Imatiwu 26:24 - IWE ỌNỊNỊ

²⁴ Ẹmị Ozi ọza onigirima ve nee sú, anka Íwe Ohomorihi mẹ̀ kà a. Ama ọza ana àa sị mị chire ọnịvị amị ụvọ, ọ sị dà. Ọ yaanị dahi hu ka asị a vana ma ọza ọnọọ vụrụ-vụrụ.”

Imatiwu 26:24 ပူးပေါင်းရင်းမြစ်များ

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Ahẹ Ụgama 55:15

Ohomorihi, navọ ahịka isu asigiri ọ wụ ọnịvị amị nị! Navọ ahịka ireyi-ireyi e ne e nị, agụvị ka ịsa odivi o hi ịnị ayị ẹnịnị nị.

Ahẹ Ụgama 55:23

Ohomorihi, aza edivi vị ọnị ụ vaa gụụ hyẹdụ Ọwọza ọnịrị onireche e yi yèe tù achẹva ẹhẹ ẹnịnị di è sú Ama ẹmị vị ana vaa sị ayịị tụra wụ.

Ịdanịyẹrị 9:26

Ịjị ụmẹ ọnọọ ọ̀ọ sị gụ, a vaa kụ ayị ọdọvịdị ọnị Ohomorihi nyị aanị dị aa wụ̀ ọ. Ọdọvịdị ọnyara vaa sị ụkata kụ isoja anị vẹ, dị e vu Ijerusarẹmị ọnịrị irehi Ohomorihi ana ya ịzọọ ẹtẹ. Ịsị ẹ vaa za ịrẹsụ yị ọdọvịdị ọnọọ ve divi ẹtẹẹtẹrẹ. A vaa kụ̀ ịrẹkụ dị e du ịsa ha ẹtẹẹtẹrẹ. Avọọ Ohomorihi mẹ mẹ̀ ẹ ọda tịtẹ nị.

Ịzakaraya 12:10

Ẹnẹyịmavara kà a, ọnị vaa mẹ ka ezi Idevidi ẹnịrị aza ana ra Ijerusarẹmị ẹẹ vayị ọza, dị ẹẹ mẹ̀ aduwa. Ẹnịnị vee re ọza ẹnẹ ẹ sị ụ̀hwọ̀ wụ̀, dị ẹ yaa zị ẹngụ yọ anka aza anaa zị ẹngụ yị ozi ene su avọọ. Ẹ vaa nyayịnẹ zị ẹngụ anka ozi ịpaapa ọza ô rere su avọọ nị.

Ịzakaraya 13:7

Ẹnẹyịmavara Ochẹtẹẹngụ kà ụhwọ ọ kwẹẹtẹ tu oseratẹmẹ anị ana mẹ ụkọrọ yị ọnị. Ọ wù ọ dị atẹmẹ anị gara hi ozi. Ọnị a va eyi ịraazị ka aza anị.

Imatiwu 18:7

Anẹhẹ ẹ sị dà agụvị ịsị ẹẹ̄ mẹ ọzaa mẹ ịvị. Ẹ yị zụ nyị ka ịsị ẹẹ̄ mẹ ọzaa mẹ ịvị, ọyị vẹ; ama ọza ana àa kụ́ ịsa ẹnẹẹ vẹ, ọ sị dà.

Imatiwu 26:31

Ịjọnọọ Ijeesu ộ kà a yị wa ka, “Avaba awụ nịnị vee zwee hụrẹ mị ẹngụ ịrahụ ọnị, agụvị ka Iwe Ohomorihi ộ kà a ka: ‘Mi vee tụ́ Oseratẹmẹ, dị atẹmẹ nịnị gara hi.’

Imatiwu 26:54

Màa vavọọ mẹ, Íwe Ohomorihi mẹmẹ kụkụ vaa sẹ ka ịsị ẹ vaa mẹ yị?”

Imatiwu 26:56

Avaba ẹsẹnị aa mẹ, agụvị ịsị ọnịsẹ nịnị chẹrẹ tụ́ ini Iwe Ohomorihi ọ̀ zụ sẹ.” Dị avaba ezirẹma na a vọ tịtẹ, di e si zwe nị.

Ịmaakị 14:21

Ẹmị Ozi ọza onigirima ve nee sú anka Íwe Ohomorihi mẹ̀ kà a. Ama ọ vaa daa divi yị ọza ana àa sị mị chire ọnịvị amị ụvọ; ọ yaanị dahi ka asị a vana ma ọza ọnọọ vụrụ-vụrụ.”

Ịmaakị 9:12

Dị Ijeesu ka, “Ịzẹyịza, Erija ọ vịdị vẹ nị, ka ọnị ọ̀ va sị avaba ịsa tụ́ udi anị. Ama sị ẹ vẹ dị a maanị chẹrẹ ẹ ka Ozi ọza onigirima vaa rị ụya irenyi-irenyi, di e re yi ọọ tịtẹ?

Iruuku 22:22

Ịzẹyịza ẹmị Ozi ọza onigirima vee sú, anka Óhomorihi mẹ̀ vịdị mẹ eto anị tịtẹ; ama ọza ana vaa sị mịị chire ọnịvị amị ụvọ, ọ sị dà.”

Iruuku 24:46

Dị ọ kà a yị wa ka, “Â vavọọ chẹrẹ ẹ tụ́ ini Iwe Ohomorihi. Agụvị avọọ â nyị ka Ikirisiti ọ̀ rị ụya, dị ọ ha hụụnị isu ịhyẹgwẹta anị.

Ịjọọnụ 17:12

M mẹ̀ yà pe wa ịnị ẹhẹ, mâ sị ụkata awụ sị eyi pe wa. Avaba aza ọnị ụ sị mị, mị sị eyi pe nị, ẹ yị nyị ikonyara ẹnịnị ene vú; ẹ̀ yị hụhụ vị ọza ana vị ọza oyivu ịnị ẹnịnị kẹnẹ. Ọnọọ vị ana mẹ, agụvị Iwe Ohomorihi ọ̀ zụ sẹ.

Ịjọọnụ 19:24

Dị isoja nịnị ẹnẹẹ kà a yị ẹngụ ka, “Asị ị na a, ama à vẹ ya jị osisii tụ́ ọọ, dị ya yẹ ọza ana àa vọrọ ka ọ̀ sị ọọ!” Ọnọọ ộ mẹ̀ agụvị ịsa ana a chẹrẹ tụ́ ini Iwe Ohomorihi ọ̀ zụ sẹ ka, “Ẹ́ẹ gà ịta amị hi ẹngụ ẹnịnị ụvọ; ệ jị osisii agụvị ọtịnịnẹ awuru amị.” Ịsị isoja nịnị ẹnẹẹ mẹ ọ vị ọnọọ nị.

Ịjọọnụ 19:28

Ijeesu ộ yẹ ka booro aanị ọnị ọ sị avaba ịsa mẹ ta. Agụvị dị Iwe Ohomorihi ọ̀ zụ sẹ, dị ọ ka enyi aa kụ̀ ọnị nị.

Odeyi 2:23

Ohomorihi ana yẹ avaba ịsa, ộ vịdị mẹ eto anị tịtẹ ka à sị ọọ chire wu nịnị ụvọ, dị ụ mẹ ka aza edivi ẹ̀ kanyị ọọ za ọchị apavahị, dị ụ vavọọ wụ ọọ nịnị nị.

Odeyi 28:23

Dị ẹ jị ẹkụhị yị Ịpọọrụ nị, dị ọrụrụ-ọrụrụ ẹnịnị vẹ ịzị Ịpọọrụ yà nị. Ịpọọrụ ô nyima hụrẹ ẹnẹnẹ na ngụ oruva, dị aa kà enube ọyịzaa yị wa ka Ohomorihi aa mẹ ịjọva nị. Dị aa sịị zụ̀ wa hụụnị ọda Imosiisi ọnịrị iwe ọnịsẹ nịnị ka Ijeesu ọ vị Ọdọzaha nị.

Odeyi 4:28

Ệ gẹ ka ẹnị ẹ̀ mẹ̀ ịsa ẹnẹ ẹwụ vịdị sị ọọ kà ịnị ụkata awụ ọnịrị u mè sì ọ ka ọ vaa mẹ.

1 Anịkọrịntị 15:3

Enube ene hu keekere ọnị mị dọ, ẹ́mị rẹ sị yị ẹwụ nịnị nị. Enube ọnọọ ọ vị ka Ikirisiti ô sú agụvị ịvị ayị, anka a mẹ̀ vịdị chẹrẹ ẹ tụ́ ini Iwe Ohomorihi.