Imatiwu 26:56 - IWE ỌNỊNỊ

⁵⁶ Avaba ẹsẹnị aa mẹ, agụvị ịsị ọnịsẹ nịnị chẹrẹ tụ́ ini Iwe Ohomorihi ọ̀ zụ sẹ.” Dị avaba ezirẹma na a vọ tịtẹ, di e si zwe nị.

Imatiwu 26:56 ပူးပေါင်းရင်းမြစ်များ

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Ayịsaya 44:26

Ama ozi ahụ amị ọ̀ọ kà ịrẹyị tịtẹ ka ọ vaa mẹ, ịjị màa tụ ọnụtụ amịị tụ ka ọ̀ na kà a ịsị mị vaa mẹ, Mịị̄ mẹ ka ịrẹyị ẹnẹẹ ẹ̀ mẹ ịzẹyịza. Mâ kà a yị Ijerusarẹmị ka aza vanaa ra ịzọọ, dị mị rẹ kà a yị ẹkụra ene hi Ijuda ka e venee tenyi wa dà nị. Mị ka ẹkụra ẹnẹẹ ana jị eburu aanị vanaa kwẹẹtẹ.

Arụwẹ 4:20

Ẹ raà za ohinọyị ọnị Ẹnẹyịmavara nyị yị yị ka ya sị eyi tụra. Ọnị ọ vị ọza ọnị ị sị ayị tụra ka ọ vaa dọ yị ha hụnị ụvọ anẹkụra tụra anẹkụra anaa vị eyi ịrazị ka yị nị.

Ịdanịyẹrị 9:24

Ịrayị ẹtarẹwụ oze ịhịmba Ohomorihi jị ka ọ vaa mẹ dị aza anị ana vị Anijerusarẹmị ẹ va hụụnị ebira odivi ọ̀ yị mẹ, dị a kụ ebira odivi hụrị ẹtẹ nị. A vaa mẹ ka à kụkụ mẹ̀ ịsa ana vọrọ pooro, dị ẹtẹ ọnị Ịdanịyẹrị ré aanị ọnịrị ịrẹyị ọnị ọnịsẹ kà aanị sị gẹ. Dị a varẹma ve tenyi irehi Ohomorihi ana ya Ijerusarẹmị.

Ịdanịyẹrị 9:26

Ịjị ụmẹ ọnọọ ọ̀ọ sị gụ, a vaa kụ ayị ọdọvịdị ọnị Ohomorihi nyị aanị dị aa wụ̀ ọ. Ọdọvịdị ọnyara vaa sị ụkata kụ isoja anị vẹ, dị e vu Ijerusarẹmị ọnịrị irehi Ohomorihi ana ya ịzọọ ẹtẹ. Ịsị ẹ vaa za ịrẹsụ yị ọdọvịdị ọnọọ ve divi ẹtẹẹtẹrẹ. A vaa kụ̀ ịrẹkụ dị e du ịsa ha ẹtẹẹtẹrẹ. Avọọ Ohomorihi mẹ mẹ̀ ẹ ọda tịtẹ nị.

Ịzakaraya 13:7

Ẹnẹyịmavara Ochẹtẹẹngụ kà ụhwọ ọ kwẹẹtẹ tu oseratẹmẹ anị ana mẹ ụkọrọ yị ọnị. Ọ wù ọ dị atẹmẹ anị gara hi ozi. Ọnị a va eyi ịraazị ka aza anị.

Imatiwu 21:42

Dị Ijeesu kà a yị wa ka, “Aanịka wẹẹ̀ yị kà a ini Iwe Ohomorihi nịnị ka: ‘Ịrẹta ọnị ọtụrarehi nịnị yi tịtẹ, ọnị ọ vana vị ọọnyị ịnị ịrẹta anaa sịị̄ dà irehi nị. Ananyị yị ọ maanị mẹ nị, ô hí yi irenu!’

Imatiwu 26:24

Ẹmị Ozi ọza onigirima ve nee sú, anka Íwe Ohomorihi mẹ̀ kà a. Ama ọza ana àa sị mị chire ọnịvị amị ụvọ, ọ sị dà. Ọ yaanị dahi hu ka asị a vana ma ọza ọnọọ vụrụ-vụrụ.”

Imatiwu 26:31

Ịjọnọọ Ijeesu ộ kà a yị wa ka, “Avaba awụ nịnị vee zwee hụrẹ mị ẹngụ ịrahụ ọnị, agụvị ka Iwe Ohomorihi ộ kà a ka: ‘Mi vee tụ́ Oseratẹmẹ, dị atẹmẹ nịnị gara hi.’

Imatiwu 26:54

Màa vavọọ mẹ, Íwe Ohomorihi mẹmẹ kụkụ vaa sẹ ka ịsị ẹ vaa mẹ yị?”

Ịjọọnụ 16:32

Ụmẹ aa vẹ, ộ hyakụ si tù booro aanị, ana a vaa gara wụ nịnịị hi, dị ọzọza zị nọ eehi anị, dị ụ kụkụ navọ ẹmị ịnya nịnị. Ama mẹ yị vị ẹmị ịnya, agụvị ka Ada amị ộ yà pe mi.

Odeyi 1:16

“Ẹwụ nịnị ẹyịnyara amị, Ụhwẹ Ọnịnị ộ vịdị mẹ ka Idevidi ọ̀ chẹrẹ ịsa ini oze Ijudasi tụ́ ini Iwe Ohomorihi. Ijudasi ọnọọ ọ sị oze zụ̀ aza ana va za Ijeesu nị. Ẹ yị zụ nyị ka ịrẹyị ọnọọ ẹyị sẹ.

Odeyi 2:23

Ohomorihi ana yẹ avaba ịsa, ộ vịdị mẹ eto anị tịtẹ ka à sị ọọ chire wu nịnị ụvọ, dị ụ mẹ ka aza edivi ẹ̀ kanyị ọọ za ọchị apavahị, dị ụ vavọọ wụ ọọ nịnị nị.

2 Itimoti 4:16

Ịhị ịpaapa ọnị mị na kụ́ irenu amị, ẹ yị nyị ọza ana jẹẹ pe mi. Avaba ẹnịnị vị ene zwe kà na yị mị. Ohomorihi ọ̀ navọ asị ọ jị ịvị anị yị wa!