Imatiwu 25:43 - IWE ỌNỊNỊ

⁴³ M mẹ̀ vị ọzọga vẹ, we yi sì mi ọzọga nịnị. M mẹ̀ yà ịnị ahwaahụ, wẹ yị sị ịta kú mi ẹngụ nịnị. Ẹngụ ộ zị mị, mâ yà ịnị ẹngwa, we yi hee mi nịnị.’

Imatiwu 25:43 ပူးပေါင်းရင်းမြစ်များ

Ijoovu 31:19

Mèe re ọza anaa rị ụya, àa vị onosiye ẹnẹ ẹ̀ yị nyị ịta kú ẹngụ.

Ijeremaya 23:2

Ẹnẹyịmavara, Ohomorihi Anisirẹrị nịnị aa ka ẹ yị oseratẹmẹ nịnị ana vọrọ ka ẹẹ tẹsị aza anị ka: Wẹ yị tẹsị aza anị nịnị, Wa sị wa gara nịnị: wa raa dụ wa hi ozi nịnị. Booro aanị, ọnị aa vaa sị ụya avaba ebira odivi ọnị ụ mẹẹ rị ụ nịnị.

Ezikẹẹrị 22:29

Opisa ẹnịnị vị anaa mẹ ọzaa rị, dị ẹyaa mẹ akoo yị aza. Ẹnịnị vị anaā mẹ ehunaa yị onosiye ọnịrị anẹkụra ọsa nịnị.

Imatiwu 25:36

M mẹ̀ yà ịnị ahwaahụ, wâ sị ịta kú mi ẹngụ nịnị. Ẹ́ngụ mẹ̀ raa zị mị, wê sì mi ụkụ nịnị. M mẹ̀ yà ịnị ẹngwa, we re ve hee mi nịnị.’

Imatiwu 25:42

Agụvị ka, ụ́ngwẹ màa kụ̀ mị, wẹ yị dà ịsa mị nịnị. Ónyi màa kụ̀ mị, wẹ yị ká enyi mị hú nịnị.

Imatiwu 25:44

Ịjọnọọ dị aza ẹnẹẹ ẹnị re tụ́ ohi ka: ‘Ananyị yị, ịhị i re ka ụngwẹ aa kụ̀ wụ, à vị ka enyi aa kụ̀ wụ, à vị ka dị ụ vị ọzọga vẹ, à vị ka dị ụ yà ịnị ahwaahụ, dị ẹngụ raa zị wụ, dị ụ rẹ yà ịnị ẹngwa, dị yẹ̀ yị mẹ ọgụvọ wụ?’

Odeyi 15:36

Ịjị ọ da kù, ịnị ẹkụhị ọnya, dị Ịpọọrụ kà a yị Ịbanabasị ka, “Vẹ ya varẹma ne hee anda ayị nịnị ịnị avaba ẹkụra ọnị ị yà kà ịrẹyị Ananyị yị, di ye ne re wa, ẹ mẹmẹ yà!”

Anihiburu 13:2

Tamayị ka áa vọrọ ka wee sì ọzọga nịnị! Aza ẹnyị ệ vavọọ mẹ, e reè sì anggẹẹrị nịnị ọzọga, ẹ yị yẹ.

Anihiburu 13:3

Waa tamayị aza ene hi ịnị ẹngwa nịnị, anka òo rere vị ka ẹwụrị wa ọ yà ịnị ẹngwa nịnị nị! Rẹ tamayị aza ana aa rị ụya nịnị, anka òo rere vị ka ẹwụrị wa aa rị ụya nịnị nị!

Ọdọvịdị 19:15

Ịzọọ ẹnịnị tu dị ẹ jẹẹ ka ẹnị ẹ sụ ne ẹhẹ nị. Ẹ nọ inorere ẹkụra dị ẹ yaatẹ ịzọọ nị. Ama ẹ yị nyị ọza ana kụ wa nọ ịnị irehi anị ka ẹ na sụ.