Imatiwu 25:41 - IWE ỌNỊNỊ

⁴¹ Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

Imatiwu 25:41 ပူးပေါင်းရင်းမြစ်များ

Ahẹ Ụgama 119:115

Ẹwụ nịnị aza ana aa mẹ̀ ebira edivi è jesi hụrẹ mi eyi di me re oze saasa ọda oni Ohomorihi amị mẹ.

Ahẹ Ụgama 119:21

Wâ kà a yị aza ana mẹ eyii zi ka ẹ̀ sị mẹ hẹẹ. Aza ẹnẹ ẹ yị saasa ọda ọnị u mẹ̀ ẹ sị dà.

Ahẹ Ụgama 139:19

Ohomorihi, àa yẹ wa za aza edivi dị wa wụ̀ wa và ha. Ẹwụ nịnị ene ee sì ọza ka wa wụ̀ ọ, jịnẹ hụrẹ mị eyi nịnị.

Ahẹ Ụgama 6:8

Avaba ẹwụ nịnị ana aa mẹ̀ ebira odivi è jesi hụụ ịda amị; ka Ẹnẹyịmavara ọ raà wụ́ ịpẹ ọnị maa dá di mee sụ́ ùnè.

Ayịsaya 66:24

Ẹnịnị maa jịnẹ tụ ẹhẹ, e vee re oku aza ana mẹ̀ akamawụ hi ọnị. Ikukurumi ana aa rị wa ẹ yị vee su, dị ịra ana aa rị wa ẹ yị vee mi. Oyn re wa vị ana vaa nyị aza ịhyẹrẹ.

Ijeremaya 17:5

Ẹnẹyịmavara kà, ẹ́ yị vee zozaa yị aza ana và ịrẹma anị dị ẹ kụkụ sị ayị tụra ọzarẹyịrẹsụ ọnịrị ụkata ọza.

Imatiwu 13:40

Anka a mẹ̀ sụ́ ebe ẹnẹẹ, dị a rị wa ịra, avọọ ọ́dịrẹma ẹhẹ ọnọnị mẹ̀ vaa yà nị.

Imatiwu 13:42

Dị ẹ kụ́ wa na và hi ịnị ịra ọbanyị. Dị ẹ yà ịzọọ, dị ẹyaa jị òrèrè, dị ẹ rẹ yaa rị anyị.

Imatiwu 13:50

dị ọ kụ́ wa và hi ịnị ịra ọbanyị. Dị e hi ịzọọ, dị ẹyaa jị òrèrè, dị ẹ rẹ yaa rị anyị.”

Imatiwu 18:8

Agụvị avọọ, àa vị ụvọ awụ, à vị ahụ awụ ọ mẹ ka wa mẹ ịvị nị, jị wa ne ta! Ộ dahi ka wa vị ọjavụ dị ụ wa yàra pooro, hu ka wa nyị ụvọ ẹyịva, àa vị ahụ ẹyịva, ama di è ne wu ngụ ịnị ịra ene è yi mē mi pooro.

Imatiwu 25:42

Agụvị ka, ụ́ngwẹ màa kụ̀ mị, wẹ yị dà ịsa mị nịnị. Ónyi màa kụ̀ mị, wẹ yị ká enyi mị hú nịnị.

Imatiwu 25:46

Dị aa kụ́ aza ẹnẹẹ ne hi ịnị ụyọrị ẹnẹ ẹ̀ yị mā ta pooro zịna-zịna, ama dị ọnịrẹyịzẹyịza nịnị ẹnị aa nọ ịnị ẹhẹ ẹnẹ ẹ̀ yị mā ta pooro zịna-zịna.”

Imatiwu 3:12

Ọ vaa tụ́ azịzẹ ahịị hụụnị akụ obooro, dị a si a kụkụ nyị azịzẹ ịzọọ vụrụ-vụrụ. Dị ọ kụ́ akụ anị hi ịhị ụhwọ; ama dị ọ kụ azịzẹ hi ịnị ịra ene è yi mē mi pooro”.

Imatiwu 4:10

Ịjọnọọ dị Ijeesu kà a yọ ka, “Và ị́rẹma amị, ẹwụ Isitani, agụvị ka â chẹrẹẹ ka: ‘Waa va ku ẹtẹẹ yị Ohomorihi Ananyị yị; ọnị ịnyara kẹnẹ ụ rẹ vaa hẹkẹ nị!’ ”

Imatiwu 5:22

Ama ẹ ma kà a yị wụ nịnị nị ka ọza ọ̀ọ kụ́ ayị hi ọnọhụva anị, vị aa mẹ̀ ọkarẹyị yọ nị. Ọza ana àa rẹ kụ̀ ọnọhụva anị ụhụ, a vaa hị́ ọọ ịrẹka; ama ọza ana àa tụ́ ozirenu hi ọza, ọ nyayịnẹ nọ ini ẹkụra.

Imatiwu 7:23

Dị mị kà a yị wa ka: ‘Mẹ yị vịdị yẹ wụ nịnị; hụrẹ mi eyi nịnị, ẹwụ nịnị enebira kẹnẹ-kẹnẹ!’ ”

Iruuku 13:27

Di o tụ́ ohi dị ọ ka: ‘Mẹ yị yẹ ịzị ụ hụrẹ vẹ nịnị. Hụrẹ mi eyi, ẹwụ nịnị enebira odivi ẹnẹnị!’

Iruuku 16:24

Ọnyẹkẹhị ọnọọ ô nowu tụ́ ẹba, dị ọ ka: ‘Abụrahamị ada ayị, aarịhịnị vayị amị, dị ụ wa tụ́ Ịrasarụsị ka ọ̀ jị ịrẹsụ igege anị ngụ enyi, dị ọ̀ va tọ ọ tụ́ mị ịrarẹ, di ò hunẹnẹ; ka ịra ọnọnị aa sị ụyaa rị mị ẹtẹẹtẹrẹ.’

Ịjọọnụ 8:44

Ezi ada awụ nịnị ụ vị nịnị nị; ada awụ nịnị ọnọọ ọ vị Echu nị. Ịsa ana ada awụ nịnịị̄ sì kẹnẹ, ụ waa mẹ nịnị nị. Ọwọza ọ vị hụrẹ ụmọrụmọ nị. Ọ mā rẹ saasa ịzẹyịza, agụvị ka ẹ yị nyị ịzẹyịza ikonya ịnịnẹ anị. Èe cheeche, ebira anị aa mẹ avọọ nị, agụvị ka onireche ọ vị nị. Ọnị nyẹmba ọ vị ada ireche nị.

2 Anịtẹsaronika 1:7

Ama ọ vaa sị ụhwọtụụ yị beri ẹwụ nịnị ana aa rị ụya booro aanị, ịhị Ijeesu Ananyị yị ọ̀ọ sị ẹngụ zụ hụrị ẹbẹẹba vẹ beri anggẹẹrị anị nịnị ana nyị ụkata.

2 Anịtẹsaronika 1:9

Ụya ẹnẹ ẹ vaa rị ọ vị ka ẹnịnị vee vú ẹtẹ pooro zịna-zịna, ẹnịnị e yi vee re eyi Ananyị yị ọnịrị igirima anị beri ụkata anị paa.

Anihiburu 6:8

Ama àa vị ikeyi ọnịrị avị kẹnẹ-kẹnẹ e nyị hi ịnị anị nị, ẹ́ yị nyị ịsị aa sị ẹtẹ ọnọọ mẹ, Ohomorihi ọ́ọ hyakụ nyayịnẹ chì hi ọọ, dị a vana rị ọ ịra ọdịrẹma.

2Ipita 2:4

Anggẹẹrị nịnị mẹ̀ mẹ ịvị, Ohomorihi ẹ́ yị sị vayị ẹnịnị. Vị ọ sị wa, dị ọ kụ wa va hi ini ẹkụra ịra nị. Â sị ẹba sụ́ wa tụ́ ịnị ịrahụ ruma-ruma ịzọọ. Ịzọọ ẹ vaa yà pooro nee tù ẹkụhị ọkarẹyị nị.

1 Ịjọọnụ 3:10

Ịsị ẹẹ̄ sị ọza ana vị ozi Ohomorihi ọnịrị ọza ana vị ozi Echuu zụ̀ yị: Ọza ẹnẹ ẹ̀ yị mẹ ịzẹyịza ọnịrị ọza ene è yi sì ịrẹyị ọnọhụva anị ẹ́ yị vị ozi Ohomorihi.