Imatiwu 26:28 - IWE ỌNỊNỊ

²⁸ Ọsọnị ọ vị anya amị oni Ohomorihi sị sị ụvọ tụ́ ịnị oto ọwọọwa, oni mi vee chee sẹ́ ẹtẹẹ yị aza ọrụrụ, dị à sị sị ịvị ẹnịnị vagu wa.

Imatiwu 26:28 ပူးပေါင်းရင်းမြစ်များ

Ijeremaya 31:31

Ẹnẹyịmavara kà, re, ụmẹ aa vẹ ọnị ọnịrị Anisirẹrị beri Anijuda nịnị vaa zẹẹ oto ọwọọwa.

Ireevi 17:11

Ịnị ẹhẹ avaba ịsa ana yara ya nị; agụvị avọọ, Ẹnẹyịmavara sị kà a ka àa và a hi ịrẹsụ ụta ịsọvọ, dị à sị kụ ịvị aza kwooze nị. Anya ana vị ẹhẹ, ọọ̄ kụ ịvịị kwooze nị.

Ịzakaraya 9:11

Ẹnẹyịmavara kà agụvị eku ọnị ọnị sị anya ịsọvọ hị́ beri wa, ọnị vaa dọ wa ha hụrẹ ụvọ aza ana za wa ọrịhị. Udi ọrịhị ẹnịnị sị mẹẹ anka ọza ọ̀ọ jị ọza ẹngwa tụ ịnị ịkangga osusu avọọ nị.

Imatiwu 20:28

Agụvị ka ẹmị Ozi ọza onigirima mẹ yị vẹ ka à mẹ ozi ahụ yị mị, ama ka ma mẹ ozi ahụ yị aza, dị ma rẹ sị ụhwẹ amị hị́ aza ọrụrụ-ọrụrụ varẹma.”

Imatiwu 26:27

Dị ọ rẹ sị ako anaa sị ká eche tịtẹ nị; dị ọ kụ́ Ohomorihi avọ, dị ọ sị yị wa nị, dị ọ ka, “Avaba awụ nịnị ò hú ịnị anị!

Imatiwu 26:29

Ịzẹyịza m maa kà a wụ nịnị nị, me mē vene hú eche ọnọnị pooro ne tù ẹkụhị oni mi vee hú ọọ ọwọọwa ịzị Ada amị yà aa mẹ ịjọva.”

Imatiwu 6:12

Vagu yi ịnị ịvị ayị, anka ẹyị mẹ rẹ vagu aza ana mẹ̀ odivi hi yi.

Ịmaakị 1:4

Ịjọọnụ ọhwọzenyi ọ vavẹ, ộ nọ ịnị ụnọmị, dị aa kà ịrẹyị Ohomorihi yị aza nị, dị ọ ka, “Ro ịnẹ varẹma hụụnị ebira odivi awụ nịnị, dị ma mẹ̀ ọyịhwọzenyi yị wụ nịnị, dị Ohomorihi ọ̀ vagu wu ịnị ịvị awụ nịnị!”

Ịmaakị 14:24

Dị Ijeesu kà a yị wa ka, “Ọsọnị ọ vị anya amị nị, ana vị oto ọwọọwa, oni mi vee chee sẹ́ ẹtẹ yị aza ọrụrụ-ọrụrụ.

Iruuku 22:19

[Dị ọ rẹ sị Ịbụrẹẹdị, dị ọ kụ́ Ohomorihi avọ tụ́ ọọ nị. Dị ọ dà a, dị ọ sị yị ezirẹma anị nị. Dị ọ ka, “Ọsọnị ọ vị ẹngụ amị ana a sị mẹ̀ ịsọvọ agụvị awụ nịnị nị. Waa mẹ ọsọnị, dị ụ wa sịị tamayị amị nịnị!”

Iruuku 22:20

Dị ọ rẹ sị ako ana a sị ká eche tịtẹ, ẹ mẹ̀ sị ịsa oruva ọnọọ rị nị. Dị ọ ka, “Eche ini ako ọnọnị ọ vị oto ọwọọwa oni Ohomorihi sị anya amị sị ụvọ tụ́ nị. Mi vee che anya amị ọnọọ sẹ́ ẹtẹ yị wụ nịnị.]

Aniroomi 5:15

Ama oze oni Ohomorihi zịị sị ịsaa yị ọza ọọhẹ, o yi véné oze ana Adamị zị mẹ ịvị. Ịzẹyịza, aza ọrụrụ-ọrụrụ ê sú agụvị ịvị ọnị ọza ịnya ọnọọ mẹ. Ama ayamva Ohomorihi oni ô huna avọọ ẹtẹẹtẹrẹ. Ini oze ayamva ọza ịnya ana vị Ijeesu Ikirisiti, Ohomorihi ộ sị ẹyịza anị yị aza ọrụrụ-ọrụrụ ọọhẹ kẹnẹ.

Aniroomi 5:19

Ọza ịnya ọ mẹ akamawụ, dị ọ mẹ ka aza ọrụrụ-ọrụrụ ana vọ ẹ̀ vị ọnịvị nị. Avọọ gẹdẹ-gẹdẹ ọ́za ịnya ana wụ́ ịrẹyị chire Ohomorihi ọnị mẹ̀ rẹ mẹ ka Ohomorihi ọ̀ jị ịhị yị aza ọrụrụ-ọrụrụ nị.

1 Anịkọrịntị 11:25

Ịjị ẹ sị ịsa rị, dị ọ rẹ vavọọ sị ako anaa sị ká eche tịtẹ, dị ọ rẹ ka, “Eche ini ako ọnọnị vị ana jẹẹ yị oto ọwọọwa ana a sị anya amị zẹẹ. Ụmẹ tụra ụmẹ wa maanị ee hú eche ọnọnị nịnị, dị ụ wa sịị tamayị amị nịnị.”

Anẹhwẹsọsị 1:7

Ozi anị ọnọọ ô che anya anị sẹ́ ẹtẹ, di o sú yị ịvị ayị nị. Agụvị ayamva Ohomorihi ana ahịka ọ́ọ banyị ẹtẹẹtẹrẹ, ọ vavọọ sị yà nị.

Anikorasi 1:14

Ozi anị ọnọọ ọ hị́ yị varẹma, dị ọ rẹ vagu yị ịnị ịvị ayị nị.

Anikorasi 1:20

Ini oze Ozi anị ọnọọ, Óhomorihi raà mẹ ka ọnịrị avaba ịsa è zé nị. Ini oze anya oni Ozi anị ọnọọ che sẹ ẹtẹ ịrẹsụ apavahị o mè sú, Ohomorihi ô na oze ẹngwọọrọ yị avaba aza ẹhẹ ọnọnị ọnịrị ẹbẹẹba.

Anihiburu 10:29

Ọ̀ọ vavọọ yà, zama a dị a re ẹngụ ụya ene vee tù aza ana àa sị eyi wụ Ozi Ohomorihi, agụvị ka anya oni Ijeesu sị hị́ eku, dị ọ sị vara ọza anị ọnịnị, ee ree ịsa ịyẹyẹ. Ọ rẹ sị eyi wụ Ụhwẹ Ọnịnị anaā mẹ ọyịzaa yị ọza.

Anihiburu 13:20

Ohomorihi ọọ̄ sị ẹngwọọrọ yị ọza nị. Ọ raà mẹ ka Ijeesu Ananyị yị ọ̀ ha hụụnị isu. Ijeesu ọnọọ ọ vị ọza ana sị eyi pe aza anị ẹtẹẹtẹrẹ nị. Ộ sị anya anị sị ụvọ tụ́ ịnị oto ana yà pooro zịna-zịna.

Anihiburu 9:28

Avọọ Íkirisiti ọnị mẹ̀ rẹ sị ẹngụ anị mẹ̀ ịsọvọ ụpẹ ọnya gene-gene nị, ka ọnị ọ̀ kụ́ ịvị aza ọrụrụ-ọrụrụ kwooze. Ọ rẹ vanaa vaa vẹ ịnị ẹhẹ ọnọnị, ama ayị vị agụvị ịvị. Aza ene ee zí ọọ eyi, aa vaa dọ ọ há nị.

1 Ịjọọnụ 2:2

Ọnị ọ sị ẹngụ anị mẹ̀ ịsọvọ ana kụ́ ịvị ayị kwooze nị. Ẹ́ yị hyakụ vị ẹ́ẹyịnya kẹnẹ, ama ịvị avaba anẹhẹ.

Ẹtore 7:14

Dị mị ka: Nda, mẹ yị yẹ, ẹwa yẹ nọ. Dị ọ kà a mị ka: Aza ẹnẹnị ẹ vị aza ana sị ụya ọbanyị há va jịnẹ, dị ẹ nyịna awuru ẹnịnị ịnị anya Ozi Atẹmẹ ọnọọ, dị ẹ kụkụ aa vwẹtẹ sẹnẹ-sẹnẹ nị.

Ẹtore 7:9

Ị́rẹma ẹnẹẹ, dị mị rẹ kana eyi, di mi re ọkọnị aza ọnị ọza ọ̀ yị zụ za ịrịka nị. Ẹnịnị vị ana hụrẹ avaba ẹkụra ịnị ẹhẹ saka-saka ana aa kà ẹkụra irenyi-irenyi vẹ, dị ẹ jẹẹ ọvịdị aga ohinọyị ọnọọ, ọnịrị ọvịdị Ozi Atẹmẹ nị. Ẹnịnị vi ene chire awuru ọvwọọvụ, dị ẹ sị avị ụda rị ụvọ nị.