ da ka â nyị ori anẹkụra ọnyọọnyị ana zụ dọ aza anị hụrẹ ụvọ ohinọyị Anasiriya?

Ayịsaya 37:10

Ộ kà a yọ ka: Ori ọnị ọ́ sị ayị tụra ọ́ raà kà a yọ ka ụvọ anị ẹ yị vaa kara a. Ama à sị ọ zẹẹ ka ịrẹyị ọnọọ ò vene ọnị o.

Imatiwu 27:40

Dị ẹ ka, “Ẹwụ ene vee wú irehi Ohomorihi, di u re tenyi ọọ dà ịhyẹgwẹta anị! Àa vị Ozi Ohomorihi ụ vị nị, dọ ẹngụ awụ tụ́, di u we chí hụụ ịrẹsụ apavahị vẹ!”

Imatiwu 27:54

Ọga isoja ẹchẹhị nịnị ọnịrị isoja nịnị ana yà pe e ene ee sere Ijeesu, ê re, ẹ́tẹ mè henyi ọnịrị avaba ịsa ana mẹ. Angwa ô hí wa, dị ẹ ka, “Ịzẹyịza, ọnọrụ ọnọnị vị Ozi Ohomorihi o!”

Iruuku 23:35

Dị aza jẹẹ, di eyee re Ijeesu nị. Dị ọdọvịdị ẹnịnị ê beri wa mẹ Ijeesu isiya ka, “Ọọ̄ dọ aza ẹnẹsaa há; àa vị ọnị ọ vị Ikirisiti ọnọọ oni Ohomorihi nyị nị, ọ̀ dọ ẹngụ anị há kẹ!”

Iruuku 23:37

Ệ kà a yọ ka, “Àa vị ẹwa vị ohinọyị Aniju nị, ụ dọ ẹngụ awụ há!”

Ịjọọnụ 10:30

Ẹmịrị Ada amị vị ọnya.”

Ịjọọnụ 10:36

Àa vị ẹmịị yọ, Ada amị ọ nyị mị, dị ọ tụ́ mị vẹ ẹhẹ nị. Màa va kà a ka Ozi Ohomorihi mị vị nị, dị ụ ka m maa kà ịrẹyị odivii hi Ohomorihi nịnị nịị?

Ịjọọnụ 19:7

Dị Aniju nịnị tụ́ ọọ ohi, dị ẹ ka, “Yâ nyị ọda ọnya. Anka ọda ayị ọnọọ, vị a vọrọ ka ò sú nị, agụvị ka aa hị́ ẹngụ anị Ozi Ohomorihi nị.”