Imatiwu 25:35 - IWE ỌNỊNỊ

³⁵ Agụvị ka ụ́ngwẹ màa kụ̀ mị, wâ dà ịsa mị nịnị. Ónyi màa kụ̀ mị, wa rẹ sị enyi yị mị hú nịnị. M mẹ̀ vị ọzọga vẹ, wê sì mi ọzọga nịnị.

Imatiwu 25:35 ပူးပေါင်းရင်းမြစ်များ

1 Ohinọyị 17:11

Dị ọnẹẹ ọnọọ si hu ka ọnị ọ̀ na kà enyi ọnọọ vẹ nị. Di Erija rẹ hị́ ọ nị dị ọ ka, “Aarịhịnị sị ịsọyịrị chee rị ụvọ va mi dê!”

Ijoovu 31:32

Mịị̄ dọ azọga ka è ve chí ini eehi amị, mẹ ma dọ ka ẹnịnị ẹ̀ sụ̀ ụtọ oze.

Ụhịrẹyị 14:21

Ịvị ọ vị ka ọza ọ sị eyi wụ ọnọhụva anị ama ọza ana tẹsị onosiye vị ọnị o vee zee yị.

Ụhịrẹyị 14:31

Ọza ana aā mẹ̀ ẹvaya yị onosiye vi enee du Ohomorihi ana mẹ̀ ẹ, ama ọza ana sị ụbanyị yị ọ vị anaā vayị onosiye.

Ụhịrẹyị 19:17

Ọza ana mẹ ọnụya ẹyịza vị anaa sị ịsa rèré Ẹnẹyịmavara, o vee sí ọ yọ varẹma.

Ụhịrẹyị 22:9

Ọza anaā mẹ ẹyịza vị ọnị oō ze yị agụvị ka a sị ịsa yị onosiye nịnị.

Ụhịrẹyị 25:21

Ụngwẹ àa kụ ọnịvị awụ, dị ịsa yọ vị ọ rị ọ, onyi àa kụ ọ, ka enyi yọ dị o hu ọ.

Ezikẹẹrị 18:16

Ẹ́ yị ma mẹ ẹvaya yị ọza ọnyọọnyị; ẹ́ yị ma rẹ ma ako yị ọza. Ẹ́ yị ma kà a ka ọza ọ̀ sị ịsa va jẹẹ dị ọnị ọ̀ va sị ẹkẹhị rèré e. Òo re ọza ọnị ụngwẹ aa kụ̀, dị ọ dà ịsa yọ, ọza ẹnẹ ẹ̀ yị nyị ịta ku ẹngụ, dị ọ sị awuru yọ.

Ezikẹẹrị 18:7

Ọza ọnọọ ọ́ ma mẹ ẹvaya yị ọza, ama ịsị ọnị ọza ọọ sị va dọ ọ ịsa rere, vị ọnị ọọ varẹma yị ọza ọnọọ. Ọza ọnọọ ẹ́ yị ma mẹ ako yị ọza, òo re ọza ọnị ụngwẹ aa kụ̀, dị ọ dà ịsa yọ, ọza ẹnẹ ẹ̀ nyị ịta ku ẹngụ, dị ọ sị awuru yọ.

Ịdanịyẹrị 4:27

Dị Ịdanịyẹrị rẹ ka, Taarụ, ọ̀ navọ ọ̀ dọ ajuwe anị, dị ọ̀ hụụnị ebira odivi ọyịmẹ̀ dị ọọ mẹ̀ ebira ọyịza. Ọ kà ọọ vayị ọnụya nịnị bẹẹ, ọnọọ ọ vaa mẹ̀ ka ò zé yọ nị.

Imika 6:8

Eyiye, Ẹnẹyịmavara ọ raa kà īsa vọrọ yị wụ nịnị anẹhẹ Ịsị e si hụụnị ụvọ awụ nịnị ọ vị ọnọọ nị. Waā kà ịzẹyịza, dị waā vayị ọza. Dị waa mẹ̀ ịsa oni Ohomorihi sì ịnị ịrẹsụ ọkahi.

Imatiwu 25:40

Dị Ohinọyị vee tụ̀ ohi ka: ‘Ịzẹyịza, m maa kà a wụ nịnị nị, ụ mẹ̀ raà mẹẹ yị ene weyi hu ịnị ọhụva amị ẹnẹnị aanị, ẹmị ụ rẹ mẹẹ yị nịnị avọọ nị.’

Imatiwu 26:11

Onosiye vị oni u wee re nịnị eyinị-eyinị; ama ẹma rẹẹ̀ yị vaa yàa pe wu nịnị pooro nị.

Ịmaakị 14:7

Onosiye vị oni u wee re nịnị eyinị-eyinị; ịhị wèe sì nịnị, wa zụ mẹ wa ẹyịza nịnị. Ama ẹma rẹẹ̀ yị vaa yàa pe wu nịnị pooro nị.

Iruuku 11:41

Sị ịsa ana yà ịnị ako ọnịrị ịsa ana yà ịnị ịchacha awụ nịnị mẹ onosiye nịnị ẹyịza, ịjọnọọ avaba ịsa vaa nịị yị wụ nịnị.

Ịjọọnụ 13:29

Ijudasi o sị eyi pe ẹkẹhị ẹnịnị nị, agụvị avọọ dị aza ẹnyị ẹnịnị ro ka vị Ijeesu kà a yọ ka ọ̀ na hị́ ịsị ẹnị vaa sị rị eche nị. Ẹ rẹ ka ẹ̀ yị vị avọọ, ahịka vị ọ ka ọ̀ sị ẹkẹhị yị onosiye nịnị nị.

Odeyi 10:31

Dị ọ ka: ‘Ịkọnẹrịyọsị! Ohomorihi ọ sị aduwa awụ dọ. Ọ rẹ tamayị ẹyịza ọnị ụ waa mẹ.

Odeyi 11:29

Dị ezirẹma nịnị ka ọzịnya-ọzịnya ẹnịnị ẹ̀ sị vụrị, dị ẹ̀ sị ịsị èe re na mẹ ọgụvọ yị anda ẹnịnị ene hi Ijudiya.

Odeyi 16:15

 mẹ̀ ọyịhwọzenyi yọ beri aneehi anị. Dị ọ dá ịpẹ ka ya vẹ ini eehi anị, yàa dọ ka ọnị ộ nyị ịzẹyịza hi Ananyị yị. Dị ọ dá ịpẹ yị ẹtẹẹtẹrẹ nị.

Odeyi 4:32

Avaba ẹnịnị ana dọ wụ́ vị ana và ịnẹ bẹ, dị ẹ nyị ayị ọnya nị. Ẹ yị nyị ọza ana kà a ka ịsị ọnị nyị ka áanị ịnyara kẹnẹ ọ vị nị. Ịsị ẹ̀ẹ nyị, vi e dudu aa gà a nị.

Aniroomi 12:13

Ẹwụrị aza Ohomorihi è duduu gà ịsụ wàa nyị nịnị, dụ wee sì ọzọga nịnị.

Aniroomi 12:20

Agụvị avọọ, ụngwẹ àaa kụ̀ ọnịvị awụ, dà ịsa yọ! Enyi àaa kụ̀ ọọ, ká enyi yọ hú. Wàa vavọọ aa mẹẹ, ụ vaa mẹ ka ụhị ọ̀ọ nyị ọọ.

Aniroomi 16:23

Ịgayọsị adarehi amị ọnị ịragụ Ohomorihi ịzẹnị aa kụ́ụ gụ ị́da anị ka ẹnị kụ́ wụ nịnị. Ẹrasịtụsị anaā sịị ẹkẹhị ẹkụraa tẹ ka ọnị kụ́ wụ nịnị. Ikuaritu ọhụva ayị ka ọnị rẹ kụ́ wụ nịnị.

Anẹhwẹsọsị 4:28

Ọza eneē vidii yi oyi, ọ̀ na hụụnị oyi oyiyi! Ọ̀ kụkụ naa sị ụvọ anịị mẹ̀ ụkọrọ ini oze ene zoza, dị ọ̀ zụ nyị, dị ọ̀ hyakụụ mẹ ọgụvọọ yị onosiye nịnị bẹẹ!

1 Itimoti 5:10

Dị à va dọ osoku, a rẹ vọrọ ka aza ẹ̀ẹ kà ịrẹyị ọyịza anị, agụvị ka aa mẹ̀ ịsa ozoza. A rẹ vọrọ ka ọ̀ vị ọnẹẹ ana pá ezi anị ẹtẹẹtẹrẹ, dị ò reē sì ọzọga. A rẹ vọrọ ka ọ̀ vị ọza ana raà nyịna aza Ohomorihi ahụ da, dị ọ̀ vị ọza anaā mẹ ọgụvọọ yị aza ana aa rị ụya, dị ọ̀ rẹ vị ọza ana ahịka ịsa ozoza ọọ̄ mẹ̀ pooro nị.

Ihwirimọnị 1:7

Ẹnẹbẹnị, ịrẹyị ọza ọnị u sì, ộ mẹ̀ ka ịnẹ amị ò hine ẹtẹẹtẹrẹ, ộ rẹ sị ọtụtụrụma mị bẹẹ. Wa raà mẹ ka avaba aza Ohomorihi ẹ̀ nyị ayọnẹtẹ.

Anihiburu 13:16

Tamayị di u we re ka waa mẹ ọyịza nịnị! Ịsị ụ wàa nyị, ẹwụrị ọza ọ̀ọ gàa nịnị! Ẹngụ ẹnẹẹ ọ vị ịsọvọ oni Ohomorihi sì nị.

Anihiburu 6:10

Ohomorihi ọ ma mẹ irikichi. O yi vee hi ayị ụkọrọ awụ nịnị. O yi re vee hi ayị, u meme sì ịrẹyị aza Ohomorihi, dị ụ waa gụ wa ụvọ nịnị agụvị ịrẹha anị, anka ụ màa yịị mẹ nịnị.

Ijemiisi 1:27

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.