Imatiwu 26:39 - IWE ỌNỊNỊ

³⁹ Dị ọ kà nọ ọvịdị chee, dị ọ va ku ẹtẹ, dị aa mẹ̀ aduwa nị. Dị ọ ka, “Ọga, ọ̀ọ yaanị rụra mẹ, ụmẹ ụyọrị ọnọnị ọ̀ há hụrẹ mị ịrẹsụ; ama ẹ yị vị ịsị mi sì, ẹ̀ yị vị ịsị u wèe sì.”

Imatiwu 26:39 ပူးပေါင်းရင်းမြစ်များ

Oyinyima 17:3

Di Abụramị tana tụra ẹtẹ, di Ohomorihi rẹ kà a yọ ka:

2 Ịsamụwẹrị 15:26

Ọ kà àa vị Ẹnẹyịmavara kà o yi zee ọnị eyi ka ọnị ọ̀ vavọọ nyị oni iyi nị, ọnị ộ dọ. Ọ kà ịsị èe zee e eyi kẹnẹ ọ mẹ̀ ọnị.

1 Ịtọpa 21:16

Idevidi ô re anggẹẹrị ọnọọ ka ọ jẹẹ ịnị ahị. Ộ sị ụhwọ rị ụvọ enee ve sii vu Ijerusarẹmị ẹtẹ. Dị Idevidi ọnịrị azọkụ-azọkụ Anisirẹrị ana kụ́ ịta anaā sịị zị ẹngụ, dị ẹ ku ẹtẹ nị. Avaba ẹnịnị vị ana kụ́ ịta ana aa sịị̄ zị ẹngụ hi ẹngụ.

Ayịsaya 50:5

Ộ mẹ̀ ka ọnị yẹ, dị asị ọnị mẹ akamawụ, dị asị ọnị va ịrẹma ka ọnị.

Ayịsaya 53:12

Agụvị avọọ, Ẹnẹyịmavara kà, “Mị vaa sị udi ụbanyị yọ ẹtẹẹtẹrẹ. Ọnịrị aza ana nyị ụbanyị beri aza ana nyị ụkata vee hi aha ọnya. Ộ dọ ka oni ò sú, dị á za a ịrịka beri aza ana rị ịvị nị, ama ụya ịvị aza ọrụrụ ọ rị nị, dị aa da ịpẹ agụvị aza ana rị ịvị nị.”

Ezikẹẹrị 1:28

Ọ kà ịra anaa zẹtẹẹ kara a aanị vị ana sị mẹẹ anka ọgaazị ana hụrẹ ụmẹ orihi avọọ. Etohweyi chanyị-chanyị ọnọnị vị anaa sịị zụ ka Ẹnẹyịmavara yà ịzọọ. Ezikẹẹrị ka ọnị me re e, ọnị ô và eyi ku ẹtẹ, dị ọnị wụ́ ọngwẹ ọza anaa kà ịrẹyịị yị ọnị nị.

Ịrịka 14:5

Dị Imosiisi ọnịrị Eerọnị tana tụra ẹtẹ ọvịdị ẹnịnị.

Ịrịka 16:22

Ama dị ẹnị ẹyịva ẹnẹẹ ka ịrẹsụ hi, dị ẹ mẹ̀ aduwa kà a, Tee! Ohomorihi anaā sịị ụhwẹ yị aza, sị ẹ vị dị a vaa hụvị ọza ịnya kụ ayị hi avaba ịragụ?

Imatiwu 20:22

ị Ijeesu tụ́ ohi, dị ọ ka, “Wẹ yị yẹ ịsị u wee họ̀ use nịnị. Wáá va zụụ sị akoo hú ụyọrị oni mi vee hú nịnị?” Dị ẹ kà a yọ ka, “Ya zụ mẹ̀ ẹ.”

Imatiwu 24:24

Agụvị ka onireche nịnị ana ka ẹnị vị ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị ẹ̀ nyẹngụ si vene aza oni Ohomorihi sị nyị, ẹ̀ẹ zụ mẹ̀ ẹ.

Imatiwu 26:42

Dị ọ rẹ varẹma ụpẹ ọhụva na mẹ̀ aduwa nị, dị ọ ka, “Ọga, àa vị ka ụyọrị ọnọnị ọ yị zụ hụrẹ mị ịrẹsụ, ẹ̀ yị vị mị rị ọọ, mẹ ịsị u wèe sì!”

Ịmaakị 13:22

agụvị ka onireche nịnị ana ka ẹnị vị Ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị di è si vene aza. Ẹ hyakụ vaa sịị vụrị ka eni è vene aza oni Ohomorihi sị nyị bẹẹ.

Iruuku 17:16

Dị ọ tana tụra ẹtẹ ọ́vịdị Ijeesu, dị aa kụ́ ọọ avọ nị. Ọza ọnọọ vị Anịsamarịya.

Ịjọọnụ 11:41

Dị ẹ sị ịrẹta ọnọọ kwooze nị. Dị Ijeesu sị eyi anị tụ́ ẹba, dị ọ ka, “Ọga, mâ kụ́ wụ avọ, agụvị ka wâ sị ụtọ tụ́ ịnị ịrẹyị amị.

Ịjọọnụ 14:31

Maa mẹ avaba ịsa ana Ada amị mẹ ọdaa mị ka ma mẹ, agụvị dị anẹhẹ ẹ̀ zụ yẹ ka mê sì ịrẹyị Ada amị. Vẹ ya hụụ ịzẹnị, ya na nịnị!”

Ịjọọnụ 18:11

Dị Ijeesu kà a yị Ipita ka, “Sị ụhwọ awụ chire ịhị anị! Ụ wáá ka asị mị rị ụya ana Ada amị sị mị ka ma rị nị?”

Ịjọọnụ 5:19

Dị Ijeesu va kà a yị wa ka, “Ịzẹyịza m maa kà a wụ nịnị nị, ẹ yị nyị ịsị ẹmị Ozi Ohomorihi zụ dà mẹ yị ẹngụ amị, ẹ̀ yị vị ịsị mèe re ka Ada amị aa mẹ; agụvị ka ịsa tụra ịsa ana Ada amị àaa mẹ, ọnị émi Ozi anị raa mẹ nị.

Ịjọọnụ 5:30

Ijeesu ọ rẹ kà a ka, “Ẹ yị nyị ịsị mị nyẹngụ dà mẹ yị ẹngụ amị. Óhomorihi ọ̀ọ mẹ̀ ka ma mẹ̀ ọkarẹyị, m maa mẹ̀ ẹ nị. Agụvị avọọ ịzẹyịza m maa sịị mẹ̀ ọkarẹyị amị nị, agụvị ka ẹ yị vị ịsa ene zé mi eyi kẹnẹ m mee sì, ama ịsa ene zé Ada amị ana tụ́ mị vẹ ẹhẹ eyi m mee sì nị.

Ịjọọnụ 6:38

agụvị ka mị hụrẹ ẹbẹẹba vẹ ẹhẹ ka ma va mẹ̀ ịsa ọnị ọza ana tụ́ mị vẹ ẹhẹ sì nị. Mẹ yị vẹ ka ma va mẹ̀ ịsa ene zé mi eyi.

Odeyi 10:25

Ípita màa vaa ngụ eehi, dị Ịkọnẹrịyọsị na gẹrị ọọ, dị ọ và ku ẹtẹ kụ́ ọọ nị.

Anihwiripi 2:8

dị ọ ra ịnị ẹhẹ anka ọza nị. Ộ kà ẹngụ anị chi, dị ọ hyakụ zẹẹ ka à wụ́ ọnị, dị ahịka vị a hyakụ kanyị ọ za ọchị apavahị nị.

Anihiburu 5:7

Ịnị ụmẹ oni Ijeesu sị yà ẹhẹ, ộ mẹ̀ aduwa ẹtẹẹtẹrẹ, dị ọ hyakụ aa ká ẹgọ, o mèe nowuu hị́ Ohomorihi ana zụ dọ ọ tụ ka asị ọ sú, Ohomorihi ộ wụ́ aduwa anị agụvị ka ộ sị ayị yị Ohomorihi.

Ẹtore 19:10

Dị mị và ku ẹtẹ ọvịdị anị ka ma hẹkẹ ẹ nị. Ama dị ọ kà a mị asị mị vavọọ mẹ nị. Ọ kà, Ọnịrị ẹyị dudu vị ezi ahụ beri anda ayị nịnị ana dọ ịrẹyị Ijeesu wụ́. Ohomorihi a vọrọ ka yaa hẹkẹ nị. Ịrẹyị ọnị Ijeesu sị zụ̀ ọ mẹ ka ọnịsẹ nịnị ẹ̀ zụ kà ịsẹ nị.