Imatiwu 27:42 - IWE ỌNỊNỊ

⁴² “Ọọ̄ dọ aza ẹnẹsa há, ama ọ yị zụ dọ ẹngụ anị há. Ọ kà ọnị ọ vị Ohinọyị Anisirẹrị nị; ò chí hụrẹ ịrẹsụ apavahị vẹ booro aanị kẹ, di yee re e, dị ya dọ ọ wụ́.

Imatiwu 27:42 ပူးပေါင်းရင်းမြစ်များ

Imatiwu 2:2

Dị e họ̀ use ka: ịzị ozi ana a ma ana vaa vị ohinọyị Aniju nịnị ya? Ẹ ka ẹnị ê re ụzọmị anị ka ộ chị tụ eyi ọnị ọyịị̄ zịị hụrẹẹ vẹ, dị ẹnị vẹ ka ẹnị ẹ̀ va vaku ẹtẹ kụ ọ nị.

Imatiwu 27:37

Ệ chẹrẹ ịrẹka ẹnẹẹ kụ́ za a tụ́ ịrẹsụ apavahị ka, “Ijeesu Ohinọyị Aniju nịnị yị.”

Imatiwu 27:40

Dị ẹ ka, “Ẹwụ ene vee wú irehi Ohomorihi, di u re tenyi ọọ dà ịhyẹgwẹta anị! Àa vị Ozi Ohomorihi ụ vị nị, dọ ẹngụ awụ tụ́, di u we chí hụụ ịrẹsụ apavahị vẹ!”

Imatiwu 27:41

Avọọ ohirẹsụ ẹbanyị irehi Ohomorihi ne beri ọzwọzọda nịnị ọnịrị ọdọvịdị nịnị mẹ̀ raa sị ọọ mẹ enyinyi nị. Dị ẹ ka:

Ịmaakị 15:31

Avọọ ohirẹsụ ẹbanyị irehi Ohomorihi ne beri ọzwọzọda nịnị mẹ̀ raa sị ọọ mẹ enyinyi nị. Dị ẹ yaa kà a yị ẹngụ ka, “Ọọ̄ dọ aza ẹnẹsa há, ama ọ yị zụ dọ ẹngụ anị há.

Ịmaakị 15:32

Ikirisiti ana vị Ohinọyị Anisirẹrị nịnị ò chí hụrẹ ịrẹsụ apavahị vẹ booro aanị, di yee re e, dị yaa dọ ọ wụ́!” Dị ẹnị ana a rẹ kanyị za apavahị, ẹnị raa mẹ̀ ẹ isiya nị.

Iruuku 19:38

Dị ẹ ka, “Ohomorihi ọ̀ dà tụ́ ịnị ụbanyị yị ohinọyị ana aa vẹ ịnị ịrẹha Ananyị yị! Ẹngwọọrọ ọ̀ yà ini ihinẹba, di igirima ọ̀ rẹ yà ẹbẹẹba!”

Iruuku 23:35

Dị aza jẹẹ, di eyee re Ijeesu nị. Dị ọdọvịdị ẹnịnị ê beri wa mẹ Ijeesu isiya ka, “Ọọ̄ dọ aza ẹnẹsaa há; àa vị ọnị ọ vị Ikirisiti ọnọọ oni Ohomorihi nyị nị, ọ̀ dọ ẹngụ anị há kẹ!”

Iruuku 23:37

Ệ kà a yọ ka, “Àa vị ẹwa vị ohinọyị Aniju nị, ụ dọ ẹngụ awụ há!”

Ịjọọnụ 1:49

Dị Inatanẹrị tụ́ ohi, dị ọ ka, “Ọga, ẹwa vị Ozi Ohomorihi nị. Ẹ wa rẹ vị Ohinọyị Anisirẹrị nịnị nị.”

Ịjọọnụ 12:13

Dị ẹ na jị adambara, dị ẹ kụ́ ọ rị ụvọ aa naa gẹrị ọọ nị. Di eyee nowu ka, “Ihosana! Ohomorihi ọ̀ dà tụ́ ịnị ụbanyị yị ọza ana aa vẹ ịnị ịrẹha Ananyị yị, ana vị Ohinọyị Anisirẹrị.”

Ịjọọnụ 12:47

Ọza ana àa wụ́ ịrẹyị amị, dị ọ̀ yị sị ayị tụra mị nị, ẹ yị vị ẹma vaa mẹ̀ ọkarẹyị yọ, agụvị ka mẹ yị vẹ ẹhẹ ka ma va mẹ̀ ọkarẹyị yị anẹhẹ; mị vẹ ka ma va dọ wa há nị.

Ịjọọnụ 9:24

Dị Aniju nịnị re tenyi ọza ene vịdị gu eyi aanị hị́ nị. Dị ẹ kà a yọ ka, “Ẹwà kà ịrẹyị ịzẹyịza Ohomorihi; ẹyị â yẹ ka ọnọrụ ọnọọ vị ọnịvị.”

Odeyi 4:14

Ama ẹ yị nyị ịsị ẹ zụ kà, agụvị ka eyee re oswahụ ọnọọ ana a mẹ ụkụ ka ọ jẹẹ pe wa.