Imatiwu 25:40 - IWE ỌNỊNỊ

⁴⁰ Dị Ohinọyị vee tụ̀ ohi ka: ‘Ịzẹyịza, m maa kà a wụ nịnị nị, ụ mẹ̀ raà mẹẹ yị ene weyi hu ịnị ọhụva amị ẹnẹnị aanị, ẹmị ụ rẹ mẹẹ yị nịnị avọọ nị.’

Imatiwu 25:40 ပူးပေါင်းရင်းမြစ်များ

2 Ịsamụwẹrị 9:1

Ẹkụhị ọnya di Idevidi va họ̀ aza use dị ọ ka áá kụkụ yịị nyị ịpa Ịsọọrụ ana vọ ana vọrọ ka ọnị ọ̀ hụ agụvị Ijonatani mẹ ayamva yị?

2 Ịsamụwẹrị 9:7

Di Idevidi ka, “Asị ụ hụrẹ ayị ịnẹ ka mị vaa vayị awụ agụvị Ijonatani ada awụ. Maa sị avaba ẹtẹ Ịsọọrụ ada awụ ọbanyị dị mị và a ịrẹmaa wụ. Ẹmịrị ẹwụ o dudu vaa rị ịsa pooro eyinị-eyinị nị.”

2 Ohinọyị 4:10

Ọ kà, ọva anị ọ̀ jẹẹ dị ẹnị ẹ̀ da aku ọnya tụra ịrẹsụ irehi ẹnịnịị yọ; ẹnị ẹ̀ sị ịvẹẹdị, itevuru, ọnịrị aga beri ozotupa tụ́ ịzọọ yọ. Ịhị tụra ịhị ọnị ọ̀ọ vẹ ịdị ẹnịnị, dị ọ yà ịzọọ.

Ụhịrẹyị 14:31

Ọza ana aā mẹ̀ ẹvaya yị onosiye vi enee du Ohomorihi ana mẹ̀ ẹ, ama ọza ana sị ụbanyị yị ọ vị anaā vayị onosiye.

Ụhịrẹyị 19:17

Ọza ana mẹ ọnụya ẹyịza vị anaa sị ịsa rèré Ẹnẹyịmavara, o vee sí ọ yọ varẹma.

Ijeremaya 39:17

Ẹnẹyịmavara kà, ama, ọnị vaa dọ ụ ha. Ọza ẹ́ yị vaa sị ụ chire aza ọnị wee hí angwa anị aanị ụvọ.

Imatiwu 10:40

“Ọza ana àa dọ wụ nịnị ọzọga, ẹmị ọ rẹ dọ ọzọga avọọ nị. Ọza ana àa dọ mị ọzọga, Ohomorihi ana tụ́ mị, ọ dọ ọzọga avọọ nị.

Imatiwu 10:42

Ọza ana àa ká enyi ohunẹnẹ yị ọnya ịnị aza ene èe weyi hu keekere ini ezirẹma amị, agụvị ka ộ vị ozirẹma amị, ayị zụ nyị ka ọ yị vaa dọ ọgụ anị.”

Imatiwu 18:10

“Asị ụ zẹẹ ka wa sị eyi oweyi re ezi eweyi ẹnẹnị! Dị ma kà a wụ nịnị ka anggẹẹrị ẹnịnị ẹbẹẹba vị eneē re eyi Ada amị ẹbẹẹba.

Imatiwu 25:34

Ịjọnọọ dị Ohinọyị kà a yị aza ene hi eyi ụvọrị anị ka: ‘Wa vẹ nịnị, ẹwụ nịnị ana Ada amị raà mẹ ka ò zé yị! Ngụ ịzị Ohomorihi yà aa mẹ ịjọva, oni o si tenyi tịtẹ wụ nịnị, ẹ́hẹ mè hụrẹ nyima.

Imatiwu 25:39

Ịhị i re ka ẹngụ aa zị wụ, à vị ka wâ yà ịnị ẹngwa, di i ve hee wu?’

Imatiwu 25:45

Ịjọnọọ dị Ohinọyị tụ́ wa ohi ka: ‘Ịzẹyịza mị kà wụ nịnị nị, ụ wẹ̀ yị mẹ mẹ̀ ẹ yị ene weyi hu ịnị aza ẹnẹnị aanị, ẹmị ụ wẹ̀ yị rẹ mẹ̀ ẹ yị nịnị avọọ nị.’

Imatiwu 28:10

Dị Ijeesu kà a yị wa ka, “Asị u hí angwa nịnị! Na kà a yị ẹyịnyara amị nịnị ka ẹ̀ vara gẹrị ẹmị Ígariri, ka e vee re mi ịzọọ!”

Ịmaakị 9:41

Ịzẹyịza m maa kà nị, ọza ana àa ká enyi ako ọnya yị wụ nịnị ka we hú ọọ, agụvị ka wâ vị Íikirisiti nịnị, ẹ yị zụ nyị ka ọ yị vaa rị ọgụ anị.”

Iruuku 19:38

Dị ẹ ka, “Ohomorihi ọ̀ dà tụ́ ịnị ụbanyị yị ohinọyị ana aa vẹ ịnị ịrẹha Ananyị yị! Ẹngwọọrọ ọ̀ yà ini ihinẹba, di igirima ọ̀ rẹ yà ẹbẹẹba!”

Ịjọọnụ 20:17

Dị Ijeesu kà a yọ ka, “Asị ụ sị ụvọ kanyị mị, agụvị ka mẹ yị varẹma nọ ẹbẹẹba ị́dị Ada amị! Ama na kà a yị ẹyịnyara amị ka: maa nọ ẹbẹẹba ị́dị Ada amị ana rẹ vị Ada ẹwụ nịnị; ọnị ọ vị Ohomorihi amị, dị ọ rẹ vị Ohomorihi awụ nịnị nị.”

Aniroomi 8:29

Aza oni Ohomorihi sị yẹ tịtẹ, dị ọ rẹ vịdị sị wa nyị tịtẹ ka ẹ̀ yà anka Ozi anị. Ozi anị ọnọọ ọ vaa vị ozi ịpaapa anị ịnị ẹnị ọrụrụ-ọrụrụ ana vọ ana vị ọyịnyara anị nị.

2 Anịkọrịntị 4:5

Yẹ yị kà enube ẹngụ ayị. Ama yaa kà enube ọyịza Ijeesu oni Ohomorihi nyị mẹ ohinọyị ka ọ̀ dọ yị há ka, ọnị ọ vị Ananyị yị nị. Ẹyị â hụ̀ agụvị Ijeesu, yâ vị ezi ahụ awụ nịnị.

Anigaratiya 5:13

Ẹwụ nịnị anda ayị, Ohomorihi vị ana hị́ wụ ka wa nyị ẹngụ awụ nịnị (hụụnị ụvọ ọda Aniju nịnị). Ụ mẹ̀ sị ẹngụ awụ nịnị nyị aanị, asị ụ kụkụ kà a ka ịsị e zé wu nịnị eyi kẹnẹ, ụ waa mẹ nị. Ama sì ịrẹyị ẹngụ nịnị, dị waa zị ẹngụ ụtụ nịnị!

Anigaratiya 5:22

Ama Ụhwẹ Ọnịnị ọọ̄ mẹ̀ ka ọza ọ̀ọ vịra ịnị ịsa ẹnẹnị nị: ịrẹyị ọza oyisì ọnịrị inohine beri ẹngwọọrọ ọnịrị isuuru beri ebira hẹẹ ọyịmẹ̀ ọnịrị ebira ozoza ne beri ịzẹyịza ọyịmẹ̀ ọnịrị

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

Anẹhwẹsọsị 5:30

Yáa bẹ tụ́ ịnị ẹngụ anị.

Anihiburu 6:10

Ohomorihi ọ ma mẹ irikichi. O yi vee hi ayị ụkọrọ awụ nịnị. O yi re vee hi ayị, u meme sì ịrẹyị aza Ohomorihi, dị ụ waa gụ wa ụvọ nịnị agụvị ịrẹha anị, anka ụ màa yịị mẹ nịnị.

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

1 Ịjọọnụ 4:20

Ọza ọ̀ọ kà a ka oni óo sì ịrẹyị Ohomorihi, dị aa yịị kụ́ ayị ọnọhụva anị nị, onireche ọza ọnọọ vị nị. Ọza è yi sì ịrẹyị ọnọhụva anị ene ee re, ọ mẹmẹ zụ sì ịrẹyị Ohomorihi ene è yi re?

Ẹtore 17:14

Ẹnịnị vee pe Ozi Atẹmẹ ọnọọ kụ̀ ịrẹkụ, ama Ozi Atẹmẹ ọnọọ ọnịrị aza ọnị ọ hị́, dị ọ nyị wa dị ẹ rẹ nyị ịzẹyịza hi ọọ, vaa nyị ehuna ẹnịnị, agụvị ka ọnị ọ nyị avaba aza nị; ọnị ọ vị Ohinọyị avaba ohinọyị nịnị nị.”

Ẹtore 19:16

 chẹrẹ ịrẹha ọnya aanị tụ́ ịnị awuru anị ọnịrị ịnị usi anị ka, “Ọza ana nyị avaba aza ọnị Ohinọyị avaba ohinọyị nịnị.”