Imatiwu 25:6 - IWE ỌNỊNỊ

⁶ Ịjị agẹvịrahụ si tù, di e vene nowu ka: ‘Re! Ọva ọnẹẹ aa vẹ, wụsẹ jịnẹ nọ ẹhẹ, wa na gẹrị ọọ nịnị!’

Imatiwu 25:6 ပူးပေါင်းရင်းမြစ်များ

Ahẹ Ụgama 96:13

Ẹnịnị vavọọ vaa jị ahẹ kụ́ Ẹnẹyịmavara, agụvị ka aa vẹ dị ọ̀va mẹ̀ ọkarẹyị anẹhẹ. Ịzẹyịza ọ vaa sị mẹ̀ ọkarẹyị ana vọrọọ yị anẹhẹ ọnịrị aza nịnị.

Ahẹ Ụgama 98:9

Ẹnịnị è hi ọvịdị Ẹnẹyịmavara dị ẹ̀ẹ jị ahẹ, agụvị ka a vaa mẹ̀ ọkarẹyị anẹhẹ. Ịzẹyịza ọ vaa sị mẹ̀ ọkarẹyị anẹhẹ nị, ọ yị vaa mẹ eyida.

Ayịsaya 25:9

Ịjị ụmẹ ọnọọ ọ̀ọ vẹ, avaba aza vaa kà a ka Ohomorihi ayị yọ. Yâ sị ayị tụra a, dị ọ dọ yị tụ́ nị. Ọnị ọ vị Ẹnẹyịmavara nị, ọnị ị sị ayị tụra nị. Ọ sị yị dọ ha; agụvị avọọ à vẹ vị yaa jẹ ịrajẹ.

Emọsị 4:12

Ẹnẹyịmavara kà, avọọ ọnị mẹ va sị ụya rị Anisirẹrị nị. Agụvị avọọ ẹnịnị e tenyi ẹngụ zị ịsa ọnị ọnị vaa mẹ̀ wa.

Imatiwu 24:31

Dị ọpanyị ọbanyị ọnya sụ́ ịrẹyị, dị mị tụ́ anggẹẹrị amị nịnị ka ẹ̀ nọ avaba ẹhẹ, dị ẹ̀ na kụ́ avaba aza amị gụ hụrẹ avaba aha ịzị ẹhẹ ọnịrị ẹbẹẹba na ta hi.

Imatiwu 24:44

Agụvị avọọ ẹwụ nịnị ọ̀ rẹ vavọọ zị́, agụvị ka Ozi ọza onigirima vị ana vaa vẹ ịnị ụmẹ oni wè yi ro nịnị.

Imatiwu 25:1

Dị Ijeesu rẹ ka, “Ịhị ọnọọ, oze ana Ada ayị ẹbẹẹba aa zịị mẹ ịjọva vị ana va sị mẹẹ anka ezwoorihi ẹẹwụ ana sị ozotupa ẹnịnị, dị ẹyaa nọ ụgẹrị ọza ana aa nyị ọnẹẹ avọọ.

Imatiwu 25:31

“Ịhị Ozi ọza onigirima ọ̀ọ vẹ ini igirima anị beri avaba anggẹẹrị ọnịnị nịnị, ọ vaa yaayịtẹ ị́rẹsụ aga igirima anị.

Imatiwu 25:5

Ọva ọnẹẹ ọnọọ o yi jintu vẹ, dị ara ee hine ezwoorihi ẹnẹẹ, dị ẹ na sị sụ̀ nị.

Imatiwu 25:7

Dị avaba ezwoorihi ẹnẹẹ kwẹẹtẹ, di e tenyi ozotupa ẹnịnị nị.

Iruuku 12:20

Ama di Ohomorihi va kà a yọ ka: ‘Ẹwụ ọnụra ọnọnị, ịrahụ ajịnị aa dọ wụ ụhwẹ nọ! Avaba ịsa ọnị ụ kụ́ gụ yị ẹngụ aanị, ẹnẹ kụkụ vaa nyị?’

Iruuku 12:46

dị ọga anị vana vẹ kẹnẹ ẹkụhị ọnya oni ò yi zí ọọ eyi ọnịrị ịnị ụmẹ ọnị ọ̀ yị yẹ. Dị ọga anị za a, dị ọ sẹ̀ ẹ rugu-rugu, dị ọ sị ọgụ ọza ẹnẹ ẹ̀ yị mẹ ịzẹyịza yọ.

1 Anịtẹsaronika 4:16

Ananyị yị vaa mẹ̀ ọda, dị ohirẹsụ anggẹẹrị nịnị nowu, dị ọpanyị Ohomorihi rẹ sụ́ ịrẹyị, dị Ananyị yị ọnị ụvọta chí hụrẹ ẹbẹẹba aa vẹ. Aza ana sị ayị tụra Ijeesu dị e ve sú, ẹ vịdị vaa haa hụụnị isu nị.

2Ipita 3:10

Ama Ananyị yị vaa vaa vẹ. Ịhị àaa vẹ, vị ọ vaa sị mẹẹ ẹkụhị oni oyi sịị nọ aha ịrahụ avọọ nị. Ịhị ọnọọ a vaa wụ̀ ẹtẹ ịrẹyị, dị ẹbẹẹba wú va ha. Dị avaba ịsa ene hí ẹbẹẹba rịra va ha saka-saka, dị ẹhẹ ọnọnị ọnịrị avaba ịsa ene hi ịnị anị ẹnị rẹ ta saka-saka.

Ẹtore 16:15

“Re! Mị vanaa vẹ anka oyi avọọ nị. Ọza eme èee zí di o tenyi ịta anị tịtẹ ka asị ọnị na yà ịnị ahwaahụ dị ụhị ọ̀ vaa nyị ọọ nị, vaa daa jẹ.”