Imatiwu 26:27 - IWE ỌNỊNỊ

²⁷ Dị ọ rẹ sị ako anaa sị ká eche tịtẹ nị; dị ọ kụ́ Ohomorihi avọ, dị ọ sị yị wa nị, dị ọ ka, “Avaba awụ nịnị ò hú ịnị anị!

Imatiwu 26:27 ပူးပေါင်းရင်းမြစ်များ

Ahẹ Ụgama 116:13

Mị vaa sị eche dị ma sị va mẹ̀ ịsọvọ kụ́ Ẹnẹyịmavara avọ agụvị ka ộ dọ mị há.

Ahẹ Isoromọnị 5:1

Ma raà ngụ ịnị ụbazị amị, ose mi anaā sịị ayị amịị hine. Maa kụ avị irenyi-irenyi ana a sịị̄ mẹ̀ ịsaa hine ọnịrị ịmaya amị gụ. Maa rị ẹhụ amị ọnịrị ụpaha anị. Mee hú eche ọnịrị ịrẹva ụnọ amị. Ẹwụ nịnị ọnị mị sì ịrẹyị anị, rị ịsa, di wee hú nịnị; waa mẹrị nịnị kẹnẹ.

Ahẹ Isoromọnị 7:9

U me ku mị irenu, irenu awụ ô hine huni eyi eche ozoza. ana tangwa ee sìi vaa chi ini irenu ọza ọnị sì aanị. Di ee sìi vaa tụra onupa ọnịrị anyị anị nị.

Ayịsaya 25:6

Ẹnẹyịmavara Ochẹtẹẹngụ vaa mẹ̀ ịsa ozoza gụ ẹtẹ ịrẹsụ ataba dị ọ ka ọzọza ẹ̀ va rị. Ịsa ọnọọ ộ nyị eche ene zoza ẹtẹẹtẹrẹ ne beri uye ene zoza.

Ayịsaya 55:1

Ẹnẹyịmavara kà, avaba ẹwụ nịnị oni onyi aa kụ̀, wa vẹ nịnị. Enyi yị! Ẹwụ nịnị ẹnẹ ẹ̀ yị nyị ẹkẹhị, wa vẹ. Vá hị́ apaapa dị ụ wa rị ọ. Vá hị́ eche ọnịrị ịrẹva ụnọ ọọhẹ nịnị.

Imatiwu 15:36

Dị ọ sị Ịbụrẹẹdị ịhịmba beri ivovo ẹnẹẹ, dị ọ kụ́ Ohomorihi avọ tụ́ ọọ, dị ọ dà wa, dị ọ sị yị ezirẹma anị, dị ẹ gà ẹ yị aza ẹnẹẹ nị.

Imatiwu 26:26

Ẹ́nịnị màa rị ịsa, dị Ijeesu sị Ịbụrẹẹdị, dị ọ mẹ̀ aduwa tụ́ ọọ nị. Dị ọ dà a, dị ọ sị yị ezirẹma anị nị. Dị ọ ka, “Dọ dị ụ wa rị ọọ nịnị, ọsọnị ọ vị ẹngụ amị nị.”

Imatiwu 26:28

Ọsọnị ọ vị anya amị oni Ohomorihi sị sị ụvọ tụ́ ịnị oto ọwọọwa, oni mi vee chee sẹ́ ẹtẹẹ yị aza ọrụrụ, dị à sị sị ịvị ẹnịnị vagu wa.

Iruuku 22:20

Dị ọ rẹ sị ako ana a sị ká eche tịtẹ, ẹ mẹ̀ sị ịsa oruva ọnọọ rị nị. Dị ọ ka, “Eche ini ako ọnọnị ọ vị oto ọwọọwa oni Ohomorihi sị anya amị sị ụvọ tụ́ nị. Mi vee che anya amị ọnọọ sẹ́ ẹtẹ yị wụ nịnị.]

1 Anịkọrịntị 10:16

Yàa rị ịsọyịrị Ananyị yị, dị ị sị ako ana sị ká eche tịtẹ, dị ị kụ́ Ohomorihi avọọ tụ́ ọọ, di i hú ọọ, ana sị zụ̀ ka ẹyịrị Ikirisiti ộ vabẹ ini oze anya anị. Ụbụrẹẹdị ọnị ịị̄ rẹẹ dà, dị ya rị ọọ, ọ rẹ sị zụ̀ ka ẹyịrị Ikirisiti ộ vabẹ ini oze ẹngụ anị.

1 Anịkọrịntị 11:28

Agụvị avọọ, ọzọza ọ̀ zama ẹngụ anị re ẹtẹẹtẹrẹ, dị ọ̀ va rị Ịbụrẹẹdị Ananyị yị, dị ò re ve hú eche ọnọọ!