Imatiwu 26:29 - IWE ỌNỊNỊ

²⁹ Ịzẹyịza m maa kà a wụ nịnị nị, me mē vene hú eche ọnọnị pooro ne tù ẹkụhị oni mi vee hú ọọ ọwọọwa ịzị Ada amị yà aa mẹ ịjọva.”

Imatiwu 26:29 ပူးပေါင်းရင်းမြစ်များ

Ahẹ Ụgama 104:15

Wâ mẹ ka ẹ̀ nyị eche ẹnị e vee hú dị ayị ẹnịnị òo hine, di ẹ̀ rẹ nyị angwẹ ene e ve sii sisi eyi, di eyi ẹnịnị ọ̀ọ swa. Ẹ rẹ nyị ịsọyịrị ana vaa sị ụkataa yị wa.

Ahẹ Ụgama 4:7

Wâ mẹ ka ịnẹ amị o hine huna aza ana nyị akụ ọnịrị ẹnị eche ozoza gwẹtẹ yị.

Ahẹ Ụgama 40:3

Ohomorihi ộ mẹ̀ ka ma zụụ jị ahẹ dị ma sịị sị ụbanyịị yị ọnị Aza ọrụrụ-ọrụrụ vee re ịsị Ohomorihi mẹ, dị ẹ yaa sị ụbanyịị yọ, dị ẹ rẹ sị ayị tụra a.

Ahẹ Isoromọnị 5:1

Ma raà ngụ ịnị ụbazị amị, ose mi anaā sịị ayị amịị hine. Maa kụ avị irenyi-irenyi ana a sịị̄ mẹ̀ ịsaa hine ọnịrị ịmaya amị gụ. Maa rị ẹhụ amị ọnịrị ụpaha anị. Mee hú eche ọnịrị ịrẹva ụnọ amị. Ẹwụ nịnị ọnị mị sì ịrẹyị anị, rị ịsa, di wee hú nịnị; waa mẹrị nịnị kẹnẹ.

Ayịsaya 25:6

Ẹnẹyịmavara Ochẹtẹẹngụ vaa mẹ̀ ịsa ozoza gụ ẹtẹ ịrẹsụ ataba dị ọ ka ọzọza ẹ̀ va rị. Ịsa ọnọọ ộ nyị eche ene zoza ẹtẹẹtẹrẹ ne beri uye ene zoza.

Ayịsaya 53:11

Ịjị òo re avaba ịsị ẹ mẹ agụvị ụya ọnị ọnị rị, ayị anị vee hine. Agụvị ịsa ene reè tù ọ, ozi ahụ amị ana vị ọnịrẹyịzẹyịza vaa mẹ ka, aza ọrụrụ-ọrụrụ ẹ̀ vara ọnịrẹyịzẹyịza, agụvị ka ọnị ọ rị avaba ụya ịvị ẹnịnị nị.

Ịzẹhwanaya 3:17

Ẹnẹyịmavara ana vị Ohomorihi awụ nịnị yà pe wụ. Ụkata anị aa sị wụ nịnị nyị ehuna ọnịvị awụ nịnị nị. Agụvị ka o sì ịrẹyị ẹnịnị, ọ vaa sị ayị awụ nịnị nẹtẹ, O vee hine ayị tu wu nịnị, dị aa jị ahẹ ịnohine.

Ịzakaraya 9:17

Ẹ vaa da zoza kẹnẹ! Ọpa ezweyi ẹnịnị vaa hụ anka ịzọọ anka akụ ịnị aarẹ, a vị ẹtụtụ igirepi ịnị ụbazị ịvayịnị avọọ nị.

Imatiwu 13:43

Dị ọnịzẹyịza nịnị ẹnị aa zẹtẹ anka ọyị avọọ ịzị Ohomorihi Ada ẹnịnị yà aa mẹ ịjọva. Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ!”

Imatiwu 16:28

Ịzẹyịza m maa kà a wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro, di è re, Ózi ọza onigirima màa vẹ vaa mẹ ịjọva.”

Imatiwu 18:20

Agụvị ka ịzị aza ẹnị ẹẹva, àa vị ẹẹta kụ́ ẹngụ gụ ịnị ịrẹha amị, mị vaa yà ịnị akakana ẹnịnị.”

Imatiwu 25:34

Ịjọnọọ dị Ohinọyị kà a yị aza ene hi eyi ụvọrị anị ka: ‘Wa vẹ nịnị, ẹwụ nịnị ana Ada amị raà mẹ ka ò zé yị! Ngụ ịzị Ohomorihi yà aa mẹ ịjọva, oni o si tenyi tịtẹ wụ nịnị, ẹ́hẹ mè hụrẹ nyima.

Imatiwu 26:28

Ọsọnị ọ vị anya amị oni Ohomorihi sị sị ụvọ tụ́ ịnị oto ọwọọwa, oni mi vee chee sẹ́ ẹtẹẹ yị aza ọrụrụ, dị à sị sị ịvị ẹnịnị vagu wa.

Imatiwu 26:30

Dị ẹ jị ahẹ ọnya, dị ẹ hụụ ịzọọ, dị ẹyaa nọ ịnị Ataba Orivi nị.

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Ịmaakị 14:25

Ịzẹyịza m maa kà a wụ nịnị nị, me mē vene hú eche ọnọnị pooro ne tù ẹkụhị oni mi vee hú ọọ ọwọọwa ịzị Ohomorihi yà aa mẹ ịjọva.”

Iruuku 12:32

“Ẹwụ nịnị ịragụ oweyi, asị u hí angwa nịnị, agụvị ka ịnẹ Ada awụ nịnị ô hine ka wa ngụ ịdị anị nịnị dị ọnị ọ̀ọ mẹ ịjọvaa tụra wụ nịnị.

Iruuku 15:32

 vọrọ ka yaa rị eche, dị yaa mẹ inohine, agụvị ka ọyịnyara awụ ọnọnị ô sú, ọ rẹ sị yara; ô vú, ya sị ọọ hèe.’ ”

Ịjọọnụ 15:11

M maanị aa kà ịrẹyị ọnọnịị wụ nịnị, agụvị dị ịrajẹ ọnị mị nyị, ọ̀ zụ và awụ nịnị, ịjọnọọ dị ịrajẹ awụ nịnị kụkụ sị gụ.

Ịjọọnụ 16:22

Ayị awụ nịnị o si du booro aanị, ama mị vanaa vẹ vee hee wu nịnị; ịjọnọọ ayị awụ nịnị vee hine ẹtẹẹtẹrẹ. Ẹ yị nyị ọza ana va zụụ dọ wụ nịnị ẹngụ ayohine ọnọọ.

Ịjọọnụ 17:13

“Booro aanị, maa vẹ ịdị awụ. Maa kà ịsa ẹnẹnị, m mẹ̀ yị yà ịnị ẹhẹ aanị, agụvị dị ẹ̀ zụ nyị inohine amị tụ́ ịnị ayị ẹnịnị, dị ọ̀ gụ.

Odeyi 10:41

Ẹ yị vị avaba aza ọ sị ẹngụ zụ̀, ẹ̀ yị vị onivenu oni Ohomorihi vịdị sị nyị. Ẹyị rẹ yà ini onivenu ẹnẹẹ. Ẹyịrị ọ ộ rị, yê hú, ọ mẹ̀ sị ha hụụnị isu.

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

Ẹtore 14:3

Dị ẹ jẹẹ ọvịdị aga ohinọyị ọnọọ ọnịrị ịsa ẹẹna ẹnẹẹ ana nyị ụhwẹ, beri azọkụ ẹnẹẹ, dị ẹyaa jị ahẹ ọwọọwa ọnya nị. Ẹ yị nyị ọza ana zụ kọ ahẹ ọnọọ, ẹ̀ yị vị aza ẹnị akawụ-akawụ oze ẹtarẹwụ tụra ẹẹva ẹnẹẹ (144,000) ana a sị hị́ varẹma hụụnị ẹhẹ kẹnẹ.

Ẹtore 7:17

Agụvị ka Ozi Atẹmẹ ana yà ọvịdị aga ohinọyị vaa tẹsị ẹnịnị anka oseratẹmẹ. Dị aa kụ́ waa nọ aha ene enyi ẹtẹ anaā mẹ ka ọza ọ̀ yàra pooro zịna-zịna yà. Ohomorihi vee nyee avaba ẹgọọ hụụnị eyi ẹnịnị.