Imatiwu 26:75 - IWE ỌNỊNỊ

⁷⁵ Dị Ipita tamayị, Ijeesu mẹ̀ vịdị kà a ka, “Dị ụkọkọrọ ò ve nowu, ụ vaa kà a tù ụpẹ ẹẹta ka wẹ yị yẹ mị.” Dị Ipita jịnẹ tụ́ ẹhẹ, dị aa jị òrèrè ẹtẹẹtẹrẹ nị.

Imatiwu 26:75 ပူးပေါင်းရင်းမြစ်များ

Imatiwu 10:33

Ama ọza ana àa rẹ kà a éyi aza ka ọnị ọ yị yẹ mị, ẹmị rẹ vaa kà a ọ́vịdị Ada amị ẹbẹẹba ka ẹmị ẹ yị rẹ yẹ ẹ.”

Imatiwu 26:34

Dị Ijeesu kà a yọ ka, “Ịzẹyịza m maa kà a wụ nị, ịnị ịrahụ ana aa vẹ aanị, dị ụkọkọrọ ò ve nowu, ụ vaa kà a tù ụpẹ ẹẹta ka wẹ yị yẹ mị.”

Imatiwu 26:74

Dị Ipita kwẹẹtẹ, di ee chìi hi ẹngụ anị, dị aa hyeku nị, dị ọ ka, “Mẹ yị yẹ ọza ọnọọ!” Kẹnẹ, dị ụkọkọrọ nowu nị.

Ịjọọnụ 13:38

Dị Ijeesu tụ́ ọ ohi ka, “Wê tenyi ẹngụ ka we sú agụvị amịị? Ịzẹyịza m maa kà a wụ nị, ụkọkọrọ o yi vee nowu, dị ụ wa kà a gụ ụpẹ ẹẹta ka wẹ yị yẹ mị.”

1 Anịkọrịntị 4:7

Ẹwụ ana ka ewee huna ọza ana vọ nị, sụ ụ hị́ ka wáa vị? Sụ ụ nyị ẹnẹ ẹ̀yị vị a sị wụ? Àa vị Ohomorihi ọ sị avaba ịsa ọnị ụ nyị yị wụ nị, sẹ vavẹ dị waa mẹ eyi anka ịsa ẹnẹ ẹwụ ụvọta mẹ avọọ?

Anigaratiya 6:1

Ẹwụ nịnị ẹyịnyara amị, àa nyị ọza ana a za ka aa mẹ ịvị, ẹwụ nịnị ana aa mẹ ịsị Ohomorihi sì, ọ̀ tangwa sị ịrẹsụ ọkahi vọrọ ọza ọnọọ zị oze! Dụ wa sị eyi pe ẹngụ awụ, dị asị ụ zẹẹ ka ẹwụ ụvọta ọ̀ hụrẹ ne ngụ ịnị ọyịzamare!

1Ipita 1:5

Ohomorihi raà sị ụkata anị sere wu nịnị, ana sị ayị tụra a, agụvị dị avaba aza e zụ ree gedebee ịnị ụmẹ ọdịrẹma, ka Ohomorihi ọ raà dọ wụ nịnị há.