Imatiwu 27:35 - IWE ỌNỊNỊ

³⁵ Dị ẹ za a, dị ẹ kanyị ọọ za apavahị nị. Dị ẹ gà ịta anị tịtẹ, dị ẹ jị osisi tụ́ ọọ nị. Ệ vavọọ mẹ, agụvị ịrẹyị ọnị ọnịsẹ nịnị vịdị kà, ọ̀ zụ sẹ ka, “Ệ gà ịta amị hi ẹngụ ẹnịnị ụvọ, dị ẹ jị osisii tụ́ ọọ nị.”

Imatiwu 27:35 ပူးပေါင်းရင်းမြစ်များ

Ahẹ Ụgama 22:16

Aza edivi ana ahịka vị ẹ sị mẹẹ anka irezi avọọ vị ana gụ kara mị Ẹnịnị aa na ụvọ amị ọnịrị ahụ amị anka idu mẹ̀ẹ na uyee rị avọọ.

Ahẹ Ụgama 22:18

E yee sì ụvọọ tụ́ ọ ka ẹnị mẹmẹ vaa gà ịta amị mèe wusu.

Iruuku 23:34

Dị Ijeesu ka, “Nda, vagu wa, agụvị ka ẹnịnị ẹ yị yẹ ịsị ẹyaa mẹ!” Dị aza ẹnẹẹ gà ịta Ijeesu nị, dị ẹyaa jị osisii tụ́ ọọ nị.

Ịjọọnụ 20:20

Ịjị ọ vavọọ sị kà, dị ọ sị ụvọ anị ọnịrị akaha anị zụ̀ wa nị. Ịjị ezirẹma nịnị sị Ananyị yị re, dị ẹ kụkụ aa jẹ kẹnẹ nị.

Ịjọọnụ 20:25

Di ezirẹma ana vọ kà a yị Ịtọmọsị ka, “Ya sị Ananyị yị re, ọ!” Dị Ịtọmọsị kà a yị wa ka, “Ẹ̀ yị vị mi re apịtahụ iso ịnị ụvọ anị, dị ma jị igege amị ngụ ọọ, dị ma rẹ jị ụvọ ngụ akaha anị, mẹ yị vaa dọ ọ wụ́.”

Ịjọọnụ 20:27

Dị Ijeesu kà a yị Ịtọmọsị ka, “Sị igege awụ tụ́ ịzẹnị, di u we re ụvọ amị! Rẹ tana ụvọ awụ, dị ụ wa sị tụ́ ịnị akaha amị! Asị ụ rẹ̀ kụkụ mẹ ayị ẹẹva, waa dọ ọ wụ́!”

Odeyi 2:23

Ohomorihi ana yẹ avaba ịsa, ộ vịdị mẹ eto anị tịtẹ ka à sị ọọ chire wu nịnị ụvọ, dị ụ mẹ ka aza edivi ẹ̀ kanyị ọọ za ọchị apavahị, dị ụ vavọọ wụ ọọ nịnị nị.

Odeyi 4:10

 vọrọ ka avaba awụ nịnị ọnịrị avaba Anisirẹrị ọ̀ yẹ ka ọnọrụ ọnọnị ộ jẹẹ ịzẹnị booro aanị, ẹngụ anị ộ ta saka-saka ini oze ụkata Ijeesu Ikirisiti Anịnazarẹtị, ọnị ụ kanyị za ọchị apavahị nịnị, dị Ohomorihi ha a hụụnị isu.