Imatiwu 26:55 - IWE ỌNỊNỊ

⁵⁵ Dị Ijeesu kà a yị wa ịnị ụmẹ ọnọọ ka, “Ẹmị ụ kụ́ ụhwọ ọnịrị arubebe aa vaa za nịnị anka oyi avọọ nịị? Eyinị-eyinị ẹmịrị ẹwụ nịnị ộ yà ini irehi Ohomorihi, dị maa zụ̀ wụ nịnị ịsa nị, wẹ yị za mị nịnị.

Imatiwu 26:55 ပူးပေါင်းရင်းမြစ်များ

Imatiwu 21:23

Ijeesu ọ rẹ vavẹ ini irehi Ohomorihi. Ọ màa zụ̀ aza ịsa, dị ohirẹsụ ẹbanyị irehi Ohomorihi beri ọdọvịdị nịnị ve tù ọọ nị. Dị ẹ họ̀ ọ ka, “Ọda ịsị ụ maanị aa sịị mẹ? Ẹnẹ sị ọda ọnọnịị wụ ka wa maanịị mẹ?”

Imatiwu 26:47

Íjeesu mẹ̀ yị yà ịnị ịrẹyị aa kà, dị Ijudasi, ọnya ini ezirẹma ẹwụrẹva vẹ nị. Ộ wara aza saasa ẹngụ vẹ; aza ẹnẹẹ ệ kụ́ ụhwọ beri arubebe za. Ohirẹsụ ẹbanyị irehi Ohomorihi ọnịrị azọkụ nịnị ẹ tụ́ wa vẹ nị.

Ịmaakị 10:1

Ijeesu ộ hụụ ịzọọ, dị ọ na ngụ ẹkụra Ijudiya, dị ọ jịnẹ nọ akẹnẹ Okuha Ịjọdanị nị. Dị ọkọnị aza rẹ wara ká a vẹ nị. Anka ọ mẹ̀ yị mẹ, dị ọ raa zụ̀ wa ịsa nị.

Ịmaakị 12:35

Íjeesu màa zụ̀ aza ịsa ini irehi Ohomorihi, dị ọ ka, “Sị ẹ vẹ dị ọzwọzọda nịnị kà a ka Ikirisiti vị ozi Idevidi?

Iruuku 19:47

Dị aa zụ̀ aza ịsa eyinị-eyinị ini irehi Ohomorihi ọnọọ nị. Dị ohirẹsụ ẹbanyị irehi Ohomorihi ọnịrị ọzwọzọda nịnị ne beri ọdọvịdị ẹkụra nịnị ee sì oze ka ẹnị ẹ̀ wụ ọọ nị.

Iruuku 20:1

Ẹkụhị ọnya, Íjeesu màa zụ̀ aza ịsa ini irehi Ohomorihi, dị aa kà enube ọyịzaa yị wa nị. Ohirẹsụ ẹbanyị irehi Ohomorihi ọnịrị ọzwọzọda nịnị beri ọdọvịdị nịnị ê ve tù,

Iruuku 4:20

Dị Ijeesu kú iwe ọnọọ oku, dị ọ rẹ sị yị ọza ana sị eyi pe iwe, dị ọ na yaayịtẹ nị. Dị aza ene hi ini irehi Ohomorihi ọnọọ sị eyi pe Ijeesu, di eyee re e gegege nị.

Ịjọọnụ 7:14

Ịjị a sị ngụ achẹva eche, dị Ijeesu nọ ini irehi Ohomorihi, dị ọ na zụ̀ aza ịsa nị.

Ịjọọnụ 7:28

Íjeesu màa zụ̀ aza ịsa ini irehi Ohomorihi, dị ọ kà ịrẹyị tụ́ ẹba nị, dị ọ ka, “Wáá yẹ mị nịnị? Wáá rẹ yẹ ịzị mị hụrẹ vẹ nịnị? Ẹ yị vị ẹmị ụvọta ọ tụ́ ẹngụ amị vẹ ẹhẹ. Ọza ana tụ́ mị vẹ ẹhẹ vị ọnịzẹyịza; ama wẹ yị yẹ ẹ nịnị.

Ịjọọnụ 8:2

Ẹnẹnẹ viri-viri eyinẹhẹ anị, dị ọ rẹ vavẹ ini irehi Ohomorihi nị. Dị aza rẹ wara ve tù ọọ nị. Dị Ijeesu yaayịtẹ, dị aa zụ̀ wa ịsa nị.

Ịjọọnụ 8:20

Ịrẹyị ẹnẹnị vị oni Ijeesu kà, ọ mẹ yà ịzị aā tụ́ ẹkẹhịị tụ́ ini irehi Ohomorihi dị aa zụ̀ aza. Ẹ yị nyị ọza ana sị ụvọ kanyị ọọ, agụvị ka ụmẹ anị oò yi tù.