Imatiwu 25:46 - IWE ỌNỊNỊ

⁴⁶ Dị aa kụ́ aza ẹnẹẹ ne hi ịnị ụyọrị ẹnẹ ẹ̀ yị mā ta pooro zịna-zịna, ama dị ọnịrẹyịzẹyịza nịnị ẹnị aa nọ ịnị ẹhẹ ẹnẹ ẹ̀ yị mā ta pooro zịna-zịna.”

Imatiwu 25:46 ပူးပေါင်းရင်းမြစ်များ

Ịdanịyẹrị 12:2

Aza ọrụrụ-ọrụrụ ana raà sị eteesu vị ịta kụ ẹngụ vaa ha kwẹẹtẹ. Aza ẹnyị ẹnịnị vaa ha dị ẹ yara ịdị Ohomorihi pooro zịna-zịna, dị aza ẹnyị naa rị ụya dị ụhị aa nyị wa pooro zịna-zịna.

Imatiwu 13:43

Dị ọnịzẹyịza nịnị ẹnị aa zẹtẹ anka ọyị avọọ ịzị Ohomorihi Ada ẹnịnị yà aa mẹ ịjọva. Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ!”

Imatiwu 19:16

Ẹkụhị ọnya ọza ịnya ộ vẹ ịda Ijeesu, dị ọ kà a yọ ka, “Ọga ọyịza, sẹ vị ịsa ozoza ana a vọrọ ka ma mẹ, dị ma nyẹngụ yàra pooro zịna-zịna ị́da Ohomorihi?”

Imatiwu 19:29

Ọza ọ̀ọ navọ irehi anị, àa vị ẹyịnyara anị anọrụ, àa vị anẹẹ, ọ̀ọ navọ ada anị, àa vị ọnyị anị, ọ̀ọ navọ ose anị, àa vị ezi anị, ọ̀ọ navọ aarẹ tịtẹ agụvị ịrẹha amị, Ohomorihi rẹ vaa sị ịsa ene huna avọọ oze ẹchẹhị-ẹchẹhịị sí ọọ atọ, dị ọza ọnọọ rẹ yàra pooro zịna-zịna.

Imatiwu 25:41

Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

Imatiwu 25:45

Ịjọnọọ dị Ohinọyị tụ́ wa ohi ka: ‘Ịzẹyịza mị kà wụ nịnị nị, ụ wẹ̀ yị mẹ mẹ̀ ẹ yị ene weyi hu ịnị aza ẹnẹnị aanị, ẹmị ụ wẹ̀ yị rẹ mẹ̀ ẹ yị nịnị avọọ nị.’

Iruuku 16:26

À hyakụ kụ́ ẹnẹẹ kwooze, ọbọbọ ọbanyị ọnya yà ịnị akakana ẹyịrị ẹwụ; agụvị ọza ana àa ka ọnị aa hụụ ịzẹnị vẹ ịdị awụ ịzọọ, asị ọ zụ vẹ; dị ọza ana àa rẹ ka ọnị aa hụụ ịzọọ vẹ ịdị ẹyị ịzẹnị, asị ẹnị rẹ zụ vẹ.’

Ịjọọnụ 17:2

Wa raà sị ọda avaba aza chire mi ụvọ, agụvị dị ma zụ mẹ ka avaba aza ọnị ụ kụ́ chire mi ụvọ, ẹ̀ yàra ị́dị awụ pooro zịna-zịna.

Ịjọọnụ 3:36

Ọza ana àa sị ayị tụra Ozi Ohomorihi ọnọọ, ộ yàra pooro zịna-zịna. Ama ọza ana àa mẹ akamawụ hi Ozi Ohomorihi ọnọọ, ọ yị vaa yàra pooro zịna-zịna.”

Ịjọọnụ 4:14

Ama ọza ene èe hú enyi ẹnẹ ẹmị àa sị yọ, enyi ọ mā vana kụkụ kụ̀ ọọ paa. Enyi ọnọọ ọnị mị vaa sịị yọ vị ana vaa yà anka enyi ẹtẹ ene ee hi ẹtẹ pooro avọọ tụ́ ịnịnẹ ọza ọnọọ; dị aa mẹ ka ọ̀ yàra ị́dị Ohomorihi pooro zịna-zịna.”

Ịjọọnụ 5:24

“Ịzẹyịza m maa kà a wụ nịnị nị, ọza ana àa wụ́ ịrẹyị amị, dị ọ sị ayị tụra ọza ana tụ́ mị vẹ ẹhẹ nị, ọ vaa yàra ị́dị Ohomorihi pooro zịna-zịna. Ọ yị kụkụ vaa rị ịvị, ama ọ sị ha hụụnị isu, ọ kụkụ vaa yàra ị́dị Ohomorihi pooro zịna-zịna.

Ịjọọnụ 5:29

Dị ẹnịnị jịnẹ hụụnị ikuta ẹnịnị vẹ ẹhẹ. Aza ana àa mẹ ọyịza, dị ẹ ha hụụnị isu, dị ẹ kụkụ yàra. Ama aza ana àa mẹ odivi, ẹnị rẹ vaa haa hụụnị isu, dị aa mẹ̀ ọkarẹyị isu yị wa.”

Ịjọọnụ 6:27

Asị ụ rẹ̀ dụ ịsọyịrị eneē du nịnị! Ama waa dụ ịsọyịrị ene è yi mē du nịnị, dị ọọ̄ mẹ̀ ka ọza ọ̀ yàra ị́dị Ohomorihi pooro zịna-zịna. Ẹngụ ịsọyịrị ọnọọ ẹ́mị Ozi ọza onigirima vaa sịị wụ nịnị nị. Ẹmị Ozi ọza onigirima Óhomorihi sị ụvọ tụ́ ọọ ka ọ̀ vavọọ mẹ nị.”

Ịjọọnụ 6:40

Ịsị Ada amị ee sì, yị: Ee sì ka avaba aza ene èe re Ozi anị, dị ẹ rẹ sị ayị tụra a nị, ẹ̀ zụ yàra pooro zịna-zịna; mị rẹ vaa ha waa hụụnị isu ịnị ẹkụhị ọdịrẹma.”

Odeyi 13:46

Dị Ịpọọrụ ọnịrị Ịbanabasị aa sị ọtụtụrụma kà ịrẹyị huna avọọ nị. Dị ẹ ka, “Â nyị ka à vịdị kà ịrẹyị Ohomorihi yị wụ nịnị da. Ama ụ wẹ̀ yị mẹ̀ dọ ọ nịnị, dị ụ ka wẹ yị vị aza ana aa yàra ị́dị Ohomorihi pooro zịna-zịna nịnị aanị, yaa hụụ ịdị awụ nịnị, dị ya nọ ịdị anẹkụra ẹnẹ ẹ̀ yị vị Aniju.

Odeyi 13:48

Ịjị Anigiriki ẹnị maanị wụ́, dị ẹyaa jẹ, dị ẹyaa sị ụgaa yị ịrẹyị Ananyị yị nị. Aza ọnị ọ sị nyị ka ẹ̀ yàra pooro zịna-zịna, ệ sị ayị tụra a.

Odeyi 24:15

Ẹma rẹ nyị ọyịtureyi ini Ohomorihi, anka ẹ́nị mẹ̀ rẹ nyị, ka oku nịnị vaa haa kwẹẹtẹ hụụnị isu, ọnọọ vị ka oku ọnịzẹyịza ọnịrị oku aza ẹnẹ ẹ̀ yị vị ọnịzẹyịza.

Aniroomi 5:21

Yê re ka iswọọza ộ sị zụ̀, ịvị mẹmẹ nyị ụkata. Avọọ gẹdẹ-gẹdẹ ị́hị oni Ohomorihi jị yị ọza ọnị mẹ̀ rẹ sị zụ̀, ayamva Ohomorihi ọnị mẹ̀ rẹ nyị ụkata nị. Dị ọ rẹ mẹ ka aza ẹ̀ yàra ị́dị anị pooro zịna-zịna agụvị Ijeesu Ananyị yị Ikirisiti nị.

Aniroomi 6:23

Isu ọ vị ụta eneē si ọza ana mẹ ịvị nị. Ịsa oni Ohomorihiī sị yị ọọhẹ kẹnẹ ọnị vị ka ọza vaa yàra ị́da anị pooro zịna-zịna ịnị ka ẹyịrị Ijeesu Ikirisiti Ananyị yị ọ sị vị ọnya.

Anigaratiya 6:8

Ọza ana aa mẹ̀ ịsaa yị ẹngụ anị kẹnẹ, o vee re ka vi oni vee vu ẹtẹ nị. Ama ọza ana àaa mẹ̀ ịsa agụvị Ụhwẹ Ọnịnị, Ụhwẹ Ọnịnị vaa mẹ ka ọ̀ yàra pooro zịna-zịna ị́da Ohomorihi.

2 Anịtẹsaronika 1:9

Ụya ẹnẹ ẹ vaa rị ọ vị ka ẹnịnị vee vú ẹtẹ pooro zịna-zịna, ẹnịnị e yi vee re eyi Ananyị yị ọnịrị igirima anị beri ụkata anị paa.

1 Ịjọọnụ 2:25

Tamayị ka Ikirisiti ọnị ụvọta ọ raà kà a ka ẹ́ yi zụ nyị ka ọnị ẹ́yị vaa mẹ ka wa yara ịdị Ohomorihi nịnị pooro zịna-zịna.

Ijudi 1:21

Sị ẹngụ awụ nịnị tụ́ ịnị ụvọ Ohomorihi, dị ụ wa tamayị ka ô sì ịrẹyị awụ nịnị, ụ mẹ jẹẹ ee zí ụmẹ ọnị Ijeesu Ikirisiti Ananyị yị vaa vẹ ịnị ayamva anị, dị ọ̀ va sị wụ nịnị ne pe ẹngụ ị́dị anị pooro zịna-zịna.

Ẹtore 20:10

Dị a za Echu ene vene wa, di e ne e ngụ ini adagu ịra ana a sị ohuru tụ́ ịnị anị nị. Ịzọọ uye ịnị avị ọnọọ ọnịrị ọnịsẹ ireche hi nị. Dị aa sị ụyaa rị wa ọọdụ ọnịrị ịrahụ pooro zịna-zịna.

Ẹtore 20:15

Ọza tụra ọza ọnị ọza ọyị re ka áa chẹrẹ ịrẹha anị tụ́ ini iwe aza ana yàra pooro zịna-zịna, dị a sị ọọ, di ee nee ngụ ini adagu ịra ọnọọ.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”