Imatiwu 25:36 - IWE ỌNỊNỊ

³⁶ M mẹ̀ yà ịnị ahwaahụ, wâ sị ịta kú mi ẹngụ nịnị. Ẹ́ngụ mẹ̀ raa zị mị, wê sì mi ụkụ nịnị. M mẹ̀ yà ịnị ẹngwa, we re ve hee mi nịnị.’

Imatiwu 25:36 ပူးပေါင်းရင်းမြစ်များ

Ayịsaya 58:7

Ẹnịnị ẹ da ịsa yị aza ọnị ụngwẹ aa kụ, dị ẹ sị irehi ẹnịnị yị onosiye ẹnẹ ẹ yị nyị irehi ka ẹ ra, dị ẹ sị achị yị aza ana tụ ahwaahụ, asị e yi ka ẹnị ẹ yị mẹ ọgụvọ yị anda ẹnịnị.

Ezikẹẹrị 18:16

Ẹ́ yị ma mẹ ẹvaya yị ọza ọnyọọnyị; ẹ́ yị ma rẹ ma ako yị ọza. Ẹ́ yị ma kà a ka ọza ọ̀ sị ịsa va jẹẹ dị ọnị ọ̀ va sị ẹkẹhị rèré e. Òo re ọza ọnị ụngwẹ aa kụ̀, dị ọ dà ịsa yọ, ọza ẹnẹ ẹ̀ yị nyị ịta ku ẹngụ, dị ọ sị awuru yọ.

Ezikẹẹrị 18:7

Ọza ọnọọ ọ́ ma mẹ ẹvaya yị ọza, ama ịsị ọnị ọza ọọ sị va dọ ọ ịsa rere, vị ọnị ọọ varẹma yị ọza ọnọọ. Ọza ọnọọ ẹ́ yị ma mẹ ako yị ọza, òo re ọza ọnị ụngwẹ aa kụ̀, dị ọ dà ịsa yọ, ọza ẹnẹ ẹ̀ nyị ịta ku ẹngụ, dị ọ sị awuru yọ.

Ezikẹẹrị 34:4

Wẹ́ yị tẹsị ẹnị ana tụ ọkụmị nịnị, ẹnẹ ẹngụ aa zị, wẹ yị tẹsị ẹnịnị ka ẹngụ ẹnịnị ọ̀ ta. Ẹnị ẹnẹ che ahụ, wẹ yị jị ịsa hi ọ yị wa ka ọ̀ vị. Ẹnị ana ha ngụ avị, dị e sị vu, wé yị ne sì wa, dị wa kụ́ wa vavẹ nịnị. Ama dị wa chamayịị yị wa nịnị nị.

Imatiwu 25:37

Ịjọnọọ dị ọnịrẹyịzẹyịza nịnị tụ́ ọ ohi ka: ‘Ananyị yị, ịhị i re ka ụngwẹ aa kụ̀ wụ, dị ị dà ịsa wụ? Ịhị i re re ka enyi aa kụ̀ wụ, dị ị ká enyi wu hú?

Imatiwu 25:43

M mẹ̀ vị ọzọga vẹ, we yi sì mi ọzọga nịnị. M mẹ̀ yà ịnị ahwaahụ, wẹ yị sị ịta kú mi ẹngụ nịnị. Ẹngụ ộ zị mị, mâ yà ịnị ẹngwa, we yi hee mi nịnị.’

Iruuku 3:11

Dị Ịjọọnụ tụ́ ohi, dị ọ kà a yị wa ka, “Ọza ana àa nyị awuru ẹẹva, ọ̀ sị ọnya yị ọza ẹnẹ ẹ̀ yị nyị! Ọza ana àa rẹ nyị ịsọyịrị, ọnị ọ̀ rẹ dà yị ọza ẹnẹ ẹ̀ yị nyị!”

Odeyi 20:35

Ma raà sị zụ̀ wụ nịnị ịnị avaba oze ka â nyị ka ya maanị mẹ̀ ụkọrọ ẹtẹẹtẹrẹ, dị ya zụụ mẹ ọgụvọọ yị ọkụmị nịnị.” Tamayị ịrẹyị oni Ijeesu Ananyị yị ụvọta kà nịnị ka: “Wàaa mẹ ọza ẹyịza, ụ zụ jẹ ịrajẹ hu ka waa dọ ọza ịsa nị.”

Anihiburu 10:34

Wê pe anịnẹngwa rị ụya nịnị. Wáa sị inohine dọ ka aza ẹ̀ dọ wụ ogu awụ nịnị, agụvị ka wáa yẹ nịnị ka wáa nyị ogu ene zoza hu avọọ tụ́ ẹbẹẹba nịnị ene è yi mē du.

Anihiburu 13:3

Waa tamayị aza ene hi ịnị ẹngwa nịnị, anka òo rere vị ka ẹwụrị wa ọ yà ịnị ẹngwa nịnị nị! Rẹ tamayị aza ana aa rị ụya nịnị, anka òo rere vị ka ẹwụrị wa aa rị ụya nịnị nị!

Ijemiisi 1:27

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.