Imatiwu 25:32 - IWE ỌNỊNỊ

³² Dị avaba anẹhẹ wara gụ ịda anị, dị ọ gà wa hi ẹẹva, anka oseratẹmẹ mẹ̀ẹ̄ tọ̀ọ́ atẹmẹ ọnịrị ẹvụụ hi aha irenyi-irenyi avọọ.

Imatiwu 25:32 ပူးပေါင်းရင်းမြစ်များ

Ahẹ Ụgama 1:5

Aza ana aa mẹ̀ ebira odivi vi oni Ohomorihi vaa jị ịvịị yị ẹnịrị aza ana aa mẹ̀ ebira ọnị Ohomorihi sì e yi vee hi aha ọnya.

Ahẹ Ụgama 78:52

Di Ohomorihi kụ́ aza anị jịnẹ aa na ịnị ụnọmị anka ọza ene ee sere atẹmẹ mẹ̀ẹ kụ́ atẹmẹ anịị zị avọọ nị.

Ahẹ Ụgama 96:13

Ẹnịnị vavọọ vaa jị ahẹ kụ́ Ẹnẹyịmavara, agụvị ka aa vẹ dị ọ̀va mẹ̀ ọkarẹyị anẹhẹ. Ịzẹyịza ọ vaa sị mẹ̀ ọkarẹyị ana vọrọọ yị anẹhẹ ọnịrị aza nịnị.

Ahẹ Ụgama 98:9

Ẹnịnị è hi ọvịdị Ẹnẹyịmavara dị ẹ̀ẹ jị ahẹ, agụvị ka a vaa mẹ̀ ọkarẹyị anẹhẹ. Ịzẹyịza ọ vaa sị mẹ̀ ọkarẹyị anẹhẹ nị, ọ yị vaa mẹ eyida.

Ezikẹẹrị 20:38

Avaba aza anaā kụ̀ụ hịrẹ ọnị, dị ẹẹ̄ mẹ̀ ebira odivi-odivi vị ọnị ọnị vaa tọ̀ọ kwooze, ọnị vaa kụ waa hụrị ẹtẹ ẹnẹ ẹ́ ra booro aanị, ama ọnị ẹ́ yị vaa zẹẹ ka ẹnịnị ẹ̀ vavẹ ẹtẹ Isirẹrị. Ịjọnọọ ụ vaa yẹ nịnị ka ọnị ọ vị Ẹnẹyịmavara nị.

Ịmarakayị 3:18

Ịjọnọọ aza re ve re irenyi ana ya ịnị akakana ọnịzẹyịza ọnịrị aza edivi, aza ana aa hẹkẹ ẹ ọnịrị aza ẹnẹ yị ẹẹ hẹkẹ ẹ nị.

Imatiwu 13:49

Avọọ ọ mẹ̀ vaa yà ịnị ụmẹ ọdịrẹma ẹhẹ nị: Anggẹẹrị nịnị vaa jịnẹ naa kụ́ aza edivi hụụnị aza ọyịza,

Imatiwu 28:19

Agụvị avọọ, nọ avaba ẹhẹ nịnị, di u we re ka wâ mẹ ka avaba anẹhẹ ẹ̀ vara ezirẹma amị nịnị! Dị ụ waa mẹ ọyịhwenyii yị wa ịnị ịrẹha Ada ọnịrị Ozi ne beri Ụhwẹ Ọnịnị.

Imatiwu 3:12

Ọ vaa tụ́ azịzẹ ahịị hụụnị akụ obooro, dị a si a kụkụ nyị azịzẹ ịzọọ vụrụ-vụrụ. Dị ọ kụ́ akụ anị hi ịhị ụhwọ; ama dị ọ kụ azịzẹ hi ịnị ịra ene è yi mē mi pooro”.

Ịjọọnụ 10:14

Ama ẹmị ụvọta ọ vị ọza anaā tẹsị atẹmẹ ẹtẹẹtẹrẹ nị. Mâ yẹ aza amị, dị aza amị ẹnị rẹ yẹ ẹmị nị,

Ịjọọnụ 10:27

Atẹmẹ amị vị anaā wụ́ ọngwẹ amị, mâ yẹ wa, ẹnịnịị̄ dụ mị ịrẹma.

Aniroomi 2:12

Avaba aza ẹnẹ ẹ̀ yị yẹ ọda Aniju dị ẹ yaa mẹ ịvị nị, vị ene vee vu ẹtẹ; ama ayị vị ọda ọnọọ, a vaa sị mẹ̀ ọkarẹyị yị wa. Avaba aza ana rẹ yẹ ọda ọnọọ dị ẹ yaa yịị mẹ ịvị nị, vị ene re vee vu ẹtẹ; ọda ọnọọ a vaa sị mẹ̀ ọkarẹyị yị wa nị.

Aniroomi 2:16

Anka enube ọyịza ọnị maa kà ịhị Ohomorihi àaa zị oze ịnị ụvọ Ijeesu Ikirisiti mẹ̀ ọkarẹyị, ịsa ana aza tangwa ee ro ịnị ayị ẹnịnị, vị ọ vaa yà anka ịrẹyị ọnị mị kà aanị nị.

1 Anịkọrịntị 4:5

Agụvị avọọ, asị ụ mẹ̀ ọkarẹyị yị ọzọnyị-ọzọnyị nịnị, ama jẹẹ tù ụmẹ ana Ananyị yị vaa vaa vẹ nịnị! Ọnị ọ vaa sị avaba ụkọrọ eweree vẹ ini eyigede nị, dị ọ rẹ sị ịsa ana aza sị tụ́ ịnị ayị tụ́ ẹhẹ. Ịhị ọnọọ, Ohomorihi vaa ga ọzọza, ọ mẹ̀ vọrọ.

2 Anịkọrịntị 5:10

agụvị ka ẹ yị zụ nyị ka avaba ayị ọ yị vaa nọ ọvịdị Ikirisiti, dị ọ̀ mẹ̀ ọkarẹyị yị. Ọzọza vaa dọ ọgụ ịsa ọnị ọ mẹ, ọ mẹ̀ yà ịnị ẹhẹ ọnọnị; ọ̀ọ vị ọyịza, ọ̀ọ vị odivi.

1 Ịsamụwẹrị 2:10

Aza ana kwẹẹtẹ tù Ẹnẹyịmavara vị ọnị ọ vaa garaa ha. Apaana ihinẹba ọ vaa tụ́ụ hi wa nị. Ẹnẹyịmavara vaa mẹ̀ ọkarẹyị avaba anẹhẹ. Ọ vaa sị ụkataa yị ọza ọnị ọ sị mẹ ohinọyị, mị ka ọza ọnị ọ̀ọ nyị mẹ ohinọyị, vị ọnị ọ vaa sị ụkataa yị.”